Fréttablaðið - 29.09.2007, Síða 29

Íslendingar eru sjaldséðir í Ástr-
alíu. Það fengu þrjú ungmenni
að upplifa í faðmi Nágranna.
Ása Birna Ísfjörð er forfallinn aðdá-
andi áströlsku sjónvarpsþáttanna
Nágranna.
„Ég var fimm ára þegar ég byrj-
aði að horfa á Nágranna með
mömmu. Það kveikti áhuga minn á
Ástralíu og í sumar fannst mér tími
til kominn að fara,“ segir Ása Birna
sem stefndi ákveðið á slóðir
Nágranna í St. Kilda þegar hún fór
utan með Benedikt Bjarnasyni og
Helgu Jóhannesdóttur.
„Á mánudögum er boðið upp á
skoðunarferð og Nágrannakvöld á
pöbbnum, og ég var staðráðin að
fara hvern einasta mánudag,“ segir
Ása Birna sem komst að raun um að
ekki er allt sem sýnist í sjónvarpi.
„Ramsey Street er ekki til í raun-
veruleikanum, heldur heitir gatan
Pin Oak. Rútubílstjórinn var með
vegpresta í bílnum sem hann hengdi
upp eftir þörfum og við tókum mynd-
ir. Ramsey Street virðist stór gata en
við Pin Oak standa aðeins átta hús og
í húsunum býr fólk. Því eru atriði
aldrei tekin inni í húsunum, en úti-
senur auðvitað teknar við húsin á
Pin Oak,“ segir Ása Birna, en þau
Benedikt og Helga skörtuðu sér-
útbúnum Henson-peysum með
íslenskum fána og skjaldarmerki.
„Fyrsta Nágrannakvöldið gáfum
við leikurum íslenskt brennivín og
harðfisk, en þeir skiptast á að hitta
aðdáendur og eru oftast fjórir
saman. Doktor Karl Kennedy leikur
þarna í hljómsveit svo við gáfum
honum afgang af brennivíni sem
hann hellti upp á hljómsveitarmeð-
limi. Næst þegar við komum til-
kynnti hann gestum að aftur væru
íslensku vinir hans mættir en varast
skyldi brennivín Íslendinga, því það
væri eitur. Dr. Karl var hins vegar
hrifinn af harðfiskinum. Við skipt-
umst svo á netföngum því hann vill
ólmur koma til Íslands,“ segir Ása
Birna sem heldur mest upp á gömlu
brýnin Harold og Lou í þáttunum, en
einnig Stingray.
„Mér þótti mikið í hans karakter
spunnið, en hann er nú dáinn í
Nágrönnum. Hann mætti samt á tvö
Nágrannakvöld, eyddi með okkur
löngum tíma og bauð okkur í VIP-
herbergi þar sem við komumst í enn
meira návígi við leikarahóp
Nágranna,“ segir Ása Birna, alsæl
með ferðalagið og óþreyjufull að
komast aftur til Ástralíu.
„Upphaflega ætluðum við að ferð-
ast víðar en Melbourne reyndist svo
æðisleg að við tímdum ekki að fara.
Íbúarnir voru svo kurteisir og alúð-
legir, borgin svo falleg og hrein með
náttúru og dýralíf allt um kring. Á
ströndinni mættum við smávöxnum
mörgæsaflokki og fórum á slóðir
kóalabjarna og kengúra. Ferðalag til
Ástralíu kostar minna en maður
heldur og virkilega ódýrt að lifa,“
segir Ása Birna um landið sem skart-
aði vori þegar haustaði heima á
Íslandi.
Í návígi Nágranna
MasterCard
Mundu
ferðaávísunina!