Fréttablaðið - 03.03.2007, Blaðsíða 8

„Við setjum bala á gólfin þegar rignir,
það er ekki hægt að opna glugga því glerið dettur út á
tún, skólpið er bilað, hitalagnir ónýtar og það blæs hér
í gegnum allt.“
Þetta er myndin sem Guðmundur Týr Þórarinsson,
forstöðumaður meðferðarheimilisins Götusmiðjunnar,
dregur upp af húsakosti heimilisins að Akurhóli.
Þegar Götusmiðjan fluttist þangað fyrir tæpum
þremur árum lá fyrir að ráðast þyrfti í gagngerar
endurbætur á húsakostinum. Þrátt fyrir endurtekin
samtöl við ráðherra og vilyrði fyrir úrbótum hefur
ekkert gerst.
„Ég hef rætt málið við fjóra ráðherra, þarf alltaf
að taka það upp upp á nýtt því þeir hafa hætt hver af
öðrum,“ segir Guðmundur, sem sér nú ljós í myrkrinu
enda flutningar áformaðir á ný.
Á fimmtudag litaðist hann um á Efri-Brú þar sem
Byrgið var áður, en í athugun er að Götusmiðjan
flytjist þangað. Guðmundi þykir annar kostur þó
álitlegri, nefnilega Arnarholt á Kjalarnesi. „Við höfum
ekki efni á að vera vandlát en ég hef í eitt og hálft ár
beðið eftir að fá viðtal við heilbrigðisráðherra sem
hefur með Arnarholt að gera. En ef Efri-Brú er málið
erum við auðvitað til viðtals um það.“ Rúm er fyrir
fimmtán ungmenni í meðferð Götusmiðjunnar á
Akurhóli og er hvert þeirra skipað.
Uppfærsla Baltasars Kor-
máks á þekktu leikverki eftir
Ibsen var frumsýnd í Barbican-
menningarmiðstöðinni í Lund-
únum á miðvikudaginn. Hvað
heitir verkið?
Ummæli um Bubba
Morthens sem birtust á forsíðu
Hér og nú voru dæmd dauð og
ómerk í Hæstarétti á fimmtu-
dag. Hver voru þessi ummæli?
Hvað heitir landlæknir?
Íbúar í Hlíðum,
Holtum og Norðurmýri, krefjast
þess að gert verði ráð fyrir stokki
á vegaáætlun sem nú er til
meðferðar hjá Alþingi. Pálmi
Finnbogason, formaður íbúasam-
taka hverfanna, óttast að stokkur-
inn – sem sé meginhagsmunamál
íbúa – hverfi af vegaáætlun.
„Við viljum aðgerðir til að
draga úr umferð um hverfið,“
segir Pálmi og bendir á að
svifryksmengun sé mikil enda
skeri þrjár stofnbrautir; Mikla-
braut, Kringlumýrarbraut og
Bústaðavegur, hverfið. „Þetta er
ólíðandi og ekki hægt að bjóða upp
á þetta ástand. Hér eru skólar og
leikskólar innan þess svæðis þar
sem svifryk og loftmengun eru
hvað mest.“ Íbúasamtökin halda
fund um málið á mánudag í
Háteigsskóla.
Svifryksmeng-
unin ólíðandi RomanoProdi, forsætisráð-
herra Ítalíu, hlaut
stuðning meiri-
hluta þingmanna í
neðri deild ítalska
þingsins í kosn-
ingu í gær. Þar
með er pólitískri
krísu síðustu vikna
lokið.
Fyrr í vikunni
vann Prodi
naumlega kosn-
ingu um stuðnings-
yfirlýsingu við
hann í öldunga-
deild ítalska
þingsins.
Enn ríkir þó vafi um hversu vel
ríkisstjórn Prodis muni ganga
með nauman þingmeirihluta en að
henni standa flokkar allt frá
Kommúnistaflokknum til Kristi-
legra demókrata.
Krísan á enda
Samkeppnisyfirvöld í Noregi hafa lagt á
mjólkursamlagið TINE að greiða því sem svarar til
um 500 milljóna íslenskra króna í sekt fyrir brot á
samkeppnislögum.
Að því er kemur fram í vefsetri Samkeppniseftir-
litsins á Íslandi braut TINE á keppinauti sínum, Synn-
øve Finden, með því að semja um einkarétt á sölu
mjólkurvara í tilteknum verslunum. Ólafur Magnús-
son, framkvæmdastjóri Mjólku, segir þetta sambæri-
legt við aðstæður á Íslandi þar sem Mjólka keppi við
Mjólkursamsöluna (MS).
„TINE gerði samninga um framsetningu á sínum
vörum og aðrir fengu ekki framsetningu á sínum
vörum. Þetta snýst um alveg sama grundvallaratrið-
ið hér á Íslandi,“ fullyrðir Ólafur.
Að því er Ólafur segir selur MS mjólkurduft til
Mjólku á helmingi hærra verði en til annarra fram-
leiðenda þrátt fyrir að samkeppnisyfirvöld hafi
úrskurðað það vera brot á lögum. Ofurtollar hindri
Mjólku í að flytja inn fjórfalt ódýrara mjólkurduft
frá Norðurlöndunum. Nauðsynlegt sé að fá tollana
fellda niður og skapa virkari samkeppni.
„Við erum alltaf að fá fleiri og fleiri dæmi um að
Mjólkursamsalan stundar markviss undirboð til að
koma Mjólku út af markaðinum. Það er algerlega
ljóst að Mjólka mun ekki láta það yfir sig ganga,“
segir Ólafur.
Telur MS einoka markaðinn
Íslenska ríkið hefur
verið dæmt skaðabótaskylt
gagnvart konu sem smitaðist af
lifrarbólgu C við blóðgjöf á
lyflækningadeild Landspítala -
árið 1990.
Konan greindist með alvarleg-
an lifrarsjúkdóm og fólst
meðferð hennar meðal annars í
blóðgjöf og -skiptum. Konan
veiktist í kjölfar blóðgjafarinnar.
Héraðsdómur Reykjavíkur
taldi að þar sem konan hefði
ekki vitað af ástæðu veikinda
sinna fyrr en 1999 væri skaða-
bótakrafa hennar ekki fyrnd, en
skaðabótakröfur fyrnast á tíu
árum.
Ríkið dæmt
skaðabótaskylt