Fréttablaðið - 06.01.2007, Side 38

2
Öfgafull blóðþrýstingshækkun er
kölluð háþrýstingur og alvarleg-
asta afleiðing hans er heilablóðfall
en hann getur einnig skaðað hjarta,
augu og nýru. Eina leiðin til þess að
komast að blóðþrýstingsgildi er að
fara í blóðþrýstingsmælingu.
Blóðþrýstingsmæling er ekki
flókin aðgerð. Við blóðþrýstings-
mælingu eru tvö gildi skráð, efri
mörk sem kallast slagbilsþrýstingur
og neðri mörk sem kallast hlébils-
þrýstingur. Gildin eru mæld í milli-
metrum kvikasilfurs og sýna hversu
marga millimetra af kvikasilfurssúlu
þrýstingur í æðunum getur lyft.
Ýmislegt hefur áhrif á blóðþrýst-
ing og hægt er að reyna að lækka
hann með minni saltneyslu, minni
áfengisneyslu, megrun, reglulegri
hreyfingu og ástundun slökunar. Ef
ekkert af þessu dugir til er lyfjameð-
ferð beitt en hún er í stöðugri þróun
og í flestum tilfellum er hægt að
halda blóðþrýstingi niðri með réttri
lyfjameðferð og lækniseftirliti.
Minna salt og
meiri hreyfing
Langvarandi blóðþrýstingshækkun veldur auknu álagi
á hjarta- og æðakerfið og því mikilvægt að fylgjast vel
með blóðþrýstingnum. Í janúar verður boðið upp á fría
blóðþrýstingsmælingu í verslunum Lyfja og heilsu.
{ heilsublaðið }
Sund er ein besta hreyfing sem hægt
er að iðka enda hefur sund áhrif á
alla vöðva líkamans. Sundið styrkir
hjartavöðvana, eykur súrefnisflæði
til vöðvanna og getur losað um
stress. Sund virkar einnig vel gegn
vöðvabólgu og margir leggja stund
á vatnsleikfimi sem leið til að
styrkja líkamann og auka liðleika.
Sund stuðlar að bættri líkamlegri
vellíðan.
Einnig er vert að vekja athygli á
að sund er ódýr heilsurækt en það
kostar að meðaltali um 70 krónur á
dag að iðka sund sé árskort keypt.
FARIÐ AF STAÐ
Besta leiðin til að ná líkamlegum
árangri með sundi er að fara að
meðaltali þrisvar í viku og synda
þá styttra í hvert skipti frekar en að
synda sjaldnar og lengur. Best er að
taka nokkrar vikur í að byggja upp
líkamann og venja hann við sund-
tökin. Gott er að setja sér raunhæft
markmið hvern dag þar sem synt er
eftir mínútum eða metrum, um leið
er hlustað á líkamann svo fljótt lær-
ist að meta hvort púlsinn sé réttur.
Margar sundlaugar bjóða upp á
ýmis námskeið í sundi og vatns-
leikfimi sem má kynna sér hjá
sundstöðunum. Einnig má finna
á vefsíðunni www.doktor.is góða
æfingatöflu sem styðjast má við
þegar farið er af stað í sund. Grein-
ina má finna með því að slá upp
leitarorðinu sund.
KOMIÐ ÚT Í LAUG
Engin ein sundtækni er betri en
önnur. Hins vegar er best að nota
þá sundaðferð sem hentar best og
sundmaðurinn ræður auðveldlega
við. Þegar líður á þjálfunina má
bæta við sundaðferðum til að fá
fjölbreytni í æfingarnar.
Nokkur munur er á bringu- og
skriðsundi. Bringusund er algeng-
asta sundið og þar sem vatnsmót-
staðan er nokkur í því sundi þarf
samhæfing milli arma og fóta að
vera góð. Bringusund reynir meira
á hnjáliði og neðri hluta baks.
Sund er vissulega gott gegn
vöðvabólgu en í raun hentar skrið-
sundið betur fyrir þá sem eru með
stífa vöðva. Skriðsund styrkir bakið
án þess að reyna mikið á það og
skriðsundið er einnig mýkra fyrir
hnjá- og mjaðmarliði þar sem
hreyfingin á að koma frá mjöðmum
en ekki hnjám.
Margir forðast skriðsundið, þar
sem það reynist mörgum erfiðara
en bringusundið, en með þolinmæði
og æfingu má ná góðum tökum á
því. Skriðsundið reynist byrjendum
oft erfitt þar sem andlitið er mest-
allan tímann undir yfirborðinu og
andað er í öðru eða þriðja hverju
taki. Þá er mikilvægt að beita réttri
öndun og slaka á. Of mikil fótatök
þreyta líkamann og því er betra að
byrja hægt og ná réttum tökum á
sundinu frekar en að geysast áfram
og súpa hveljur.
AÐ SUNDI LOKNU
Eftir góðan sundsprett er gott að
teygja á vöðvunum. Best er að
halda teygjunni í 20 til 30 sekúndur
og anda rólega á meðan. Að æfingu
lokinni má heilsa upp á heitu pott-
ana eða skella sér gufu og að sjálf-
sögðu, gæða sér á pulsu og kóki
eftir að sundlyklinum hefur verið
skilað.
Sundið styrkir og bætir
Góður sundsprettur er gulls ígildi enda er sund sú hreyfing sem liðkar líkamann og
reynir á alla vöðva hans. Sundið slakar á vöðvum, eykur þol og er ódýr líkamsrækt.
Dansrá› Íslands | Faglær›ir danskennarar Borgartún 6 | 105 Reykjavík | sími 553 6645 | fax 568 3545 | dans@danskoli.is | www.dansskoli.is
VI‹ BJÓ‹UM
UPP Í DANS
Innritun og
uppl‡singar
í síma 553 6645
e›a á dansskoli.is
Mambó
Tjútt
Freestyle
Break
Salsa
Brú›arvals
Barnadansar
Samkvæmisdansar
Sérnámskei› fyrir hópa
N‡justu tískudansarnir
Börn – Unglingar – Fullor›nir