Fréttablaðið - 28.10.2007, Page 83
Hvers vegna þurfum
við að draga úr
rjúpnaveiðum?
Rjúpnastofninn stendur höllum
fæti. Ástæðan er ekki þekkt en
hugsanlega gætu skotveiðar skipt
máli. Samtök skotveiðimanna setja
hag rjúpunnar í fyrsta sæti og
vilja leggja sitt af mörkum þegar
nauðsynlegt reynist að draga
tímabundið úr veiðum. Einnig er
það skoðun Skotvís að veiðistjórnun
skuli byggð á vísindalegu grunni og
bestu þekkingu á hverjum tíma. Í
ljósi mikillar sóknargetu íslenskra
skotveiðimanna hvetja samtökin
veiðimenn til að sýna hófsemi við
rjúpnaveiðar 2007 og veiða aðeins
fyrir sig og sína. Þannig má vonandi
draga úr heildarafföllum rjúpna
og þar með stuðla að sjálfbærum
rjúpnaveiðum um ókomin ár.
Rjúpnaveiðimenn
Göngum hægt um gleðinnar dyr!
Eftirtalin fyrirtæki og stofnanir hvetja íslenska rjúpnaveiðimenn til að gæta hófs við veiðarnar, aka ekki utan vega, hirða notuð skothylki sín og
annarra. Veiðimenn eru einnig hvattir til að gæta fyllsta öryggis, hafa með sér áttavita, GPS staðsetningatæki og láta vita af ferðum sínum.
Þá er veiðidagur góður þegar hóflega er veitt, með
talsverðri líkamlegri áreynslu, vakandi náttúruskyni og
sært dýr liggi ekki eftir að kveldi.
Rjúpnaveiðar hefjast fimmtudaginn 1. nóvember n.k.
Vegna meiri fækkunar í íslenska rjúpnastofninum en búist var við er nauðsynlegt að draga enn frekar úr veiðum.
Veiðar verða leyfðar 4 daga í viku í nóvember; fimmtudaga, föstudaga, laugardaga og sunnudaga.
Skotvís - landssamtök skotveiðimanna
Skotveiðifélag Íslands er landssamband íslenskra skotveiðimanna. Félagið gætir hagsmuna veiðimanna, stendur
fyrir öflugu fræðslustarfi og stendur vörð um íslenska náttúru. Eyðilegging búsvæða villtra dýra er helsta ógnunin
við tilvist þeirra, - ekki veiðar landsmanna. Án öflugrar hagsmunagæslu Skotveiðifélags Íslands undanfarin ár væru
aðstæður íslenskra skotveiðimanna talsvert verri. Til þess að halda þessu þróttmikla starfi áfram og sinna þessum
verkefnum enn betur, hvetjum við íslenska skotveiðimenn til að ganga í félagið. Þannig tryggjum við best að við
getum stundað veiðar í íslenskri náttúru um ókomin ár.
www.skotvis.is