Fréttablaðið - 12.04.2007, Blaðsíða 40

12. APRÍL 2007 FIMMTUDAGUR4 fréttablaðið verk að vinna
„Við erum mikið að flytja inn vagna
af ýmsum stærðum og gerðum,
allt frá litlum vögnum sem henta
á golfvelli og upp í stóra vagna
sem ætlaðir eru til jarðefnaflutn-
ings,“ segir Baldur Þórir Gíslason
sem rekur fyrirtækið Vagnheima.
Ásamt vögnunum selja Vagnheim-
ar haugsugur og skítadreifara.
Baldur sem er 25 ára gamall
hefur lengi haft áhuga á viðskipt-
um. „Frænka mín og maðurinn
hennar eru bændur og þau vantaði
stóran skítadreifara. Þau báðu mig
að aðstoða sig að komast í samband
við fyrirtæki úti til að kaupa dreif-
arann og í framhaldinu kviknaði sú
hugmynd að fá umboð hér á landi
og hefja innflutning. Undirbúning-
urinn hefur staðið í nokkra mán-
uði og nú eru nokkrar vikur síðan
við hófum sölu. Við tókum tækn-
ina í okkar þjónustu og erum með
vörulistann á netinu, en enga versl-
un. Þannig spörum við þann kostn-
að sem venjulega hlýst af yfirbygg-
ingu og getum boðið ódýrari vöru
og meira úrval. Við liggjum ekki
með neinn lager hér, enda tekur
afgreiðslan að utan mjög stuttan
tíma. Fyrir vikið getum við boðið
mun meira vöruúrval því við erum
ekki takmarkaðir af því sem er á
lagernum. Við erum að fara út fyrir
þetta hefðbundna í vélasölunni. Við
erum að byrja núna og reynum að
gera vel við viðskiptavini okkar. “
Baldur segir að hann hafi lært
mikið um búskap á því að reka
Vagnheima. „Ég hef ekki unnið við
búskap en frænka mín og maður
hennar eru með í rekstrinum. Það
má því segja að þetta sé fjölskyldu-
fyrirtæki.“ Auk þess að flytja inn
búvörur rekur Baldur lítið útgerð-
arfyrirtæki ásamt föður sínum og
hefur því í nógu að snúast.
hnefill@frettabladid.is
Netið gefur ný
viðskiptatækifæri
Baldur segir að þeir sem hafa áhuga á að
kynna sér það sem hann hefur að bjóða
geti heimsótt vefinn www.vagnheimar.is
Pólverjar sem voru á ferð hér á
landi nýverið hafa sýnt áhuga á
að kaupa Zetor- og Ursus-drátt-
arvélar. Þetta kom fram í héraðs-
fréttablaðinu Skessuhorni í Borg-
arnesi nýverið. Þeir sem ferðast
um landið vita að Zetor-dráttar-
vélar eru gríðarlega algengar og
má sjá slíka gæðagripi á mörgum
betri bæjum. Margar þeirra eru í
góðu standi en aðrar þarfnast tölu-
verða viðgerða.
Nú hefur hins vegar opnast
alveg nýr markaður fyrir þá sem
vilja verða sér út um smá pening
fyrir gömlu dráttarvélina sína.
Að því er fram kom í Skessuhorni
voru Pólverjar á ferð í Reykjavík
og sáu Zetor fyrir utan hús þar í
bæ. Eigandinn var ekki heima við
en haft var uppi á honum og var
hann til í að selja Zetorinn sinn.
Í kjölfarið fóru Pólverjarnir að
leita að fleiri Zetor-dráttarvélum
og einnig vélum af Ursus-gerð.
Ástæðan er sú að þeir búa í ná-
grenni við Zetor-verksmiðjuna í
Póllandi og fá varahluti og annan
búnað til endurbóta og stand-
setningar á þessum vélum á lágu
verði. Eftir að þeir hafa gert upp
dráttarvélarnar eru þær svo seld-
ar pólskum bændum sem líkar
vel við Zetor- og Ursus-vélar.
Munu Pólverjarnir hafa gert
víðreist um landið þegar þeir
voru hér og heimsóttu meðal
annars Akureyri og fleiri staði
á Norðurlandi. Nú þegar munu
einhverjir tugir véla hafa verið
seldar úr landi en þeir sem hafa
áhuga á sölu geta haft samband
við Boguslaw Raut í síma 00 45
20494957.
hnefill@frettabladid.is
Zetorinn nýtur vinsælda
Zetora má finna á sveitabæjum víða um land í misgóðu ástandi.
FRÉTTABLAÐIÐ/INGÓLFUR SIGFÚSSON
Jón Gíslason, bóndi á Lundi í Lundarreykjadal, seldi Pólverjum tvær dráttarvélar á einu bretti. MYND/SKESSUHORN