Fréttablaðið - 08.12.2007, Síða 102

86 8. desember 2007 LAUGARDAGUR
Barna- og ævintýramyndin Duggholufólkið
var frumsýnd í Háskólabíói á dögunum.
Leikstjórinn Ari Kristinsson tók þar á móti
gestum sínum með miklum virktum en
þetta er fyrsta kvikmyndin hans í tíu ár,
eða síðan Stikkfrí kom út.
Duggholufólkið segir frá tólf ára borgarbarninu
Kalla sem er sendur til pabba síns sem býr á
Vestfjörðum. Honum líkar vistin illa og ákveður
að flýja. Upphefjast þá ævintýrin fyrir alvöru
enda kemst hann í kynni við ísbjörn og drauga.
Með aðalhlutverk í myndinni fara Bergþór
Þorvaldsson, Þórdís Hulda Árnadóttir og Árni
Beinteinn Árnason. Þeim til halds og trausts eru
Brynhildur Guðjónsdóttir, Margrét Vilhjálms-
dóttir og Erlendur Eiríksson.
Fyrsta mynd Ara í tíu ár
ARI OG FRIÐRIK ÞÓR Ari Kristinsson og Friðrik Þór Friðriksson
slá á létta strengi á frumsýningunni. FRÉTTABLAÐIÐ/VALLI
MAGNÚS SCHEVING Íþróttaálfurinn Magnús Scheving mætti á
frumsýninguna.
KRUMMI
Krummi í
Mínus og fata-
hönnuðurinn
Harpa Einars-
dóttir létu sig
ekki vanta í
Háskólabíó.
HRAFN Á
FRUMSÝN-
INGU Leik-
stjórinn Hrafn
Gunnlaugsson
óskaði Ara
kollega sínum
til hamingju
með nýju
myndina.
Nýjasta kvikmynd bræðranna
Joel og Ethan Coen, No Country
for Old Men, var kjörin besta
myndin af bandarísku NBR-kvik-
myndasamtökunum, eða National
Board of Review of Motion
Pictures.
Í myndinni fer Tommy Lee
Jones með hlutverk lögfræðings
sem leitar að geðsjúkum morð-
ingja, sem er leikinn af Spánverj-
anum Javier Bardem. Myndin var
frumsýnd á kvikmyndahátíðinni í
Cannes en beið þar í lægri hlut
fyrir hinni rúmensku 4 mánuðir, 3
vikur, 2 dagar.
George Clooney var valinn besti
leikarinn fyrir hlutverk sitt í
Michael Clayton og Julie Christie
var verðlaunuð fyrir sína frammi-
stöðu í Away From Her. Tim Burt-
on var jafnframt valinn besti leik-
stjórinn fyrir söngleikinn Sweeney
Todd.
NBR-verðlaunin eru fyrstu
stóru kvikmyndaverðlaunin sem
eru afhent í Bandaríkjunum. Í
næstu viku halda gagnrýnendur
frá New York, Boston og Los
Angeles sínar hátíðir og þrettánda
desember verður tilkynnt um til-
nefningar til Golden Globe-verð-
launanna. Lokahnykkurinn verður
síðan á næsta ári þegar sjálfur
óskarinn verður afhentur í Holly-
wood.
Coen-bræður unnu
JAVIER BARDEM Spánverjinn Bardem
leikur morðingja í nýjustu mynd Coen-
bræðra.
Bandarískur ökukennari, sem
kom mikið við sögu í kvikmynd-
inni um Borat, fréttamanninn frá
Kasakstan, hefur höfðað einka-
mál á hendur hinum breska Sasha
Baron Cohen, skapara og leikara
Borats. Ökukennarinn fylgir
þannig fordæmi nokkurra ann-
arra „saklausra“ borgara sem
komu fram í myndinni án þess að
vita hvað stæði til að gera við
myndefnið, en alls hefur Cohen
fengið á sig fjórar málshöfðanir
eftir frumsýningu myndarinnar á
síðasta ári.
Í atriðinu sem ökukennarinn
kemur fram í drekkur Borat
áfengi undir stýri, öskrar á veg-
farendur og aðra bílstjóra. Öku-
kennarinn segir sér hafa verið
tjáð að um heimildarmynd hafi
verið að ræða og að honum hafi
verið greiddar um 20 þúsund
krónur fyrir að koma fram í henni.
Hann fer fram á 50 þúsund dollara
í skaðabætur.
Ökukennari í mál við
Sasha Baron Cohen
STJÓRNLAUS BÍLSTJÓRI Borat fór á kostum undir stýri í ökutímanum.
Sniglabandið er búið að vera starf-
andi í yfir tuttugu ár og á að baki
væna hrúgu af plötum. Hljómsveitin
hefur stundum verið kölluð „Stuð-
menn fátæka mannsins“ sem er
ágætis lýsing á bandinu undanfarin
ár. Stuðið og húmorinn eru svo sann-
arlega til staðar, en það hefur vant-
að fagmennskuna og metnaðinn
sem einkennir Stuðmenn. Það gæti
þó verið að breytast, að minnsta
kosti er fagmennskan í fyrirrúmi á
Vestur og mikið lagt í lög, texta og
upptökur.
Það eru tólf lög á plötunni. Lands-
menn, eða að minnsta kosti sá hluti
þeirra sem hlustar á Rás 2, ætti
þegar að vera búinn að læra lögin
Selfoss er og Britney utan að. Bæði
eru ágætlega heppnaðir smellir.
Selfoss er er hreinræktað Steina
Spil tribjút með skondnum texa og
Britney sýnir að Nylon-stelpurnar
geta sungið rokk.
Mörg önnur fín lög og textar eru
á Vestur, t.d. titillagið, upphafslagið
Blindhæð sem grúvar flott og hefur
nettan Steely Dan fíling, hin létt-
blúsaða og Magga Eiríkslega Ball-
aða um Bó og lagið Helena Mjöll.
Eins og Stuðmenn er Sniglabandið
100% íslensk hljómsveit og gerir út
á það bæði í tónlistinni (sem vitnar
stundum í íslenska poppsögu) og
textunum. Þar er allt landið undir
og þeir félagar gera víðreist í text-
unum. Húmorinn er alltaf í fyrir-
rúmi en þetta eru líka ágætlega
skrifaðir textar.
Vestur er nokkuð fjölbreytt plata.
Þetta er smekklega samsett popp
og oft skemmtilega útsett. Meðlimir
Sniglabandsins eru allir fínir hljóð-
færaleikarar, en hljómborðsleikar-
arnir Einar Rúnarsson og Pálmi J.
Sigurhjartarson gera mest fyrir
heildarútkomuna. Þessir Fender
Rhodes og Hammond hljómar geta
verið algjörlega ómótstæðilegir.
Aukahljóðfæri koma ágætlega út.
Á heildina litið er þetta ágæt
plata. Þetta er ekki tónlist sem
brýtur blað eða ristir sérlega djúpt,
enda er það ekki ætlunin. Þetta er
hins vegar prýðileg íslensk popp-
plata, vel unnin og skemmtileg.
Trausti Júlíusson
Bragðgóðir Sniglar
TÓNLIST
Vestur
Sniglabandið
★★★
Þó að tónlistin á Vestur brjóti ekki
blað í poppsögunni er þetta vel unnin
poppplata með ágætum lagasmíðum
og skemmtilega séríslenskum textum.
Úlfhildur Dagsdóttir / bokmenntir.is
Steinunn Inga Óttarsdóttir / Morgunblaðið
laugardaginn 8. desember kl. 14:00Málverkasýning Gallerí List • Skipholti 50Asími: 5814020 • www.gallerilist.is
einstök sýning
Sigríður Anna Garðarsdóttir opnar sýningu