Fréttablaðið - 08.12.2007, Síða 47

LAUGARDAGUR 8. desember 2007 3
Saga Harley Davidson-risans
er löng og farsæl en hófst með
gerð mótors í litlum garðskúr
árið 1901.
Stofnun Harley Davidson-fyrir-
tækisins er rakið aftur til ársins
1903 þegar fyrsta mótorhjól þess
leit dagsins ljós, en segja má að
hún nái þó aftur til 1901 þegar
æskuvinirnir William S. Harley og
Arthur Davidson hönnuðu mótor í
kasthjól. Árið 1905 hófu þeir síðan
eiginlega framleiðslu á mótorhjól-
um, sem var fyrst í takmörkuðu
upplagi og fór fram í litlum skúr í
bakgarði Davidson-fjölskyldunnar.
Þessi skúr var síðar fluttur og
komið fyrir í fyrstu eiginlegu verk-
smiðju Harley Davidson á Juneau
Avenue í Milwaukee, þar sem
höfuðstöðvar fyrirtækisins standa
enn. Þá hafði framleiðslan aukist
til muna og var fyrirtækið farið að
sjá lögreglunni fyrir mótorhjólum
og síðar bandaríska hernum þegar
fyrri heimsstyrjöldin skall á. Fyr-
irtækið var þá orðið stærsti mótor-
hjólaframleiðandi heims, og fram-
leiddi 28.189 hjól á ári, en í
kreppunni sem fylgdi hrundi salan
úr 21.000 árið 1929 niður í færri en
4.000 hjól árið 1933.
Harley Davidson beitti ýmsum
brögðum til að halda velli, meðal
annars með framleiðslu á þriggja
hjóla þjónustubílum, og var aðeins
annar af tveimur mótorhjólafram-
leiðendum sem lifði kreppuna af.
Fyrirtækið rétti aftur úr kútnum
í seinni heimsstyrjöldinni vegna
aukinnar eftirspurnar hersins eftir
mótorhjólum og fór þá aftur að
framleiða hjól fyrir almenning í
stórum stíl.
Á sjötta áratugnum fékk fyrir-
tækið síðan annan stóran skell.
Forráðamennirnir voru sakaðir um
fjársvik og ímynd fyrirtækisins
beið hnekki með tilkomu Holly-
wood-kvikmynda um mótorhjóla-
útlaga. Næstu þrjá áratugi var
ímyndin samofin Vítisenglum og
ræflum sem höfðu orð á sér fyrir
að berja gamlar konur með keðj-
um, eins og einhver orðaði það.
Vegna þessa og samkeppni frá
japönskum framleiðendum mótor-
hjóla, sem þóttu taka þeim banda-
rísku fram í flestu, var framtíðin
ekki björt fyrir Harley Davidson
allt þar til forsvarsmennirnir hysj-
uðu upp um sig buxurnar snemma
á níunda áratugnum og hófu fram-
leiðslu á vandaðri hjólum í retró-
stíl, sem svipaði í útliti til fyrstu
mótorhjóla fyrirtækisins.
Síðan hefur leiðin legið upp á við
hjá Harley Davidson, og náði sölu-
legum hátindi á seinni hluta tíunda
áratugarins og á upphafsárum 21.
aldarinnar.
Þrátt fyrir nokkur bakslög held-
ur fyrirtækið enn velli og verður
aðdáendahópurinn sífellt fjöl-
skrúðugri.
roald@frettabladid.is
Byrjaði allt í litlum skúr
Saga Harley Davidson
fyrirtækisins er rakin alla
leið aftur til ársins 1901.
NORDICPHOTOS/GETTY IMAGES
Sérverslun vélhjólamannsins ::: Laugavegi 168
Sími 511 2121
Hjá okkur færðu jólagjöf vélhjólamannsins. Hágæða
vörur, framleiddar af evrópskum og bandarískum hand-
verksmönnum. Mikið úrval mótorhjóla - ný sending á
leið til landsins. Ótrúlegt verð á frábærum hjólunum!
Þú vilt það besta! Af hverju gera málamiðlanir?
DAVIDA
Handsmíðaðir hjálmar frá Englandi
LEON JEANTET
Handsmíðuð hlífðargleraugu frá Frakklandi
WESCO
Handsaumuð mótorhjóla- göngu- og vinnustígvél
LOOKWELL
Hollenskur mótorhjólafatnaður úr leðri og vefnaði
Hjá Mótormax fá allir áhugamenn
í mótorsportinu draumagjöfina sína.
Allt frá skóm upp í hjálm og allt þar á milli.
Mundu að gjafabréf Mótormax
er tilvalin jólagjöf.
Kletthálsi 13 - Sími 563-4400
www.motormax.is
Óskagjöfin
í mótorsportinu