Fréttablaðið - 12.02.2008, Blaðsíða 12

12. febrúar 2008 ÞRIÐJUDAGUR
ÍTALÍA, AP Ítölsku og bandarísku lögreglunni varð
töluvert ágengt í baráttu sinni gegn mafíunni þegar
meira en hundrað manns voru handteknir í báðum
löndunum nú fyrir helgi.
Markmið aðgerðanna var að lama Gambino-
fjölskylduna í New York, eyðileggja tengsl ítölsku
mafíunnar við félaga sína í New York og koma í veg
fyrir framhald á áratuga gömlu mafíustríði.
Inzerillo-fjölskyldan flúði nánast í heilu lagi til
New York fyrir um aldarfjórðungi frá Ítalíu þar sem
hún hafði orðið illa úti í einu blóðugusta mafíustríði
sögunnar.
Í New York hefur þessi fjölskylda síðan notið
verndar Gambino-fjölskyldunnar, sem um miðja
síðustu öld var ein af fimm stóru mafíufjölskyldun-
um í New York.
Undanfarið hafði lögreglan í New York og á Ítalíu
fengið veður af því að Inzerillo-fjölskyldan hygðist
snúa aftur til Ítalíu. Óttast var að þeim flutningum
myndi fylgja morðalda þegar hinir brottflúnu kæmu
fram síðbúnum hefndum heima fyrir.
Árangur lögreglunnar í vikunni má að mestu rekja
beint til sikileyska mafíuforingjans Salvatore Lo
Piccolo, sem var handtekinn í nóvember síðastliðn-
um.
Lo Piccolo hafði reynt að nýta sér veikleika
mafíunnar á Ítalíu, eftir að nokkrir helstu foringjar
hennar höfðu verið handteknir, til að ná völdum
innan hennar. Í því skyni sendi hann meðal annars
fulltrúa sína til New York og leyfði einnig nokkrum
meðlimum Inzerillo að koma til Ítalíu. Lögreglan
fylgdist hins vegar grannt með þessum tilburðum,
og beitti bæði hlerunum og eftirlitsmyndavélum.
Í New York voru nærri 90 manns ákærðir og eru
flestir komnir í vörslu lögreglunnar. Á Ítalíu voru
það 29 manns sem lögreglan reyndi að hafa hendur í
hári, og flestir þeirra náðust. Meðal hinna hand-
teknu er John D‘Amico, núverandi leiðtogi Gambino-
mafíunnar.
Í leiðinni tókst að upplýsa aldarfjórðungs gömul
morð, meðal annars á Antonio og Pietro Inzerillo,
þáverandi foringjum Inzerillo-fjölskyldunnar.
Andrew Cuomo, dómsmálaráðherra í New York-ríki,
segir umfang aðgerðanna sýna að mafían lifi enn góðu
lífi í New York: „Við viljum helst líta á þetta sem leifar
úr fortíðinni, en svo er ekki.“ gudsteinn@frettabladid.is
HANDTÖKUR Í NEW YORK Ónafngreindir félagar í Gambino-
mafíunni teknir í vörslu lögreglunnar. FRÉTTABLAÐIÐ/AP
Áfall fyrir mafíuna
Aðgerðir lögreglunnar í New York og á Ítalíu komu í veg fyrir framhald á aldar-
fjórðungs gömlu hefndarstríði. Góðan árangur lögreglunnar má rekja til hand-
töku ítalska mafíuforingjans Salvatore Lo Piccolo á síðasta ári.
DÓMSMÁL Kona var dæmd til sex
mánaða fangelsisvistar fyrir
fíkniefnainnflutning í Héraðs-
dómi Reykjavíkur í gær. Konan
var á leið frá París í apríl 2006
þegar hún var gripin með rúm 113
grömm af kókaíni í Leifsstöð.
Efnin voru falin innvortis.
Þá var konan einnig sakfelld
fyrir að hafa stolið vörum úr
verslun fyrir rúmar fimm þúsund
krónur. Hún játaði bæði brotin.
Fram kemur í dómnum að konan
hafi farið ótilneydd til Spánar í
þeim tilgangi að flytja um eitt kíló
af kókaíni til landsins. Hún hafi
átt að hagnast um eina milljón
króna á innflutningnum. Það hafi
hins vegar verið aðstæður sem
ekki snertu hana sem urðu til þess
að hún flutti aðeins hluta efnanna
til landsins. Kókaínið sem hún
flutti til landsins var mjög sterkt,
en ekki liggur fyrir hvort hún
hafi sjálf átt að selja eða dreifa
efnunum.
Í dómnum er litið til þess að
konan var ung og í óreglu þegar
brotin voru framin. Tæp tvö ár
séu nú liðin frá seinna brotinu.
Konan hefur, að því er fram
kemur í dóminum, snúið við blað-
inu og verið í fastri vinnu í ár. Því
var ákveðið að skilorðsbinda fjóra
mánuði af refsingunni.
- þeb
Kona dæmd til sex mánaða fangelsisvistar:
Flutti kókaín innvortis
SVEITARSTJÓRNIR Fulltrúar Sam-
fylkingar í skipulagsnefnd
Kópavogs segjast hafa fengið
rangar upplýsingar vegna
veitingar byggingarleyfis fyrir
bílskúr í Fífuhvammi í ágúst í
fyrra. Eins og komið hefur fram í
Fréttablaðinu kærði nágranni
byggingarleyfið og úrskurðar-
nefnd skipulags- og byggingar-
mála felldi það úr gildi. „Í
skipulagsnefnd og í bæjarráði
vorum við fullvissuð um að sátt
lægi fyrir í málinu. Nú er ljóst að
upplýsingar um sátt milli aðila
voru rangar og hörmum við það,“
segir í bókun fulltrúa Samfylk-
ingarinnar. - gar
Bílskúrsmál í Fífuhvammi:
Rangfærsla um
sátt hörmuð
A
T
A
R
N
A
Nóatúni 4 · Sími 520 3000
www.sminor.is