Fréttablaðið - 29.09.2007, Page 71

Plötusnúðadúettinn Metro Area
frá New York þeytir skífum í
vetrarpartíi útvarpsþáttarins
Party Zone á Organ í kvöld. Metro
Area, sem er skipuð þeim Morgan
Geist og Deshran Jesrani, munu
flytja sitt eigið efni í bland við
annað. Einnig koma fram hljóm-
sveitirnar Bloodgroup og
Sometime, sem eru báðar að gefa
út fyrstu plötur sínar.
Tilefni tónleikanna er vetrar-
dagskrá Party Zone en þátturinn
er sem fyrr á dagskrá Rásar 2 á
laugardagskvöldum. Þetta er
sautjánda árið sem þátturinn er í
loftinu.
Metro Area í
vetrarpartíi
Ford-keppnin 2007 fór fram í Iðnó á fimmtudagskvöldið.
Fríða Sóley Hjartardóttir bar sigur úr býtum í glæsilegri
keppni, en tíu stúlkur kepptu um titilinn Ford-stúlkan 2007.
Fríða verður því fulltrúi Íslands í alþjóðlegri keppni í New
York, þar sem verðlaunin eru samstarfssamningur við
Ford-skrifstofuna að andvirði 250 þúsund dollara.