Fréttablaðið - 29.09.2007, Síða 2

Ef Sparisjóður
Reykjavíkur og nágrennis, SPRON,
greiðir ekki FIT-kostnað viðskipta-
vinar upp á 33.442 krónur innan tíu
daga verður farið með málið fyrir
dómstóla á þeim grundvelli að inn-
heimta bankanna á FIT-kostnaði sé
ólögmæt.
Eins og kom fram í Fréttablað-
inu í gær sendi Oddgeir Einarsson,
héraðsdómslögmaður og einn
þriggja eigenda lögmannsstofunn-
ar Opus, bréf til forsvarsmanna
SPRON þar sem hann færir fyrir
því rök að innheimta bankanna á
FIT-kostnaði fari gegn ógildingar-
ákvæðum samningalaga og brjóti í
bága við samkeppnislög.
Fjölmargir viðskiptavinir bank-
anna höfðu samband við Opus í
gær og lýstu yfir áhuga sínum á því
að fara í mál við bankana vegna
kostnaðar. Jóna Ann Pétursdóttir,
upplýsingafulltrúi SPRON, segir
óvissuna um FIT-kostnaðinn
óheppilega. „Okkur þykir þessi
umræða um FIT-kostnaðinn vita-
skuld óheppileg þar sem óvissa er
uppi. Hún bitnar jafnt á viðskipta-
vinum fjármálafyrirtækja og fyrir-
tækjunum sjálfum. Það er fagnaðar-
efni að Björgvin G. Sigurðsson
viðskiptaráðherra hafi skipað
nefnd til þess að greiða úr þessari
óvissu og vonandi lýkur þeirri
vinnu sem fyrst.“
Allir bankar landsins innheimta
FIT-kostnaðinn með sambæri-
legum hætti. Upphæðirnar sem
viðskiptavinir þurfi að greiða, fari
þeir fram úr heimild sinni, eru
svipaðar eða þær sömu hjá öllum
bönkunum. Ekki var hægt að fá
upplýsingar um það hjá bönkunum
hver væri kostnaður þeirra af því
þegar viðskiptavinir færu fram úr
heimild sinni.
Gunnar Viðar, forstöðumaður
lögfræðiráðgjafar á lögfræðisviði
Landsbankans, telur banka á
Íslandi ekki vera að brjóta lög með
innheimtu sinni. Þvert á móti sé
eðlilegt að viðurlög séu við því
þegar samningar eru brotnir. Hann
segir þegar hafna vinnu innan
Landsbankans til þess að fara yfir
öll mál er þessu tengjast. „Fólk
gerir við okkur samning og skrifar
undir hann þegar það ákveður að
eiga við okkur viðskipti. Þessir
samningar byggja á ákveðnum
skilmálum og innheimtan hangir
saman við verðskrá okkar, eins og
segir í samningum. Grundvallarat-
riðið er að þegar viðskiptavinur
eyðir um efni fram, og fer fram úr
heimild sinni, þá er hann að brjóta
samning sinn við bankann. Viður-
lögin eru samningsbundin og ekki
ólögmæt að mínu mati.“
Málið fyrir dóm ef
SPRON greiðir ekki
Oddgeir Einarsson héraðsdómslögmaður telur innheimtu bankanna vegna
FIT-kostnaðar vera ólöglegan. Hann hyggst fara með málið fyrir dómstóla. Ekki
ólögleg innheimta, segir Gunnar Viðar lögfræðingur Landsbankans.
„Ég fagna því ef
þetta mál fer fyrir dóm,“ segir
Guðjón Rúnars-
son, fram-
kvæmdastjóri
Samtaka
fjármálafyrir-
tækja, SFF, um
hugsanlegt mál
viðskiptavinar
SPRON gegn
fyrirtækinu
vegna innheimtu
á FIT-kostnaði.
„Það er ekkert
nema gott um
það að segja ef fólk fer með mál
fyrir dóm ef það telur á sér
brotið. Til þess er dómskerfið.“
Guðjón segir innheimtuaðferð-
ina, sem notuð sé þegar viðskipta-
vinir eyða um efni fram, vera
eðlilega og hún sé í takt við
samninga milli viðskiptavinar og
banka. „Niðurstaða dómstóla mun
eyða allri óvissu um þessi mál og
það er jákvætt.“
Gott ef fólk
leitar réttar síns
Nýtt einkarekið
fæðingarheimili verður opnað á
næsta ári og verður það til húsa
annað hvort í gömlu heilsuvernd-
arstöðinni eða í nýbyggingu við
hlið þess húss. Það er fyrirtækið
Inpro sem mun reka fæðingar-
heimilið.
Þetta kom fram í fréttum
Stöðvar 2 í gærkvöld. María
Bragadóttir, sviðsstjóri heilbrigð-
issviðs Inpro, staðfesti við
Fréttablaðið að ætlanir væru uppi
um að koma fæðingarheimilinu á
fót á næsta ári.
Á fæðingarheimilinu er stefnt
að því að hafa alla þjónustu
fyrsta flokks.
Einkarekið fæð-
ingarheimili í
burðarliðnum
Oddgeir, verður uppi fótur og
fit ef SPRON gefst ekki upp?
Loftslagsbreytingar
ógna baráttunni við fátækt vegna
þess hve
mikil áhrif
þær hafa á
þróunar-
lönd.
Íslenska
ríkisstjórn-
in er
ákveðin í
því að sýna
samstöðu
með hinum
varnar-
lausu
vegna
áhrifa loftslagsbreytinga. Þetta
er meðal þess sem Ingibjörg
Sólrún Gísladóttir utanríkisráð-
herra sagði í ræðu sinni á 62.
allsherjarþingi Sameinuðu
þjóðanna í gær.
Í lok ræðunnar minntist hún á
framboð Íslands til öryggisráðs
Sameinuðu þjóðanna.
„Framboðið, sem hinar Norður-
landaþjóðirnar hafa stutt, sýnir
staðfestu Íslands í að taka virkan
þátt í að takast á við alvarlegustu
öryggisógnir 21. aldarinnar.“
Hét stuðningi
við þróunarlönd
„Þetta er ekki neitt umhverfisráðu-
neyti, þetta er lögfræðingasamkoma og þeir standa
alls ekki með náttúrunni, þeir eru á móti henni,“ segir
Pétur M. Jónasson vatnalíffræðingur.
Umhverfisráðherra, Þórunn Sveinbjarnardóttir,
synjaði í vikunni beiðni Péturs um endurupptöku
úrskurðar Jónínu Bjartmarz, fyrrverandi umhverfis-
ráðherra, um Gjábakkaveg.
Jónína staðfesti tveimur dögum fyrir síðustu
alþingiskosningar úrskurð Skipulagsstofnunar um
mat á umhverfisáhrifum af Gjábakkavegi, en Pétur
hafði kært þennan úrskurð.
Hann hefur líkt niturmengunaráhrifum vegarins
við að hella saltpétursáburði í vatnið.
„Og þá er bara ekkert annað að gera en að taka
vatnið af heimsminjaskrá,“ segir Pétur.
Hann hafði nýfengið niðurstöðu ráðuneytisins í
hendurnar og vildi því lítið tjá sig að öðru leyti, enda
væri hann vatnalíffræðingur, ekki lögfræðingur.
Þórunn Sveinbjarnardóttir segir að málið hafi
verið skoðað „frá öllum köntum stjórnsýslunnar“, en
ekki hafi verið unnt að verða við beiðni Péturs.
Lögfræðingasamkoma en
ekki umhverfisráðuneyti
Lögreglan á
höfuðborgarsvæðinu fann
síðdegis í gær um 1,7 kíló af
maríjúana í
húsi í
Kópavogi.
Í tilkynn-
ingu frá
lögreglu
kemur fram
að húsleit
hafi verið gerð í húsinu, sem er í
eigu karlmanns á þrítugsaldri, að
undangengnum dómsúrskurði. Í
húsinu fundust einnig 80 kanna-
bisplöntur. Lögreglan varðist
frekari frétta af málinu þegar
leitað var eftir þeim.
Fundu 1,7 kíló
af maríjúana
Ökumaður vörubíls
skildi eftir sig slóð grjóthnullunga
á Laugaveginum við Nóatún um
miðnætti í gær, með þeim afleið-
ingum að tveir bílar skemmd-
ust. Annar bíllinn sat fastur uppi
á grjóti og lak úr honum olía, en
hjólabúnaður og felgur skemmd-
ust á hinum bílnum.
Vörubílstjórinn, sem mun ekki
hafa orðið var við grjóthrunið,
hélt áfram för sinni þar til hann
var stöðvaður á Kringlumýrar-
brautinni. Lögreglumenn höfðu
þá fylgt slóð hans frá Borgar-
túni. Tvær klukkustundir tók að
hreinsa veginn þar sem grjót og
möl hafði fallið.
Grjóthrun á
Laugaveginum