Fréttablaðið - 28.10.2007, Side 77

Annað stofuspjall vetrarins fer fram á Gljúfrasteini í
dag kl. 16. Verk mánaðarins að þessu sinni er
Brekkukotsannáll og verður rætt um kvikmyndun og
vinnslu sjónvarpsmyndarútgáfu sögunnar. Sveinn
Einarsson leikstjóri og Björn G. Björnsson og Jón
Þórisson leikmyndahönnuðir rifja upp ævintýrið um
gerð kvikmyndarinnar.
Árið 1972 var ráðist í að kvikmynda Brekkukots-
annál sem kom út á bók 1957. Það var sjónvarpsstöðin
NDR í Hamborg sem hafði frumkvæði að því að
kvikmynda söguna í samvinnu við allar sjónvarps-
stöðvar Norðurlandanna.
Var þetta stærsta kvikmynd sem ráðist hafði verið
í hér á landi og fengu ýmsir af okkar fremstu
listamönnum dýrmæta skólun í kvikmyndagerð með
þátttöku í verkinu. Myndin var sýnd í tveimur hlutum
í ríkissjónvarpinu á sínum tíma og var síðar sýnd í
Danmörku, Noregi, Svíþjóð og víðar en hefur ekki
verið gefin út fyrir almenning. Að venju er aðgangur
að stofuspjallinu ókeypis og allir velkomnir.
Kvikmyndun Brekkukotsannáls
Auglýsingasími
– Mest lesið