Fréttablaðið - 06.02.2008, Blaðsíða 2
2 6. febrúar 2008 MIÐVIKUDAGUR
DÓMSMÁL Rúmlega fertugur karl-
maður, Anthony Lee Bellere, hefur
verið dæmdur í fjögurra ára fang-
elsi fyrir nauðganir, ósiðlegt
athæfi og vörslu barnakláms.
Hann nauðgaði tveimur stúlkum,
þá fjórtán og sextán ára, og
klæmdist við aðra tólf ára á netinu
og í gegnum síma. Brotin voru
framin á árunum 2005 og 2006.
Í niðurstöðu Héraðsdóms
Reykjavíkur kemur fram að
maður inn hafi kynnst stúlkunum á
netinu og logið að þeim að hann
væri mun yngri. Tvær þeirra
tældi hann heim til sín og nauðg-
aði; annarri fimm sinnum en hinni
einu sinni. Þá þriðju áreitti hann
kynferðislega á netinu og í síma
með klámfengnu tali og skrifum.
Þess utan fannst barnaklám í
farsíma hans; tvær ljósmyndir
sem sýna stúlkubörn á kynferðis-
legan og klámfenginn hátt.
Fyrir þessi brot var Anthony
dæmdur til fjögurra ára fangelsis-
vistar. Hann var látinn greiða
stúlkunum samtals 1,8 milljónir
króna, auk 1,6 milljónar í sakar-
kostnað. - sþs
Ýsa í suðrænni sósu 1.098 kr.kg
Spennandimiðvikudagur
DÓMSMÁL Hart var tekist á í svo-
kölluðu þvagleggsmáli í Héraðs-
dómi Suðurlands í gær. Á endanum
hótaði Ástríður Grímsdóttir hér-
aðsdómari að fresta þinghaldi ef
verjandi héldi áfram að spyrja
sömu spurninga í síbylju.
Málið sem um ræðir átti sér stað
í mars á síðasta ári, þegar tekið var
þvagsýni úr konu með þvaglegg á
lögreglustöðinni á Selfossi, eftir að
hún hafði ekið út af rétt við Þing-
borg. Nota þurfti valdbeitingu við
sýnatökuna, sem hjúkrunarfræð-
ingur og læknir önnuðust. Reynd-
ist umtalsvert magn af alkóhóli í
blóði konunnar.
Vitnaleiðslur hófust á því að
tveir ökumenn sem komið höfðu að
bíl konunnar úti í skurði á mismun-
andi tímum báru að hún hefði neit-
að boði þeirra um að hringja á lög-
reglu. Við þann sem fyrr kom að
hefði hún sagt
að hún „þyldi
ekki lögguna“.
Báðir ökumenn-
irnir báru að
konan hefði
verið „eitthvað
skrýtin“ og töldu
líklegt að hún
hefði verið undir
áhrifum áfeng-
is. Konan sjálf
hafði hins vegar
borið það fyrir rétti að drengir sem
komið hefðu að bíl sínum á undan
þessum tveimur umræddu hefðu
gefið sér drykk.
Verjandi konunnar, Jón Egilsson
hdl., gerði harða hríð að Magnúsi
Jóhannssyni, prófessor í eiturefna-
fræði, sem bar vitni símleiðis.
Verjandinn vildi fá fram að þvag-
sýnistakan hefði verið ónauðsyn-
leg, þar sem blóðprufa hefði verið
tekin úr konunni skömmu eftir að
lögregla kom að henni. Prófessor-
inn taldi þvagsýnatöku í tilvikum
sem þessum aldrei ónauðsynlega.
Að endingu bað dómari verjand-
ann að halda sig við sakarefnið.
Ólafur Helgi Kjartansson lög-
reglustjóri kom fyrir dóm sem
vitni, þar sem konan byggði vörn
sína um ætluð brot hennar gegn
valdstjórninni á því að ákvörðun
lögreglu um að taka af henni þvag-
sýni með valdbeitingu hefði verið
ólögleg og ónauðsynleg.
Verjandinn gerði aftur harða
hríð, nú að lögreglustjóranum, og
spurði hann ítrekað út í hver hefði
tekið ákvörðun um valdbeitingu
við þvagsýnatökuna og hvaða verk-
lagsreglum lögreglan á Selfossi
ynni eftir. Lögreglustjóri svaraði
spurningum verjandans í fyrstu,
en þegar þær voru endurteknar
svaraði hann einungis: „Ég hef
svarað þessari spurningu, dómari.“
Á þessu þófi gekk um sinn, þar til
dómari tjáði verjanda að hann
myndi fresta þinghaldi héldi það
áfram með þessum hætti. Þá hófst
málflutningur.
jss@frettabladid.is
ÓLAFUR HELGI
KJARTANSSON
Í DÓMSSAL Jón Egilsson hdl. ásamt skjólstæðingi sínum í Héraðsdómi Suðurlands.
Aðalmeðferð málsins lauk í gær. FRÉTTABLAÐIÐ/GVA
Dómari hótaði að fresta
þinghaldi í þvagleggsmáli
Hart var tekist á í dómssal Héraðsdóms Suðurlands í gær í aðalmeðferð svokallaðs þvagleggsmáls. Verjandi
gerði harða hríð að lögreglustjóra, sem hélt ró sinni. Dómari hótaði að fresta þinghaldi.
„Mér finnst hann sleppa billega
ef á að skauta framhjá svona.“
Jón Egilsson verjandi, eftir
að Ólafur Helgi Kjartansson
lögreglustjóri hafði vitnað í
Hæstaréttardóm um nauðsyn
þvag- og blóðsýna til að skera úr
um áfengisneyslu.
„Ég hef þegar svarað þessari
spurningu ítrekað.“
Ólafur Helgi Kjartansson lög-
reglustjóri um spurningar Jóns
Egilssonar verjanda.
„Má ég spyrja fyrst, svo förum
við bara rólega í þetta.“
Jón Egilsson verjandi við
dómara.
„Dómari, þarf ég að sitja undir
einræðu verjanda?“
Ólafur Helgi Kjartansson í
miðju málþófi Jóns Egilssonar
verjanda.
„Ég óska eftir því, dómari, að fá
úr því skorið hvort verið sé að
yfirheyra mig sem sakamann
eða vitni hér.“
Ólafur Helgi Kjartansson
lögreglustjóri.
„Ef verjandi er ekki betur undir-
búinn en þetta þá er þessu
lokið. Nei, ég gef þér ekki eina
mínútu.“
Ástríður Grímsdóttir héraðs-
dómari við Jón Egilsson verj-
anda.
ORÐRÉTT Í
DÓMSSAL
Anthony Lee Bellere dæmdur í fjögurra ára fangelsi fyrir gróf kynferðisbrot:
Tældi stúlkur á netinu og nauðgaði
■ Anthony kynntist stúlkunum
þremur á netinu, yfirleitt í gegnum
MSN-samskiptaforritið.
■ Þar notaði hann meðal annars
netföngin reykur1@hotmail.com,
ussuss1@visir.is og ussuss4@visir.is.
■ Við tvær stúlkur sagðist hann vera
Maggi, átján ára gamall. Sú þriðja
hélt hann vera Gunna, nítján ára.
■ Maðurinn á að baki langan saka-
feril og hefur hlotið 25 refsidóma
frá árinu 1983. Þeir hljóða samtals
upp á ellefu ára óskilorðsbundið
fangelsi.
■ Síðast var hann dæmdur í
Hæstarétti í febrúar á síðasta ári
fyrir ölvunarakstur og að aka bifreið
án ökuleyfis.
VARGUR Á INTERNETINU
REYKJAVÍKURBORG Þjónustusamningur Reykjavíkur-
borgar við Alþjóðahúsið var ekki endurnýjaður 1.
febrúar eins og fyrrverandi meirihluti borgar-
stjórnar hugðist gera en meirihlutaskipti urðu 21.
janúar. Fulltrúar Alþjóðahússins hafa reynt að ná
tali af Ólafi F. Magnússyni borgarstjóra og Vil-
hjálmi Þ. Vilhjálmssyni, formanni borgarráðs, og
lagt fyrir þá skilaboð en án árangurs.
Þjónustusamningarnir til Alþjóðhússins hafa
kveðið á um að fjárframlögum sé úthlutað í janúar
og júní. „Við höfum ekki fengið neitt framlag á
þessu ári og því er tilhugsunin til næstu mánaða-
móta fremur óþægileg, sérstaklega þar sem ekki
hefur enn verið skrifað undir neinn samning,“
segir Einar Skúlason, framkvæmdastjóri Alþjóða-
hússins. Þá eru áform um opnun nýrrar þjónustu-
miðstöðvar í Fellahverfi einnig í uppnámi en
fyrrverandi meirihluti hafði tekið ákvörðun um að
standa straum af þeim kostnaði. Segir Einar afar
óþægilegt að vita ekki afstöðu nýs borgarstjórnar-
meirihluta til fyrirhugaðra framkvæmda í Breið-
holti og þrátt fyrir ítrekaðar fyrirspurnir hafi hann
ekki fengið svör um það mál frá nýjum ráðamönn-
um borgar innar. Hann segist þó ekki trúa öðru en
þverpólitísk samstaða geti orðið um þessi mál.
„Fyrsti fundur okkar verður haldinn á fimmtu-
daginn, málefni Alþjóðahússins eru reyndar ekki á
dagskrá þá en við munum taka þetta fyrir innan
skamms,“ segir Sif Sigfúsdóttir, formaður mann-
réttindanefndar. - kdk
Mánaðamótin kvíðvænleg í Alþjóðahúsi og áætlanir í uppnámi:
Alþjóðahús án framlaga borgarinnar
ÁÆTLANIR Í UPPNÁMI Fyrrverandi meirihluti í Reykjavík hafði
að sögn Einars tekið ákvörðun um að standa straum af kostn-
aði við opnun þjónustumiðstöðvar í Fellahverfi.
FRÉTTABLAÐIÐ/RÓBERT
FÓLK Magnús Scheving hittir
formann breska Íhaldsflokksins,
David Camer-
on, á lokuðum
einkafundi á
morgun.
Magnús segir
að Cameron
hafi sjálfur
óskað eftir
fundi við sig.
„Cameron er
mikill talsmað-
ur aukinnar
heilsuverndar og gerir mikið út á
þá ímynd sína,“ segir Magnús.
Eftir einkafundinn heldur
Magnús fyrirlestur í tuttugu
manna lokuðum hópi. Þar verða
meðal annars fulltrúar hjarta-
verndarsamtaka, sykursjúkra og
stórfyrirtækja.
Breska blaðið Telegraph
greindi frá því í gær að Latibær
og Sportacus eða Íþróttaálfurinn
yrðu andlit sérstakrar herferðar
flokksins gegn offitu barna en
Magnús segir það af og frá. „Við
höfum verið í góðu samstarfi við
heilbrigðisráðherra Breta sem
kemur úr Verkamannaflokknum
þannig að Latibær er í raun
þverpólitsíkur í Bretlandi,“ segir
Magnús. - fgg
Magnús Scheving í London:
Fundar með
David Cameron
MAGNÚS
SCHEVING
Lárus, fannst þér þetta takt-
laust af strákunum?
„Ekki taktlaust, en þeir eru kannski
nett agalausir, smá atvinnulausir en
þó fyrst og fremst tímalausir.“
Hljómsveitin Jakobínarína hefur lagt
upp laupana. Lárus Jóhannesson, annar
eigandi 12 tóna, útgefanda sveitarinnar,
segir tímasetninguna afar slæma því
mikil vinna hafi verið lögð í markaðssetn-
inguna og sveitin hafi fengið virkilega
góð viðbrögð í Evrópu.
BJÖRGUN Þyrla Landhelgisgæslunn-
ar smalaði hrossum ofan af fjallinu
Þríhyrningi um klukkan eitt í gær.
Verið var að reka hrossin heim á
sunnudag þegar þau þustu upp á
fjallstindinn, og komu ekki niður.
Eftir að hafa reynt að ná þeim
niður af tindinum ákváðu bænd-
urnir sem áttu hrossin að leita
aðstoðar lögreglu. Þeim að óvörum
kom þyrla Landhelgisgæslunnar á
staðinn, flaug upp á topp og rak
hrossin niður hlíðina.
„Þeir redduðu okkur þarna, þetta
var alveg glæsilegt,“ segir Viðar
Pálsson, bóndi í Fljótshlíð. „Þeir
tóku vel í þá hugmynd að kíkja á
þetta sem æfingu.“ - sþs
Föst á tindi Þríhyrnings:
Þyrlan smalaði
hrossunum
Bílvelta við Bæjarháls
Bíll valt við Bæjarháls til móts við hús
Orkuveitu Reykjavíkur klukkan hálf
níu í gærkvöldi. Tvennt var í bílnum
en hvorugt slasaðist. Bíllinn var
óökufær eftir veltuna og var dreginn á
brott með kranabíl. Samkvæmt upp-
lýsingum lögreglu er ekki ljóst hvernig
slysið bar að.
Slasaðist á skíðasvæði
Drengur slasaðist á skíðasvæði
Ísfirðinga í gærkvöldi þegar hann
lenti á kyrrstæðum snjótroðara. Hann
fékk skurð á höfuðið og heilahristing
og var því fluttur með sjúkraflugi til
Reykjavíkur og verður þar til eftirlits.
LÖGREGLUFRÉTTIR
SPURNING DAGSINS