Fréttablaðið - 11.09.2007, Side 34
Bylting drykkju-
manna hefur verið
brotin á bak aftur.
Yfirráðum þeirra í
miðborginni hefur
verið hrundið af
góðborgurum með
dyggri aðstoð
öryggissveitar
ríkisins. Drykkju-
rútar og skrílslæti þeirra teljast
ógn við þjóðaröryggið og þeim
verður umsvifalaust varpað í
dýflissu sem dirfist að kasta af sér
vatni á almannafæri. Slíkt er ekki
eingöngu hneisa heldur stóralvar-
legur glæpur sem þarf að uppræta
með þrautþjálfuðum mönnum.
101 var á góðri leið með að breyt-
ast í Sódómu. Fyrir utan merk
mannvirki stóð ölóður og graður
lýðurinn sem þráði að fá að komast
inn í hlýjuna. Rétt eins og fyrir
þúsundum ára í landinu helga.
Annaðhvort var það að flýja
borgina líkt og Lot og sjá Reykjavík
brenna í synd sinni eða kalla til
víkingasveitina.
Íslensk drykkja hefur getið af
sér lausaleikskróga, kynsjúkdóma
og veikindi á sunnudögum þegar
saklaus alþýðan gengur til messu
eða stendur við Tjörnina með brauð-
mola og skemmtir mávunum.
Broddborgurum í borginni þótti
nóg komið, skítt með það þótt hand-
rukkarar og dópsalar gengju lausir.
Þeir röskuðu í það minnsta ekki
viðkvæmum nætursvefninum á
meðan þeir börðu á hver öðrum á
Bíldshöfða. „Við viljum sérsveitina
í miðborgina og ekkert annað,“ var
hrópað á götum úti. Og svo fengu
yfirvöld lögreglufylgd gegnum
þennan stjórnlausa heim svo þau
gætu kynnst því af eigin raun hvers
konar þjóðflokkur héldi þarna til.
Böndum hefur verið komið yfir
áfengissjúkan lýðinn sem valsað
hefur um, nánast óáreittur, í fríríki
sínu og ekki skeytt um laganna
verði eða fyrirmæli yfirvaldsins.
Og hlotið fyrir það frægð í bókum,
sjónvarpsþáttum og kvikmyndum.
Loksins geta betri borgarar gengið
um, dreypt á þremur rauðvíns-
glösum, sest upp í bíl og keyrt
heim, þeirra er miðborgin í skjóli
sérsveitarinnar sem er jú á launum
skattborganna.
Hvað er að frétta?
Auglýsingasími
– Mest lesið