Fréttablaðið - 06.02.2008, Blaðsíða 11

MIÐVIKUDAGUR 6. febrúar 2008 11
KÓLUMBÍA, AP Nærri fimm millj-
ónir manna héldu út á götur
Kólumbíu á mánudag til að mót-
mæla mannránum og öðrum
ofbeldisverkum skæruliðahreyf-
ingarinnar FARC, sem hefur ára-
tugum saman stundað vopnaða
baráttu gegn stjórnvöldum lands-
ins.
„Ég vona bara að FARC sé að
hlusta,“ sagði Clara Rojas, sem
hafði verið gísl hjá FARC í sex ár
þegar henni var sleppt í síðasta
mánuði.
FARC er skammstöfun sem
stendur fyrir Byltingarsveitir
Kólumbíu.
Hreyfingin var upphaflega
stofnuð árið 1964 í nánum tengsl-
um við Kommúnistaflokk
Kólumbíu. Á níunda áratug síð-
ustu aldar var fíkniefnasmygl
orðið stór þáttur í starfsemi
hreyfingarinnar og sleit þá
Kommúnistaflokkur landsins
tengslin við hana.
FARC hefur mikil ítök í
suðaustur hluta Kólumbíu og
stundar mannrán í stórum stíl.
Hreyfingin er nú með meira en
700 gísla í haldi og vill skipta á
þeim og liðsmönnum sínum, sem
sitja í fangelsi í Kólumbíu.
Samningaviðræður standa yfir
um lausn sumra af gíslunum.
Margir íbúar Kólumbíu eru
reyndar andvígir mótmælunum
gegn FARC af ótta við að
ættingjar þeirra sem eru í haldi
skæruliðanna geti beðið tjón af.
- gb
Kólumbíubúar rísa upp gegn uppreisnarsveitinni FARC:
Milljónir mótmæla ofbeldinu
STJÓRNMÁL „Við höfum bara til
reiðu nokkrar mismunandi
almyndir af forsetanum. Ef hann
þarf að halda ræðu, til dæmis á
Langanesi, eða á Alþingi, þá er
bara kveikt á viðeigandi almynd,“
segir Össur Skarphéðinsson
iðnaðaráðherra á bloggi sínu í
tilefni af umræðum á Alþingi í
gær um þá tillögu að leggja af
þann sið að handhafar forseta-
valds taki við völdum forseta
þegar hann fer úr landi. Birgir
Ármannsson, þingmaður Sjálf-
stæðisflokks, spurði við umræð-
urnar hvort forsetinn ætti ef til
vill að staðfesta lög með SMS-
skeytum. Segist Össur hafa
fengið sína hugmynd í kjölfar
þess að hann sá almynd –
hólógram – af Karli Bretaprins á
ráðstefnu í Abu Dhabi. - gar
Handhafar forsetavalds:
Er almynd af
forseta lausnin?
ÖSSUR SKARPHÉÐINSSON Sá almynd af
Karli Bretaprins í Abu Dhabi.
ÞRÓUNARAÐSTOÐ Þróunarsam-
vinnustofnun Íslands hefur
afhent tvær þjónustumiðstöðvar
við löndunarstaði til fiskimanna-
félaga á Srí Lanka. Stöðvarnar
eru í Beruwalla á suðvestur-
ströndinni og Nilwella á suður-
odda eyjunnar, að því er fram
kemur í tilkynningu frá Þróunar-
samvinnustofnun.
Uppbygging miðstöðvanna er
hluti af verkefnum Þróunarsam-
vinnustofnunar sem miða að því
að styrkja innviði samfélaga og
efla sjálfsbjargarviðleitni
íbúanna sjálfra. „Í verkefninu um
löndunarstöðvar er áhersla lögð á
að byggja upp innviði og skipulag
fiskveiðisamfélaga í samvinnu
við innlendu frjálsu félagasam-
tökin Sewalanka til að auka getu
íbúa til uppbyggingar samfélags-
ins til að bæta lífsgæði,“ segir
Gunnar Þórðarson, verkefnis-
stjóri á Srí Lanka. - mh
Þróunaraðstoð Íslands:
Innviðir á Srí
Lanka styrktir
Blaðamaður dauðadæmdur
Hamid Karzai, forseti Afganistans,
hefur lýst áhyggjum sínum af máli
blaðamanns í norðurhluta landsins,
sem dómstóll þar dæmdi til dauða
fyrir móðgun við íslam. Hann hafði
það til saka unnið að láta nemendur
í blaðamennsku lesa grein af netinu,
þar sem spurt er hvers vegna karlar
megi eiga fjórar eiginkonur en konur
ekki eiga fleiri en einn maka.
AFGANISTAN
BRETLAND, AP Tvö samtöl sem
breskur þingmaður, Sadiq Khan,
átti við fanga árin 2005 og 2006
voru hleruð af lögreglusveit sem
berst gegn hryðjuverkum. Breska
blaðið The Sunday Times greindi
frá þessu. Samtölin snerust um
persónuleg og lagaleg mál.
Jack Straw dómsmálaráðherra
hefur fyrirskipað rannsókn á
málinu og er haft eftir honum að
hlerunin hafi verið „óviðunandi.“
Lögreglan neitaði að tjá sig um
málið og þar sem það varðaði
þjóðaröryggi. Khan, sem er
múslimi, hefur unnið að því að afla
Verkamannaflokknum stuðnings
múslima í Bretlandi. - sdg
Óviðunandi segir Jack Straw:
Breskur þing-
maður hleraður
FÆR Í FLESTAN SNJÓ
170 hestafla dísilvél, sjálfskiptur með 3.500 kg. dráttargetu
KIA • Laugavegi 172 • Reykjavík • s ími 590 5700 • www.kia. is
KIA umboðið á Ís landi er í e igu HEKLU
Umboðsmenn HEKLU um land allt: Akureyri · Akranesi · Ísafirði · Reyðarfirði · Reykjanesbæ · Selfossi
• 5 þrepa sjálfskipting • Hátt og lágt drif
• ESP-stöðugleikastýring • Ný og glæsileg innrétting
• 16" álfelgur • Vindskeið og þokuljós
• Öflug 170 hestafla dísilvél • Hraðastillir (Cruise Control)
• Þakbogar • 3.500 kg. dráttargeta
Fullbúinn alvöru jeppi með ríkulegum staðalbúnaði
KIA Sorento
Verð frá 3.750.000 kr.
Ó
! 1
11
44
FJÖLDINN RÍS UPP Milljónir manna í
Kólumbíu hafa fengið sig fullsadda af
skæruliðasveitum FARC. FRÉTTABLAÐIÐ/AP