Fréttablaðið - 08.10.2007, Blaðsíða 48

Lyfja Lágmúla
Lyfja Smáratorgi
Opið 8-24
alladaga
- Lifið heil
Íallri hinni neikvæðu umræðu um okur, græðgi og einkavina-
væðingu á Íslandi hefur gleymst
að halda því til haga að íslenskur
almenningur býr við mikil ókeypis
hlunnindi. Til dæmis stendur
hverjum sem er til boða að þamba
nægju sína af köldu vatni úr næsta
krana frítt og gratis. Það gefur
auga leið að lítil arðsemi er að því
að heil þjóð drekki sitt vatn ómælt
og ókeypis, ekki síst þar sem að
minnsta kosti þrjár þaulreyndar
aðferðir eru þekktar til að gera
vatnsþambið arðbært.
leiðin og sú elsta og
íhaldssamasta er að vatnsból verði
að nafninu til í sameign þjóðarinn-
ar en nýtingarrétti verði úthlutað
til þeirra sem stórtækastir eru í
vatnsþambinu því að þeirra er
augljóslega mest þörfin. Þannig
mætti breyta verðlausu vatni í
verðmætan vatnskvóta sem í prax-
ís gæti gengið kaupum og sölum
milli þeirra sem kunna eitthvað
fyrir sér í viðskiptum, þótt eignar-
rétturinn væri í teóríunni hjá
hinum uppþornaða almenningi.
leiðin væri sú að einka-
væða vatnsból, ár og uppsprettur
og jökla áður en þeir bráðna af
sjálfum sér og skipa einkavæðingar-
nefnd í málið og leita eftir tilboðum
frá kjölfestufjárfestum auk þess
sem hvert mannsbarn á landinu
fengi að kaupa hlutabréf upp á allt
að tíu lítra. Þannig mundi þjóðin
læra að meta kalda vatnið sam-
kvæmt skynsamlegum reglum
hins frjálsa markaðar með hóf-
legri verðlagningu, góðum
greiðslukjörum og mjúkum inn-
heimtuaðgerðum.
leiðin og sú þjóðlegasta
væri að einkavinavæða hvern
deigan dropa á landinu, allt sem
inniheldur H20 frá sagga í húsum
til fossúða og allt þar á milli þótt
heimilt væri áfram að pissa í skó-
inn sinn. Þjóðin er svo lánsöm að
eiga menn sem kunna þetta ferli á
fingrum sér og gætu smurt hið
stirða opinbera kerfi með vel-
völdum kaupréttarheimildum og
friðað almenning með útrásar-
órum. Til dæmis mætti hugsa sér
að Vatnsveitan í samvinnu við
Green Water Group Capital keyptu
Sahara-eyðimörkina með það fyrir
augum að breyta henni í stærsta
kartöflugarð í heimi og kenna
öllum jarðarbúum að ekkert í ver-
öldinni jafnast á við hið íslenska
gullauga.
Íslenskt
gullauga