Fréttablaðið - 18.08.2007, Page 66

Kringlan tuttugu ára 1987-2007
Í tilefni af tuttugu ára afmæli Kringlunnar stendur yfir afmælisvika dagana 13.-19. ágúst. Tímamótanna er minnst með upp-
ákomum, sögusýningu og kynningu á framtíðarsýn Kringlunnar. Á tuttugu árum hefur Kringlan stækkað um tuttugu og þrjú
þúsund fermetra. Lára Björg Björnsdóttir kíkti í myndasafnið og skoðaði hvað hefur breyst frá árinu 1987.
Kringlan er til vitnis um stórhug og djörfung í viðskiptum,
sem á sér fáar hliðstæður hér á landi. Með opnun hennar
hefst nýr kafli í verslunarsögunni. Reykjavík hefur verið verslunar-
bær frá upphafi sinna vega og fór fyrst að eflast fyrir alvöru - og
þar með bæjarmenningin í landinu yfirleitt - eftir að verslunarfrels-
ið fékkst.
Skarpskyggnir menn hafa bent á, að ein besta leiðin til að
mynda sér skoðun á lífskjörum þjóða sé að fara í búðir og
skoða þá vöru, sem þar fæst og stuðlar að því að halda venjulegu
mannlífi á braut sinni. Þeir, sem ganga um garða í Kringlunni fá
þá mynd, að hér ríki mikil velmegun. Vonandi reynist þetta ekki
skammlíf glansmynd.