Fréttablaðið - 29.10.2007, Blaðsíða 40

Hasarmyndahetjan Jackie Chan
fór nýverið í hljóðver og söng
opinbert lag næstu Ólympíuleika
sem verða haldnir í Peking á
næsta ári. Lagið heitir We Are
Ready og stóðu upptökur yfir í
þrjár klukkustundir, sem þykir
ekki mikið.
Lagið er eingöngu sungið á
kínversku en uppi eru hugmyndir
um að gefa út enska útgáfu af
laginu. Chan, sem starfar í
Hollywood, hefur hingað til ekki
verið þekktur fyrir sönghæfileika
sína og verður því fróðlegt að
heyra hvernig útkoman verður.
Syngur fyrir
Ólympíuleika
Sarah Ferguson, hertogaynjan af
York, vill rétta Britney Spears
hjálparhönd. Fergie er ekki
ókunn lífinu í sviðsljósinu og
telur sig geta ráðlagt söngkon-
unni. „Ég vildi gjarnan tala við
Britney. Ég vorkenni henni
virkilega. Mig langar að segja
henni að þetta verði allt í lagi,“
sagði hertogaynjan í viðtali í
bandarískum sjónvarpsþætti.
Hún hefur þegar ákveðið hvað
hún myndi segja við söngkonuna
ef yrði af fundi þeirra: „Þetta er
allt í lagi. Ekki láta gærdaginn
eða morgundaginn ræna þig
nútíðinni. Þetta er allt í lagi núna,
finnum nú lausn. Byggjum saman
og vinnum saman.“
Fergie gefur
Britney ráð
Árinu 2007 fer senn að ljúka og því
er forvitnilegt að athuga hvað
völvur tímaritanna sögðu í upphafi
árs. Og þar kemur í ljós að
sprengjan innan borgarstjórnar-
meirihlutans í Reykjavík virðist
hafa verið skrifuð í stjörnurnar en
einn maður lék á örlögin.
Völva Ísafoldar spáði að „á sviði
bókaútgáfu yrðu nokkur tíðindi.
Stórt útgáfufyrirtæki lendir í vand-
ræðum og bjargar sér með því að
ganga til samstarfs við keppinaut
sinn, litríkan útgefanda sem hefur
marga fjöruna sopið,” en óhætt er
hægt að segja að sameining JPV og
Eddu undir merkjum Forlagsins
hafi verið stórtíðindi og komið flatt
upp á marga. „Ég hef sagt áður en
mér var kunnugt um þennan spá-
dóm að þetta hafi verið skrifað í
stjörnurnar og að lífið hefði
húmor,“ segir Jóhann Páll Valdi-
marsson, sem væntanlega er þessi
litríki útgefandi í spádómi
völvunnar.
Annað og mun stærra mál vekur
athygli og það er spá völvunnar um
stjórnarslit Sjálfstæðisflokksins
og Framsóknarflokksins í borg-
inni. Slíkt virðist hreinlega hafa
legið í augum uppi við upphaf árs-
ins því völva Vikunnar sér einnig
fyrir einhverja spennu í meiri-
hlutanum. Björn Ingi Hrafnsson
lék hins vegar augljóslega á örlaga-
nornirnar því báðar völvurnar spá
því að Vilhjálmur Þ. Vilhjálmsson
og Sjálfstæðisflokkurinn muni
halda völdum og gekk Ísafoldar-
völvan svo langt að spá því að
Frjálslyndi flokkurinn myndi
ganga inn í samstarfið. „Völvan sá
heildarmyndina en hafði ekki öll
smáatriðin á hreinu,“ segir Björn
Ingi sem vildi þó ekki ganga svo
langt að hann hefði storkað
örlögunum.
Völva Ísafoldar virðist hafa verið
með stjörnukort Eiðs Smára Guð-
johnsen innan sinna vébanda því
hún spáði því að Eiður Smári ætti
eftir að eiga erfitt uppdráttar hjá
Barcelona og sitja löngum stund-
um á bekknum eins og komið hefur
á daginn. Viku-völvan taldi hins
vegar að Eiður ætti eftir að slá í
gegn á Spáni og standa af sér
stormviðrið. Spákona Vikunnar
hitti þó naglann á höfuðið þegar
kom að Íslandsmeistaratitlinum í
knattspyrnu karla því hún spáði
því að eitthvað annað lið en FH
myndi fara með sigur af hólmi. Ísa-
foldar-völvan var hins vegar algjör-
lega úti á þekju með þau mál því
hún hélt því fram að Íslandsmeist-
aratitillinn myndi hafna hjá KR en
eins og mörgum ætti að vera enn í
fersku minni þá var Vesturbæjar-
veldið hvorki fugl né fiskur í
sumar.
Völva sá fyrir ósætti í borgarstjórn
Scarlett Johansson er greinilega
nýtin stúlka. Hún gaf kærasta
sínum, Ryan Reynolds, tönn úr
sér í afmælisgjöf. „Hún var
nýbúin að láta fjarlægja endajaxl-
ana úr sér, svo hún lét húða einn
með gulli og hengdi hann á
hálsmen fyrir hann,“ segir
heimildarmaður.
Leikkonan gaf honum þessa
prýðisgjöf í afmælisveislu á
Chateau Marmont nokkru fyrir
afmælið, þar sem hún var ekki í
bænum sjálfan afmælisdaginn.
Ryan datt aldeilis í lukkupottinn,
því hann fékk líka gjafabréf í
nudd frá kærustunni.
Gaf endajaxl
í afmælisgjöf