Fréttablaðið - 08.12.2007, Qupperneq 24

8. desember 2007 LAUGARDAGUR
J
ón Sigurðsson komst í kastljós fjölmiðla í
vikunni þegar hann tók í byrjun vikunnar
við af Hannesi Smárasyni sem forstjóri FL
Group. Jón, sem er ungur að árum, aðeins
29 ára, hefur fram til þessa gegnt margvís-
legum trúnaðarstörfum í fjármálageiranum án
þess að á honum bæri sérstaklega. Jóni er annt um
einkalíf sitt og
fjölskyldunnar og
hefur lítið verið fyrir
að hafa sig í frammi.
Honum er hins vegar
afburðavel borin
sagan, sagður
eldklár, en um leið
hógvær og þægileg-
ur í umgengni.
„Vænn piltur og
góður félagi,“ er um
hann sagt. Þá er Jón
sagður vera einn af
færustu banka- og
fjárfestingarfélaga-
mönnum landsins.
„Einlægur og
duglegur drengur,
vandur að virðingu
sinni. Orð hans
standa og hann er í
alla staði vandaður
og góður drengur.“
Vinnan skipar stór-
an sess í lífi Jóns, að
minnsta kosti síðustu
ár, og ekki til þess
vitað að eitthvert eitt
áhugamál eigi hug
hans allan. Þá er
vitað að Jón fylgist
ekki með íþróttum
og menn hafa jafnvel
gengið svo langt að
telja hann hafa á
þeim óbeit. „Ef
Ísland spilar
landsleik er hann
ábyggilega með þeim
örfáu sem ekki hafa
hugmynd um það,“
sagði einn. Vilji
einhver ræða enska
boltann grípur sá
hinn sami væntan-
lega í tómt hjá Jóni,
þótt ekki verði komið
að tómum kofanum
varðandi önnur mál.
Jón heldur hins
vegar hlutum fyrir
sig og kom því
sumum á óvart að
fregna að hann hefði
æft og spilað
körfubolta með
Haukum á árum
áður. Raunar varð
hann Íslandsmeistari
með félaginu og þótti
sýna af sér nokkra
hæfileika við
leikstjórn og
skipulag leikflétta.
„Jón hætti allt of
ungur í boltanum þar
sem hann sýndi
afburðagreind. Hann
var mikill liðsmaður
og tók strax að sér
leiðtogahlutverk á
vellinum,“ segir
maður sem vel
þekkir til ferils hans
þar.
Ekki er því alveg
hægt að slá því föstu
að Jón sé jafn
andsnúinn íþróttum
og einhverjir kynnu
að hafa ályktað af
áhugaleysi hans um þau mál. Einhvern veginn
tekst honum að minnsta kosti að halda sér í góðu
formi, sagði einn samstarfsmanna, og taldi víst að
einhverja líkamsrækt hlyti kappinn að stunda.
Þá er vitað til þess að Jón hefur gaman af tónlist
og hallaðist að minnsta kosti á einhverjum
tímapunkti að rappi og hip-hoppi. Sér í lagi mun
bófarapp Ice-T og Ice Cube, sem garðinn gerðu
frægan á tíunda áratugnum, hafa verið í uppáhaldi.
Jón er Hafnfirðingur að upplagi og gekk þar í
grunnskóla, en er nú búsettur með fjölskyldu sinni
á Seltjarnarnesi. Þar kann fjölskyldan vel við sig,
hefur fest kaup á stórri lóð í sömu götu og hún býr
nú og ætlar að byggja sér þar hús.
Jón er giftur Björgu Fenger, jafnöldru hans og
skólasystur úr
Verzlunarskóla
Íslands. Þau voru
ekki saman í bekk,
en útskrifuðust
saman vorið 1996.
Þau eiga synina
Sigurð og Styrmi,
sem eru fimm og
eins árs gamlir.
Jón var afburða-
námsmaður þótt ekki
bæri mikið á honum í
grunnskóla. Raunar
er það svo að þrátt
fyrir framúrskar-
andi árangur á
mörgum sviðum, svo
sem í skóla og í
körfuboltanum,
virðist sviðsljósið
ekki hafa ratað
almennilega á Jón af
fullum þunga fyrr en
nú þegar hann tók
við stjórn FL Group.
Jón fékk þannig
margvísleg verðlaun
þegar hann útskrif-
aðist úr Verzló. Hann
fékk peningaverð-
laun úr Minningar-
sjóði Jóns Síverts-
sonar fyrir hæstu
einkunn í ólesinni
stærðfræði, bók-
færslubikarinn fyrir
bestan árangur á
bókfærsluprófi og í
árseinkunn, peninga-
verðlaun sem hann
skipti með öðrum
fyrir árangur í
tölvufræðum og
bókaverðlaun fyrir
lokaeinkunn sína.
Dúx, vorið sem Jón
útskrifaðist, var hins
vegar Evgenia
Ignatieva með 9,37 í
aðaleinkunn. Hún
hafði búið hér í fimm
ár þegar hún
útskrifaðist (líka dúx
í íslensku) og jaðrar
því væntanlega við
að vera undrabarn.
Jón var hins vegar í
öðru sæti, semidúx,
með 9,13 í aðalein-
kunn, líkt og minnst
var á í framhjáhlaupi
í frétt Morgunblaðs-
ins af útskriftinni.
Núna er Jón hins
vegar óumdeilanlega
í fyrsta sæti sem
yngsti forstjóri
félags sem er skráð í
Kauphöll Íslands og
bætist þar í hóp
annarra afburða-
manna sem hér hafa
ungir að árum tekið
að sér stjórn
stórfyrirtækja. Hans
bíða ærin verkefni, í
takt við átökin sem á
undan eru gengin í
óróanum sem nú
skekur fjármálalíf
landa um heim allan.
Þeir sem þekkja Jón efast hins vegar ekki um að
hann hafi alla burði til að stýra félagi sínu á
farsæla braut. Honum er eðlislægt að sjá út
leikfléttur og leiða sitt lið. Það sýndi hann jú í
körfunni. Og þótt Jón hafi hingað til kosið að
forðast kastljós fjölmiðlanna hefur framganga
hans síðustu daga sýnt að þau samskipti leika í
höndum hans líkt og önnur verkefni hingað til.
MAÐUR VIKUNNAR
Leikstjórnandi fjármálalífsins
JÓN SIGURÐSSON
ÆVIÁGRIP
Jón er fæddur 18. mars árið 1978 og þar af leiðandi í fiskamerk-
inu. Grunnskólaárum eyddi hann í heimabæ sínum Hafnarfirði
þar sem hann gekk í Víðistaðaskóla. Hann var svo semídúx með
verslunarpróf frá Verzlunarskóla Íslands vorið 1996. Þaðan lá
leið Jóns í Háskólann í Reykjavík þar sem hann lauk B.Sc.-gráðu
í viðskiptafræði.
Hjá FL Group hóf Jón störf haustið 2005 sem einn af fram-
kvæmdastjórum félagsins, en var svo ráðinn aðstoðarforstjóri í
desember í fyrra. Áður hafði Jón starfað hjá Landsbanka Íslands
og í Búnaðarbankanum. Jón er varaformaður stjórnar Glitnis
banka og stjórnarmaður í Tryggingamiðstöðinni og Hitaveitu
Suðurnesja.
Jón er sonur Sigurðar Jónssonar endurskoðanda og Jófríðar
Halldórsdóttur. Hann er elstur þriggja systkina, á systurina
Brynju og bróðurinn Árna. Eiginkona Jóns heitir Björg Fenger og
saman eiga þau synina Sigurð sem er fimm ára og Styrmi, sem
er nýorðinn eins árs. Þau búa á Seltjarnarnesi.
KOSTUR OG LÖSTUR
Jón er mörgum góðum kostum búinn, sagður eldklár, en um
leið hógvær og skynsamur. Hvergi er á Jóni veikan blett að
finna, utan það smáræði að einhverjir bentu á að hann væri lítt
viðræðuhæfur þegar kæmi að íþróttum, en á þeim hefur hann
ekki mikinn áhuga.
HVAÐ SEGIR FÓLK UM HANN?
„Jón er með gáfaðri mönnum sem ég hef hitt og hefur þann
sjaldgæfa eiginleika að hafa bæði kunnáttuna til að reikna verk-
efni í botn og leggja gott mat á allar forsendur, um leið og hann
hefur getuna til að vinna í og ganga frá samningum. Hann getur
því bæði komið á góðum samningum og greint aðstæður og
þetta eru eiginleikar sem sameinast ekki í mörgum hér á landi.“
Auglýsingasími
– Mest lesið