Fréttablaðið - 18.08.2007, Síða 12

Aðalfundur Skóg-
ræktarfélags Íslands er haldinn
á Egilsstöðum um helgina.
Meðal hápunkta fundarins er
krýning á tré ársins, sem fer
fram í dag.
„Það er mikil og góð stemning
hér í vöggu skógræktar
á Íslandi,“ segir Brynjólfur
Jónsson, framkvæmdastjóri
Skógræktarfélagsins.
„Það voru 200 manns mættir
til að hlusta á ávörp og kynn-
ingu skýrslna á föstudagsmorg-
un.“
Aðalfundurinn heldur áfram í
dag og lýkur á morgun með
kosningu í stjórnir.
Tré ársins
krýnt í dag
Íslenskir læknar, sérhæfðir í bráða-
þjónustu, ættu að vera þrjátíu, samkvæmt bandarísk-
um stöðlum sem Landspítalinn miðar við.
Á landinu er hins vegar að störfum einn sérhæfður
bráðalæknir, að sögn Más Kristjánssonar, sviðsstjóra
á Landspítalanum. Tveir bráðalæknar eru erlendis í
námi.
Bráðalæknisþjónusta er afar mikilvæg Íslending-
um, því hér eru byggðir landsins dreifðar og veður
viðsjál, að mati spítalans. Hún er hins vegar sú grein
læknisvísinda sem hlutfallslega fæstir sérfræðingar
starfa við á Íslandi.
Þetta kemur fram í fylgiskjali með bréfi Magnúsar
Péturssonar, forstjóra Landspítalans, sem hann sendi
utanríkisráðuneyti í maí þar sem reifaðar voru
hugmyndir um nýja miðstöð bráðaþjónustu á Norður-
Atlantshafinu.
Bráðalæknar þjóna til dæmis Landhelgisgæslunni.
Hún starfrækir tvo neyðarhópa til að manna tvær
björgunarþyrlur. Landhelgisgæslan kaupir eitt
stöðugildi bráðalæknis af Landspítalanum og er
staðan nýtt á báðar vaktirnar.
Vantar tæplega þrjátíu lækna
Þrír björgunarmenn
létust og sex slösuðust þegar göng
hrundu yfir þá þegar þeir voru að
reyna að ná til sex námumanna sem
hafa setið fastir í námu sem hrundi
fyrir ellefu dögum í Utah í Banda-
ríkjunum.
Þrýstingur í göngunum sem olli
því að kol skutust út úr gangaveggj-
um af miklu afli varð til þess að
göngin hrundu að sögn yfirvalda.
Talin er að hrun námunnar fyrir
ellefu dögum eigi sér sömu orsakir.
Ekki er vitað hvort námumennirnir
sex sem lokuðust þá inni séu enn á
lífi því ekki hefur tekist að ná
sambandi við þá.
Þrír létust
„Ég náttúrulega bara
fraus, ég vissi ekki hvað var að
gerast,“ segir Ólöf Halldóra Þór-
arinsdóttir. Ólöf var fulltrúi
Íslands í skrúðgöngu í bænum
Novi Sad í Serbíu í síðasta mánuði.
Hópur nýnasista réðist á gesti
skrúðgöngunnar, hrópaði niðrandi
orð um aðra kynþætti og gekk í
skrokk á viðstöddum.
„Við vorum fimmtíu manns í
skrúðgöngunni, frá næstum öllum
löndum Evrópu að kynna herferð-
ina „All Different All Equal“,“
segir Ólöf. „Við vorum að ganga í
gegnum garð og þá komu þeir, tíu
nýnasistar, og réðust á okkur.“
Ólöf segir að árásarmennirnir
hafi birst án fyrirvara. „Þeir réð-
ust sérstaklega á þá sem voru
skrautlega klæddir og hrintu
tveimur sem gengu á stultum svo
að þeir slösuðust.“ Ungur ísraelsk-
ur karlmaður varð fyrir áverkum
og missti minnið tímabundið.
Hann var fluttur á sjúkrahús. Ólöf
slapp við barsmíðar.
Ólöfu grunar að árásarmennirn-
ir hafi haldið þetta vera Gay Pride
göngu. „Einn vinur minn hrópaði
„þetta er ekki Gay Pride!“ í von
um að þeir hættu,“ segir Ólöf.
„Eina manneskjan sem þorði að
gera eitthvað var gömul kona sem
hljóp eftir þeim með staf á lofti,“
segir Ólöf. „Margir fóru bara að
gráta og Serbarnir sem voru að
stýra þessu voru gríðarlega leiðir
yfir þessu.“
Fimm menn voru handteknir
vegna árásarinnar og fengu þrír
þeirra 40 daga fangelsisdóm hver.
Ákærur gegn hinum tveimur voru
felldar niður.
„All Different All Equal“ verk-
efninu er stýrt af Evrópuráðinu.
46 lönd taka þátt og markmiðið er
að hvetja fólk til að horfast í augu
við fordóma, virða mannréttindi
og taka virkan þátt í samfélaginu.
„Það má vel sjá þörfina fyrir
þessu verkefni og þessi árás er
dæmigerð fyrir hvað það eru
margir í heiminum sem virða ekki
jafnrétti og fjölbreytileika,“ segir
Ólöf.
„Við vorum ákveðin að láta þetta
ekki hafa áhrif á okkur og héldum
aftur skrúðgöngu daginn eftir. Þá
gekk bara rosalega vel, fólk flykkt-
ist að.“
Ólöf segir þó að hætt hafi verið
við skrúðgöngu sem átti að fara
fram nokkrum dögum seinna. „Við
höfðum frétt það af heimasíðu sem
nýnasistarnir eru með að þeir væru
að safna í lið til að koma og ráðast á
okkur aftur.“
Varð fyrir árás ný-
nasista í skrúðgöngu
Ólöf Halldóra Þórarinsdóttir gekk í skrúðgöngu í Serbíu sem varð fyrir árás hóps
nýnasista. Árásarmennirnir hrópuðu kynþáttaóhróður, gengu í skrokk á við-
stöddum og hrintu fólki af stultum. Ólöf slapp, en einn var lagður inn á spítala.
„Ég er að klára að mála núna
en ég byrjaði að gera upp húsið í
septemberlok 2005,“ segir Sig-
urður Sigurðsson, fyrrverandi
eigandi Bergstaðastrætis 19.
Sigurður tók við viðurkenningu
fegrunarnefndar Reykjavíkur-
borgar í móttöku í Höfða í gær
fyrir endurgerð á húsinu.
Bergstaðastræti 19 var byggt
árið 1896 og dæmt ónýtt árið
1992. Húsið er á tveimur hæðum
og er hvor hæð sextíu og fimm
fermetrar.
Sigurður hefur selt báðar hæð-
irnar og er nú að gera upp hús á
Vesturgötu sem var byggt árið
1882. Húsið þykir góður vitnis-
burður um alþýðuhíbýli um alda-
mótin 1900.
Reykjavíkurborg hefur staðið
að fegrunarviðurkenningum í ríf-
lega hálfa öld. Viðurkenningar
eru fyrir lóðir og vel uppgerð
eldri hús. Skipulagsráð Reykja-
víkurborgar veitir viðurkenning-
arnar eftir tilnefningar frá vinnu-
hópi.