Fréttablaðið - 29.09.2007, Qupperneq 58

Viðsnúningur varð á íslensku þjóðfélagi 1. október árið 1977 þegar SÁÁ, Samtök
áhugafólks um áfengis- og vímuefnavandann, voru stofnuð. Konur og menn, er áður
höfðu hvergi getað leitað sér hjálpar og meðferðar við áfengissýki og vímuefnaneyslu,
áttu nú loks þann kost að fá inni hjá fagfólki sem hjálpaði þeim að komast aftur heil
út í lífið og takast á við það – edrú. Í dag hafa um 20.000 manns einhvern tímann
innritast á Vog. Tæp tíu prósent allra núlifandi íslenskra karlmanna sem eru eldri
en fimmtán ára hafa farið á Vog og þar af hefur helmingur þeirra innritast oftar en
einu sinni. Júlía Margrét Alexandersdóttir fór í gegnum myndaalbúmið og skoðaði
stórar stundir úr kraftaverkastarfi SÁÁ í tilefni þrjátíu ára afmælisins.
Kjarkur til að breyta
því sem ég get breytt