Fréttablaðið - 29.10.2007, Blaðsíða 39

Amy Winehouse segir að hún hafi haldið að hún væri
að deyja eftir að hún tók of stóran skammt eiturlyfja
í ágúst síðastliðnum. „Ég hélt í alvörunni að ég væri
að fara. Blake, eiginmaður minn, bjargaði lífi mínu
og fór með mig á spítala,“ segir hún. Söngkonan
viðurkennir einnig að hún hafi stundum ekki stjórn á
sér. „Oft veit ég ekki hvað ég er að gera. Svo kemur
minnið aftur degi síðar. Blake sagði mér seinna hvað
hefði gerst og þá skammaðist ég mín niður í tær,“
segir söngkonan um reynsluna.
Hún greindi jafnframt frá því að hún hefði byrjað
að taka lyf gegn þunglyndi þegar hún var sextán ára
gömul. Henni hafi liðið eins og svart ský hangi yfir
henni. „Síðan þá hef ég tekið pillur við þunglyndi en
þær hægðu á mér. Ég held að það sé fullt af fólki sem
verði fyrir svona skapsveiflum. Ég er bara svo ótrú-
lega heppin að hafa fundið þessa leið – tónlistina,“
segir söngkonan.
Winehouse er nú stödd á tónleikaferðalagi, og þess
er skemmst að minnast þegar hún og eiginmaður
hennar voru handtekin í Noregi vegna gruns um að
þau hefðu eiturlyf í fórum sínum. Samkvæmt þýsku
vefsíðunni Tages-Anzeiger voru nýafstaðnir tónleikar
hennar í Zürich í Sviss hreinasti skandall. Söngkonan
drakk viðstöðulaust á sviðinu, brast oft í grát og gat
vart flutt lög sín.
Varð þunglynd sextán ára
Guðrún Finnbogadóttir
leggur íslenskum stúlkum
í fataleit lið. Hún býr í
Kaupmannahöfn, en rekur
vefverslun í gegnum
Myspace-síðu sína.
Guðrún, sem iðulega er kölluð
Gúrý, hefur rekið vefverslunina
Shopcopenhagen á Myspace síðan
í febrúar. „Ég var komin með
vinnu sem fatahönnuður í fyrir-
tæki sem var að fara af stað á
þessum tíma. Svo datt það eigin-
lega upp fyrir,“ útskýrir Gúrý
tilurð Shopcopenhagen. „Ég var
heima með nýfætt barn, og gat
náttúrulega ekkert sótt vinnu úti,
svo ég ákvað bara að búa mér til
vinnu sjálf,“ sagði hún.
Gúrý kaupir inn föt í Kaupa-
mannhöfn og annars staðar, sem
hún býður svo til sölu á síðu sinni.
„Viðskiptavinirnir eru eiginlega
bara íslenskar stelpur. Þær eru
miklar smekkmanneskjur og vita
alveg hvað þær vilja,“ sagði Gúrý.
„Það er rosa mikið um „vintage“
og „second-hand“ á Íslandi, en ég
býð upp á föt sem geta verið öðru-
vísi en eru samt ný. Ég er persónu-
lega ekki hrifin af notuðum fötum
og langar ekki að ganga í skóm
sem eru búnir að súrna í einhverri
geymslu í þrjátíu ár,“ sagði hún og
hló við.
Á síðunni býður hún til sölu ný
föt í bland við gömul og eigin
hönnun. „Ég er með dálítið af
fötum sem eru eiginlega eftirlík-
ingar af því sem stjörnurnar
ganga í. Sjálf kaupi ég rosalega
mikið af fötum og á mikið sem ég
hef annað hvort aldrei farið í eða
bara verið í einu sinni. Ég býð það
upp á síðunni,“ segir Gúrý. Þar að
auki selur hún sína eigin hönnun,
undir nafninu Gúrý design. „Ég
var með venjulega myspace-síðu
fyrir fötin sem ég geri sjálf. Svo
fór ég að selja þau heima og það
fór að myndast smá eftirspurn
eftir þeim. Nú ég er ég með þau á
Shopcopenhagen, og svo er ég að
fara að selja í búðinni hans
Skjaldar Eyfjörð, 101 Skjöldur,“
sagði Gúrý.
Kærasti hennar er að læra gull-
smíði í Kaupmannahöfn. Hann
hefur farið sömu leið og Gúrý og
hyggst selja hönnun sína á eigin
Myspace-síðu. „Við stefnum svo
að því að opna saman búð í Kaup-
mannahöfn, vonandi strax í byrjun
næsta árs,“ sagði Gúrý, sem er
þakklát fyrir góðar viðtökur Shop-
copenhagen. „Það hefur alltaf
verið draumurinn minn að opna
búð og það er frábært að geta
byrjað svona. Þar sem ég hef ekki
fjármuni í heila búð eins og er er
frábært að geta byggt upp kúnna-
hóp á þennan hátt,“ sagði hún.
Verslunina má nálgast á www.
myspace.com/shopcopenhagen.
Harry prins, syni Karls og Díönu
heitinnar, finnst fátt jafn gaman og
að fá sér í tána. Og sannaði það ræki-
lega á næturklúbbnum Amika í Lond-
on en frá þessu greinir News of the
World.
Harry fór þangað ásamt félögum
sínum úr hernum og Chelsy, unnustu
sinni, til að sletta aðeins úr klaufun-
um. Hersingin kom fyrst við á flott-
um stað í Fulham en lagði síðan undir
sig besta borðið á staðnum. Þar dró
Harry ekkert undan í drykkjunni og
þegar kvöldið var á enda stóð reikn-
ingurinn í rúmum 1.500 pundum eða
200 þúsund krónum. Harry, sökum
bláa blóðsins, fékk helmingsafslátt
og greiddi fyrir með kreditkorti
sínu.
Að sögn sjónarvotta var rauðhærði
prinsinn orðinn ansi kenndur og hót-
aði meðal annars manni lífláti eftir
að hann hafði sagt eitthvað við Chel-
sy. Lífverðir Harrys urðu að draga
hann í burtu áður enda þætti það
varla góð auglýsing fyrir fjölskyld-
una í Buckingham ef prins danglaði
duglega í þegn sinn.
Harry virðist nánast óstöðvandi
hvað skemmtanahald varðar því
ljósmyndarar náðu af honum mynd-
um í ansi annarlegu ástandi í veislu
eftir að England missti af heims-
meistaratitlinum í rúbbí í París fyrir
tveimur vikum. Þá missti Harry
einnig af afmæli unnustu sinnar
þegar hann kaus frekar að lyfta glasi
í borg ástarinnar eftir sigur þjóðar
sinnar á Frökkum í sömu keppni.
Harry prins hellir í sig
Breska blaðið News of the World
birti í gær ítarlegt viðtal við Nicole
Narain sem er núverandi kærasta
Kevins Federline, fyrrum eigin-
manns Britney Spears. Nicole
greinir þar frá hræðslu K-Fed um
að Britney kunni að skaða sjálfa
sig eða börnin. Ef marka má lýs-
ingar Nicole virðist Britney vera
ófær um barnauppeldi. Nicole
hefur það eftir kærasta sínum
að Spears hafi gefið yngri syni
sínum brjóst á
meðan hún sötr-
aði á vodka,
skilið strákana
tvo eftir eftir-
litslausa við
sundlaugina og
keyrt um með þá
án þess að láta þá
nota bílbelti.
Á föstudaginn hittust
síðan skötuhjúin fyrr-
verandi hjá dómara í Los Angeles
til að ræða forræðið og þar ákvað
dómari að fresta því um sinn að
þau hefðu jafnan forræðisrétt.
Britney mun hafa verið í ansi ann-
arlegu ástandi, rokið á dyr og
öskrað ókvæðisorð að réttin-
um. Nýjasta plata Britn-
ey, sem heitir því
skemmtilega nafni
Blackout, hefur fengið
frábæra dóma en
einkalífið virðist vera
rjúkandi rúst.
K-Fed hræddur