Fréttablaðið - 12.04.2007, Qupperneq 42

12. APRÍL 2007 FIMMTUDAGUR6 fréttablaðið verk að vinna
„Við förum í fyrirtæki og á þau
svæði þar sem verið er að vinna
á vinnuvélum. Vinnueftirlitið
sér um eftirlit með öryggisþátt-
um vinnuvéla sem eru notaðar
og fluttar inn til landsins,“ segir
Magnús Guðmundsson hjá Vinnu-
eftirlitinu. Þetta geta verið fyr-
irtæki þar sem verið er að nota
lyftara, jarðvinnuvélar, krana og
jafnvel skíðalyftur svo fátt eitt sé
nefnt. Eftirlitið fer alltaf fram þar
sem tækin eru í notkun.“
Magnús segir að þessu
fylgi mikil ferðalög. „Þetta er
skemmtilegt og fjölbreytt starf.
Við förum víða og skoðum ótal
gerðir af vinnuvélum. Til dæmis
hefur verið talsvert að gera aust-
ur á landi vegna framkvæmda
við Kárahnjúka og á Reyðarfirði.
Mér eru minnisstæðir borarn-
ir á Kárahnjúkum, sem eru með
stærstu tækjum sem við höfum
skráð og skoðað.“
Öryggismál og aðbúnaður
stjórnenda eru þeir þættir sem
Magnús segir að Vinnueftirlitið
skoði vel. „Þá erum við að skoða
slit á vélum og hvort eitthvað sé
líklegt til að valda hættu. Öryggi
og góður aðbúnaður skiptir miklu
og með því að fylgjast vel með má
forða slysum.“ hnefill@frettabladid.is
Gæta að öryggi í fjöl-
breyttri flóru vinnuvéla
Halla F. Kristjánsdóttir, framkvæmdastjóri markaðssviðs Íslenska gámafélagsins segir sópinn þann stærsta sem fluttur hefur
verið hingað til lands og hann gagnist vel í baráttunni við svifrykið. FRÉTTABLAÐIÐ/PJETUR
Íslenska gámafélagið tók
nýverið við sópun á götum í
stórum hluta Reykjavíkurborg-
ar. Af því tilefni var keyptur
til landsins nýr sópur sem er
sá stærsti sem notaður hefur
verið hérlendis.
„Við fengum nýja sópinn í byrjun
mars, þegar við tókum við stórum
hluta af götusópun fyrir Reykja-
víkurborg og munum meðal ann-
ars nota þennan sóp í það,“ segir
Halla F. Kristjánsdóttir, fram-
kvæmdastjóri markaðssviðs Ís-
lenska gámafélagsins.
„Við erum með fjölda ann-
arra tækja í þessari sópun líka,
en þessi mun koma að góðum
notum, enda er afkastageta
hans mikil og hann þrífur mjög
vel. Það fer eftir því hversu
mikil drulla og ryk er á götun-
um hversu hratt sópurinn kemst
yfir en hann er töluvert afkasta-
meiri en þeir sópar sem notaðir
hafa verið hér á landi hingað til.
Þá vinnur þessi sópur vel á svif-
ryki, en hann háþrýstiþvær göt-
urnar og er með sugu aftan á sér
sem sýgur upp alla drullu. Það er
nánast hægt að labba á sokkun-
um um göturnar þegar sópurinn
hefur farið um.“
Halla segir að Íslenska gáma-
félagið hafi verið í götusópun um
nokkurt skeið og að verkefnum á
því sviði fjölgi mjög núna. „Við
höfum verið að herja á þennan
markað meira en áður.“
hnefill@frettabladid.is
Vinnur gegn svifrykinu
Magnús Guðmundsson hjá Vinnueftirlitinu segir eftirlitsstarfið vera fjölbreytt því
tækin sem skoðuð eru séu af ýmsum stærðum og gerðum. FRÉTTABLAÐIÐ/GVA