Fréttablaðið - 18.07.2007, Qupperneq 10

E
N
N
E
M
M
/
S
ÍA
/
N
M
2
8
8
13
... í útileguna
ÍS
L
E
N
S
K
A
S
IA
.I
S
O
R
K
3
81
51
0
7
/0
7
Umferðaróhöppum í
Reykjavík fjölgaði um meira en
þriðjung í fyrra miðað við árið á
undan. Flestir slösuðust í aftaná-
keyrslum, eða rúmlega fimm
hundruð manns.
Í samantekt Sjóvár Forvarnar-
hússins fyrir árið 2006 kemur
fram að tjón sem tilkynnt voru í
Reykjavík voru alls 9.740, sem er
35 prósenta aukning miðað við
árið 2005. 1.234 manns slösuðust í
þessum umferðaróhöppum, sem
er einnig 35 prósenta aukning
miðað við árið á undan.
Flestir slösuðust í aftanákeyrsl-
um, rétt rúmlega fimm hundruð
manns. Aftanákeyrslum í Reykja-
vík fjölgaði um fjórðung á milli
ára. Alls skemmdust tæplega tut-
tugu þúsund bílar í umferðaró-
höppum í Reykjavík, um þrettán
prósent allra skráðra bifreiða á
höfuðborgarsvæðinu.
Karl Ragnars, forstjóri Umferð-
arstofu, segir andvaraleysi öku-
manna orsaka stóran hluta allra
bílslysa. Ökumenn eigi alltaf að
vera viðbúnir því að eitthvað geti
gerst fyrir framan þá. „Sem öku-
maður áttu að mega snarstoppa ef
þú telur ástæðu til þess, og þá þarf
sá sem er fyrir aftan þig að vera
viðbúinn því.“
Hann bætir við að þótt bannað
sé að tala í síma án þess að nota
handfrjálsan búnað þá sé það
sjálft símtalið sem tekur athygli
ökumanna frá akstrinum. „Að tala
í símann og velja símanúmer veld-
ur því að ökumenn veita akstrin-
um minni athygli, og hvort tveggja
þarftu að gera þótt þú notir hand-
frjálsan búnað.“
Einar Guðmundsson, forstöðu-
maður Sjóvár Forvarnarhúss,
segir árið í fyrra hafa verið sér-
staklega slæmt hvað varðar tjón í
umferðinni. Samkvæmt tölum
fyrir fyrstu sex mánuði þessa árs
hefur slösuðum fækkað á ný.
„Gleðilegu fréttirnar eru að
slasaðir einstaklingar í óhöppum á
höfuðborgarsvæðinu eru um
tuttugu prósent færri á fyrri helm-
ingi þessa árs miðað við sama tíma
í fyrra,“ segir hann.
Flest slysin áttu sér stað á
Miklubraut, og gatnamót hennar
og Kringlumýrarbrautar voru þau
gatnamót landsins þar sem flest
slys urðu í fyrra.
Aftanákeyrslur algengasta
orsök bílslysa í Reykjavík
Svandís Svavarsdóttir,
stjórnarmaður Orkuveitu
Reykjavíkur, leggst gegn
einkavæðingu orkugeirans. Í
yfirlýsingu
frá Svandísi
segir að
lýðræðislegu
aðhaldi innan
Hitaveitu
Suðurnesja sé
stefnt í
uppnám og
almannahags-
munir verði
fyrir borð
bornir.
Svandís
telur að stjórn Orkuveitu ríkisins
beri að beita sér í þágu almenn-
ings. Orkuveitan eigi að hafa
frumkvæði að umræðu milli ríkis
og sveitarfélaga um hvernig megi
tryggja að orkufyrirtæki haldist í
almannaeigu en gangi ekki
kaupum og sölum á hlutabréfa-
markaði.
Leggst gegn
einkavæðingu
Kjarnorkuúrgangur sem
helltist niður, sprungin rör, eldur
og vatnsleki eru dæmi um nokkur
af þeim fimmtíu vandamálum sem
uppgötvuðust í stærsta kjarnorku-
veri heims, Kashiwazaki-Kariwa,
eftir að stór jarðskjálfti reið yfir í
norðurhluta Japans á mánudag-
inn.
Greint var frá vandamálunum í
gær sem voru öll minni háttar að
sögn talsmanns fyrirtækisins sem
rekur kjarnorkuverið, Tokyo
Electric Power Co. (TEPCO).
Jarðskjálftinn mældist 6,6 stig á
Richter og upptök hans voru við
strönd Niigata sem er 260 kíló-
metra norðvestur af Tókýó. Níu
létust og 47 slösuðust alvarlega.
Allir hinir látnu voru á áttræðis-
eða níræðisaldri.
Hinn mikli fjöldi vandamála og
það hversu seint TEPCO greindi
frá þeim hefur vakið ugg um að
öryggi í kjarnorkuverum í Japan
sé ábótavant, bæði vegna fjölda
slysa, sem sum hefur verið reynt
að hylma yfir, og að þau séu við-
kvæm fyrir jarðskjálftum.
Forsætisráðherra Japans,
Shinzo Abe, gagnrýndi TEPCO
harðlega í fjölmiðlum í gær. „Þeir
gáfu of seint út aðvörun. Ég hef
sent strangar leiðbeiningar um að
aðvaranir í svona tilvikum þurfi
að gefa út skjótt og af alvöru.“
Abe sagði að þeir sem bæru
ábyrgð ættu að iðrast.
Bilanahrina í kjarnorkuveri
Frumvarpið um
Ríkisútvarpið frá síðasta þingi
verður rætt á fundi úkraínskrar
sendinefndar með fulltrúum
menntamálanefndar í dag.
Sigurður Kári Kristjánsson,
formaður nefndarinnar, segir um
óformlegan spjallfund að ræða.
„Þetta er hópur sérfræðinga á
sviði fjölmiðlunar í Úkraínu sem
hefur lýst yfir áhuga á að hitta þá
sem hafa fjallað mest um málefni
íslenskra fjölmiðla,“ segir hann.
„Frumvarpið um Ríkisútvarpið og
fjölmiðlafrumvarpið fræga verður
meðal annars rætt á þessum fundi.
Ég held þeir hafi meiri áhuga á að
læra af okkur en við af þeim.“
Úkraínumenn
ræða um RÚV