Fréttablaðið - 12.04.2007, Page 46
12. APRÍL 2007 FIMMTUDAGUR10 fréttablaðið verk að vinna
Þóroddur Már Árnason hefur
um nokkurt skeið safnað
heimildum um sögu vinnu-
véla á Íslandi. Hann segir
áhuga sinn hafa kviknað
þegar hann sá jarðýtu í fyrsta
sinn um miðja síðustu öld og
síðan þá hafi vinnuvélar og
landbúnaðartæki verið eitt af
hans helstu áhugamálum.
„Ég fékk áhuga á vinnuvélum ungur
að árum. Það var þegar ég sá jarð-
ýtu í fyrsta skipti. Það var stórkost-
legt að sjá þær og heyra skröltið í
glansandi beltunum. Þetta hefur
verið upp úr 1950 og síðan þá hef
ég haft mikinn áhuga á vinnuvél-
um og gömlum bílum,“ segir Þór-
oddur Már Árnason, sem hefur um
nokkurt skeið safnað heimildum um
vinnuvélar hér á landi.
„17 ára gamall var ég farinn
að vinna á gröfu og síðan á jarð-
ýtu og var meðal annarra verkefna
að vinna við lagningu vatnsveitu í
Borgarfirði. Ég fór svo suður þegar
ég var 19 ára og fór að læra vélvirkj-
un og var í því í 40 ár. Ég hef alla tíð
haft áhuga á vinnuvélum og þá sér-
staklega landbúnaðartækjum.“
Þóroddur segir skráningarvinn-
una hafa undið upp á sig með árun-
um. „Bróðir minn s em nú er látinn
safnaði gömlum dráttarvélum og
ég var með honum í því og í fram-
haldi af því fór ég að safna heim-
ildum um elstu traktorana sem
komu hingað til lands í kringum
1930. Þetta varð svo að áhugamáli
og ég hef safnað saman nokkrum
fróðleik um sögu landbúnaðar- og
vinnuvéla hér á landi. Það er þó ef-
laust margt sem maður á eftir að
komast að. Ég hef talað við fjölda
manna sem margir hverjir eru
fallnir frá og heyrt margar sögur
af vélum. Þá hef ég lesið mér til
í ýmiss konar ritum og skoðað
töluvert af gömlum innflutnings-
skrám. Þá skrifaði Árni G. Ey-
lands mikið um landbúnaðartækni.
Bækur hans Búvélar og Ræktun
sem út kom 1950 og Skurðgröf-
ur Vélasjóðs eru mikil fróðleikur
um þessi efni, þessi rit hans hafa
komið að góðum notum.“
Þóroddur segist hafa lítinn
áhuga á nýjum vélum, hans áhugi
sé frekar á sögunni og gömlu vél-
unum. „Þessar gömlu vélar voru
geysileg bylting á sínum tíma.
Fólk var að kynnast alveg nýjum
vinnubrögðum um 1930 þegar
fyrstu vélarnar voru að koma.
Þetta olli byltingu í bæði land-
búnaði og vegagerð svo eitthvað
sé nefnt. Á stríðsárunum var líka
mikill uppgangur og mikið var
eftir af vélum eftir stríð.“
Þóroddur segist ekki hafa
ákveðið hvernig hann muni koma
þessari söguskoðun sinni á fram-
færi en hann útilokar ekki að af-
raksturinn gæti komið út á bók.
hnefill@frettabladid.is
Margar gamlar vélar
eiga sér merka sögu
Þessa mynd tók Ásgeir Long í Krýsuvík sumarið 1955 af Oliver 80 Standard dráttarvél, árgerð1947. Hún var þá sú stærsta og öfl-
ugasta, tvö og hálft tonn að þyngd og 38 hestöfl. Á vélinni eru ein af fyrstu moksturstækjunum sem til landsins komu árið 1947.
Yuchai
Mest seldu smá-beltagröfur
á íslandi 2006