Fréttablaðið - 03.05.2007, Blaðsíða 52

30 1 2 3 4 5 6
Skessur leggja undir sig Reykja-
vík sólarhringana fyrir kosning-
arnar. Tilefnið er ekki fardagar
heldur Listahátíðin sem skellir
sér ofan í síðustu metrana í kosn-
ingabaráttu og andlegan undir-
búning þjóðarinnar fyrir Euro-
vision. Í gær voru kynnt áform
Listahátíðar, Franska vorsins í
Reykjavík og fjölda stuðnings-
aðila með lögreglu og slökkviliði,
Glitni og Samskipum, Gámafélag-
inu og framkvæmdasviði Reykja-
víkur að hleypa á götur Kvosar-
innar tveimur tröllum sunnan
úr álfu. Það er götuleikhópur-
inn Royal de Luxe sem hingað
kemur og treður upp í miðborg-
inni, börnum og fullorðnum til
ánægju.
Á blaðamannafundi í gær hélt
forkólfur og leikstórji hópsins
hjartnæma tölu um kynni sín af
Íslandi úr sögu Jules Verne, hing-
að hafi hann alltaf langað að koma,
á stað þar sem ævintýri og raun-
veran mættust, sagan og lífið.
Hann smíðaði því ævintýri sem
hentaði söguþjóðinni – hún ætti
jú orðið saga. Jean Luc Courcoult
hefur rekið risabrúðuleikhús sitt
í nær tuttugu ár. Hann segir sig
þjóna sömu hefð og hleypti helgi-
leik kirkjunnar á götur borga Evr-
ópu eftir að kirkjunni var ljóst að
fornar hefðir skrílsláta og fagn-
aðar yrði kirkjan að taka yfir.
Sagan sem hann smíðaði fyrir
sýningar flokksins í Reykjavík
tekur snið sitt af fornum trölla-
sögum: við miðpunkt borgar-
innar – í Grófinni – hafa fransk-
ir fornleifafræðingar verið við
rannsókn og vakið úr dái styggan
tröllkarl sem við það fer á stjá og
veldur skemmdum og öllu laus-
legu sem á vegi hans verður, eink-
um þó bílum. Til að koma böndum
á tröllkarlinn er leitað hjálpar
dóttur hans sem kemur og reynir
að stilla föður sinn. Þessi feðg-
in verða á ferð um borgina, loka
ökuleiðum, taka á móti þúsundum
barna og berst leikur þeirra frá
Hlemmi og niður á hafnarbakka
suður í Hljómskála. Taka verður
fram að þau eru engin smásmíði:
stúlkan sem er minni en karlinn
vegur ellefu tonn með fylgihlut-
um. Hún tekur börn í hendur sér
og lætur blíðlegar en faðir henn-
ar sem bæði hrækir á fólk og spýr
eldi. Gott að hann sprænir ekki
óhreinni vökvum á nærstadda.
Þessi tröllaslagur mun ekki fara
framhjá neinum sem í Kvosinni
verður eða á leið um Sæbrautina.
Í allt verða um tvö hundruð tækni-
menn og bæjarstarfsmenn við
leikinn og ættu allir sem vettlingi
geta valdið að fylgjast með ferð-
um þeirra feðgina. Ólíkt öðrum
borgum sem hafa fengið þau í
heimsókn verður uppljóstrað um
ferðir þeirra og áfangastaði á vef
Listahátíðar, artfest.is, svo ak-
andi menn geti gert ráðstafanir.
Lúðrablástur og mannfylgd mun
annars tefja margra för.
Það eru því dótadagar hjá
starfsmönnum borgarinnar en
þau tröllin eru þessi dægrin við
æfingar ásamt öllu sínu hyski og
hafa sér til fulltingis starfsmenn
borgarinnar og Faxaflóahafna.
Það stefnir því í að það verði
rosalegt fjör í bænum 11. og 12.
maí. Bara tröllin dagi ekki uppi í
borginni.
Tröllaslagurinn í Kvosinni
ónsalir
SKEMMTILEG SUMARNÁMSKEIÐ
Gítarnámskeið - Trommunámskeið - Bassanámskeið.
Þátttakendur mæta tvisvar í viku, 4 vikur í júní. Námskeiðin eru ætluð stelpum og strákum
á aldrinum 7-14 ára. Ætlað byrjendum sem vilja kynnast hljóðfærunum og undirbúa sig
fyrir frekara tónlistarnám.
Upplýsingar og skráning: www.tonsalir.is
Lokadagur skráningar er 18. maí.
Bæjarlind 2, Kópavogi - Sími 534-3700
www.tonsalir.is
„ÞAÐ ELSKA ALLAR KONUR HEIMSFRÆGA MENN“
GRETTIR

Miðasala 568 8000
www.borgarleikhús.is
grettir.blog. is