Fréttablaðið - 12.02.2008, Blaðsíða 42
26 12. febrúar 2008 ÞRIÐJUDAGUR
sport@frettabladid.is
> Azerar koma í ágúst
Knattspyrnusamband Íslands, KSÍ, staðfesti í
gær að búið væri að landa vináttulandsleik
gegn Azerbaidjan 20. ágúst næstkomandi
og verður leikið á Laugardalsvellinum.
Þetta verður fyrsti landsleikur þjóðanna.
KSÍ heldur þar með áfram að tryggja
vináttuleiki við lið af svipaðri getu og
íslenska liðið í stað þess að eltast við
leiki gegn stórþjóðum. Azerar eru í
116. sæti FIFA-listans.
HANDBOLTI HSÍ er skrefi nær því
eftir helgina að semja við Dag
Sigurðsson um að taka við karla-
landsliðinu af Alfreð Gíslasyni.
Dagur átti fundi með þeim Guð-
mundi Ingvarssyni, formanni
HSÍ, Einari Þorvarðarsyni, fram-
kvæmdastjóra HSÍ, og Jóhanni
Inga Gunnarssyni, formanni
landsliðsnefnar HSÍ, um helgina
og samkvæmt heimildum Frétta-
blaðsins gengu þær viðræður vel
og voru jákvæðar.
Dagur hefur ekki farið leynt
með þann metnað sinn að taka við
landsliðinu en það gerir hann samt
bara á réttum forsendum. Þó svo
hann sé spenntur fyrir starfinu
hefur Dagur sagst ekki beint vera
í atvinnuleit enda tiltölulega
nýbyrjaður í spennandi starfi sem
framkvæmdastjóri Vals.
Dagur hafði ekkert um stöðu
mála að segja þegar Fréttablaðið
leitaði eftir viðbrögðum í gær. „No
comment,“ var allt og sumt sem
hafðist upp úr landsliðsfyrirliðan-
um fyrrverandi.
Jóhann Ingi Gunnarsson, for-
maður landsliðsnefndar HSÍ, stað-
festi það að viðræður hefðu vissu-
lega farið fram með Degi um
helgina.
„Þessi mál eru í ákveðnum far-
vegi og ég trúi því að eitthvað ger-
ist í þessari viku. Það er í það
minnsta mín tilfinning en maður
veit samt aldrei neitt nákvæmlega
í þessu,“ sagði Jóhann Ingi við
Fréttablaðið í gær. „Það er ekkert
launungarmál að við hittumst um
helgina. Erum að skoða málin og
fara yfir hlutina. Ég myndi segja
að þetta hefðu verið mjög gagn-
legar viðræður.“
Guðmundur Ágúst Ingvarsson,
formaður HSÍ, vildi lítið tjá sig
um málið annað en að hann
vonaðist til að ganga frá ráðningu
í vikunni. Það eitt og sér segir
reyndar heilmikið um stöðuna
enda Guðmundur ekki þekktur
fyrir mikla yfirlýsingagleði.
Stjórn HSÍ kemur til fundar á
hádegi í dag og hafi þríeykið þegar
náð samkomulagi við Dag verður
það tilkynnt stjórn sambandsins á
fundinum í dag sem síðan þarf að
leggja blessun sína yfir ráðning-
una. Fyrr verður ekki hægt að
skrifa undir samninga og tilkynna
um nýjan landsliðsþjálfara. Flest
bendir þó til þess að það gerist
fyrir helgi. henry@frettabladid.is
Dagur ráðinn í vikunni?
Flest bendir til þess að Dagur Sigurðsson verði ráðinn landsliðsþjálfari í hand-
bolta áður en vikan er á enda. Dagur fundaði með formanni og framkvæmda-
stjóra HSÍ sem og formanni landsliðsnefndar um helgina.
LEIÐTOGI Dagur Sigurðsson var fyrirliði landsliðsins til fjölda ára. Hann leiðir hér
landsliðið til leiks á Ólympíuleikunum í Aþenu 2004. Hann verður hugsanlega þjálf-
ari handboltalandsliðsins á ÓL í Peking 2008. FRÉTTABLAÐIÐ/TEITUR
Snorri Steinn Guðjónsson, leikmaður GOG Svendborg og íslenska
landsliðsins, fór fyrir sínum mönnum í leik gegn stórliði Barcelona
í 4. riðli Meistaradeildar Evrópu í handbolta og skoraði sjö mörk í
35-33 sigri danska liðsins.
„Ég er auðvitað ánægður með að vinna leikinn og það var
alltaf markmið okkar og við vorum búnir að sýna fram
á það að við gætum alveg náð góðum úrslitum í
Meistaradeildinni,“ sagði Snorri Steinn sem var ein-
mitt orðaður við Barcelona fyrir um tveimur árum.
„Það var kannski ekki efst í huga manns þegar
á leiknum stóð en það var vissulega gaman að
standa sig vel,“ sagði Snorri Steinn sem kvaðst
þó ekki hafa neinn tíma til þess að sitja á
bleiku skýi.
„Deildarkeppnin í Danmörku er í fullum
gangi og er náttúrulega þannig séð for-
gangsatriði hjá okkur og við þurfum að
einbeita okkur fyrst og fremst að ná
einu af topp fjórum efstu sætunum
þar til þess að komast í úrslitakeppnina. GOG Svendborg
lenti í þriðja sæti í deildarkeppninni í fyrra og vann svo
úrslitakeppnina og varð svo meistarari þannig að markmið-
ið fyrir tímabilið var alltaf að lenda í einu af fjórum efstu
sætunum og Meistaradeildin er í raun og veru bara gulrót
fyrir utan það,“ sagði Snorri Steinn sem er því strax farinn
að einbeita sér að leik GOG Svendborg gegn Skandeborg
Håndbold í dönsku deildinni á miðvikudag. „Okkur er ekki búið
að ganga sem skyldi eftir EM og erum búnir að tapa tveimur
leikjum í röð í deildinni og megum alls ekki við því að mis-
stíga okkur í leik gegn neðsta liði deildarinnar í harðnandi
toppbaráttunni. Það getur hins vegar verið erfitt fyrir menn
að mæta Barcelona og gíra sig svo upp í leik á móti slakara
liði þannig að við verðum að vera með einbeitinguna í lagi,“
sagði Snorri Steinn sem viðurkenndi að hann hugsaði líka
reglulega um stöðu íslenska landsliðsins og hvað væri í deig-
lunni þar í þjálfaramálum. „Mér líst bara vel á þau nöfn sem
hafa verið í umræðunni og það eru spennandi og erfið
verkefni fram undan hjá liðinu,“ sagði Snorri.
SNORRI STEINN GUÐJÓNSSON, GOG SVENDBORG: SKORAÐI SJÖ MÖRK GEGN STÓRLIÐI BARCELONA
Enginn tími til þess að sitja á bleiku skýi
HANDBOLTI Leikið verður í undanúrslitum Eimskipsbikars
karla í kvöld þegar Fram tekur á móti Akureyri í Fram-
húsinu í Safamýrinni og 1. deildarlið Víkings fær Íslands-
meistara Vals í heimsókn í Víkina og hefjast báðir leikir
kl. 19.00.
Fram og Akureyri áttust einmitt við um helgina fyrir
norðan og þá fóru gestirnir með nauman 29-30 sigur í
hörkuleik en liðin berjast á ólíkum stöðum í N1-deildinni
þar sem Fram er í toppbaráttunni en Akureyri í harðri
botnbaráttu.
„Staða liðanna í deildinni skiptir engu máli í kvöld
og við búumst við hörkuleik,“ sagði Halldór Jóhann
Sigfússon, leikmaður Fram og fyrrverandi leikmað-
ur KA, sem kvaðst vitanlega þekkja vel til Akureyr-
arliðsins.
„Ég hef náttúrulega spilað með mörgum þessarra
stráka hjá Akureyri þegar ég var í KA, en ég ber ekki
jafn sterkar tilfinningar til þessa liðs, eins og ég myndi
gera ef að þetta væru gulir og bláir KA-menn,“ sagði Hall-
dór Jóhann á léttum nótum. Rúnar Sigtryggsson, þjálfari
Akureyrar, kvað sína menn hlakka til verkefnisins.
„Bikarleikir eru alltaf stakir leikir og þó að Fram sé senni-
lega best mannaða lið landsins, þá er alltaf einhver mögu-
leiki í stöðunni. Líkurnar er samt vissulega þeirra megin en
við munum leggja allt í sölurnar í þennan leik,“ sagði Rúnar
ákveðinn. Reynir Þór Reynisson, þjálfari Víkings, er afar spenntur fyrir
leiknum gegn Val en ítrekaði að hans menn væru þó fyrst og fremst með
hugann við 1. deildina.
„Það er náttúrulega frábært að við séum komnir í þennan leik og við
ætlum bara að njóta leiksins og spila okkar handbolta. Við höfum þannig
séð lítið getað hugsað um leikinn þar sem það er búið að vera þétt leikið
í 1. deild- inni og við erum vitanlega með hugann við toppbaráttuna
þar,“ sagði Reynir Þór sem hvetur fólk til að fjölmenna í
Víkina og starfsbróðir hans Vals-megin, Óskar Bjarni
Óskarsson, tekur í sama streng.
„Við erum bara mjög spenntir fyrir leiknum og við
vonumst til að Valsarar fjölmenni í Víkina. Við erum
búnir að sjá Víking spila nokkrum sinnum og það eru
nokkrir mjög efnilegir leikmenn í herbúðum liðsins.
Við munum undirbúa okkur á sama hátt fyrir þenn-
an leik og aðra leiki og það verður klárlega ekkert
vanmat í gangi af okkar hálfu og við ætlum okkur að
komast í úrslitaleikinn í fyrsta skipti í langan tíma,“
sagði Óskar Bjarni að lokum. - óþ
Fram og Akureyri mætast í Framhúsinu og Valur mætir Víkingi í Víkinni í undanúrslitum Eimskipsbikars karla:
Staða liðanna í deild skiptir engu máli
AFTUR Í ÚRSLIT? Einar Ingi Hrafnsson og
félagar í Fram geta komist í sinn annan
úrslitaleik í vetur með sigri á Akureyri í
kvöld. FRÉTTABLAÐIÐ/ARNÞÓR
FÓTBOLTI Topplið Inter frá Mílanó
hefur ekki hlotið mikla hylli í
ítölskum fjölmiðlum undanfarið
þrátt fyrir að vera komið með
átta stiga forystu í Serie A-
deildinni þar sem margir vilja
halda því fram að dómarar í
deildinni séu liðinu afar hliðhollir.
Síðasta atvikið til þess að valda
deilu var fyrra mark Inter í 0-2
sigri liðsins gegn Catania um
síðustu helgi þegar Esteban
Cambiasso skoraði á 64. mínútu
en Argentínumaðurinn var
greinilega rangstæður á fjær-
stönginni. Stuðningsmenn Catania
brugðust við atvikinu með því að
fagna gríðarlega hverjum einasta
dómi Stefanos Farina, dómara
leiksins, og syngja honum söngva
það sem eftir lifði leiks.
Dagblöðin La Gazzetta dello
Sport og Corriere dello Sport hafa
bæði farið hart fram í gagnrýni
sinni á hugsanleg tengsl milli
dómara og Inter-liðsins og La
Gazzetta dello Sport birti á
dögunum stöðuna í Serie A-
deildinni þar sem vafaatriði féllu
ekki með Inter og Corriere dello
Sport sló upp í fyrirsögn blaðsins
í gær: „Hlægileg deildarkeppni“ í
samhengi við sérmeðferð Inter í
ítölsku Serie A-deildinni. - óþ
Corriere dello Sport:
Hlægileg deild-
arkeppni
SÉRMEÐFERÐ? Ítölsk dagblöð vilja
meina að Inter hljóti sérmeðferð frá
dómurum á Ítalíu. NORDIC PHOTOS/GETTY
FÓTBOLTI Gary Neville, fyrirliði
Manchester United, er ekki af
baki dottinn þrátt fyrir ellefu
mánaða fjarveru vegna meiðsla
og ítrekaði í viðtali við United
Review að hann hefði engin plön
um að leggja skóna á hilluna.
„Sú staðreynd að ég hef verið
svona lengi frá vegna meiðslanna
hlýtur eðlilega að vekja upp þá
spurningu hvort ég nái yfir höfuð
að snúa aftur á völlinn. Ég
meiddist á ökkla fyrir um ellefu
mánuðum en í fullkominni
kaldhæðni þá hef ég verið fínn í
ökklanum undanfarið en verið að
jafna mig eftir að hafa fengið
högg annars staðar sem
hafa tafið mig um
nokkrar
vikur,“
sagði
Neville
sem
æfir af
kappi
þessa
dagana og
er viss um að
hann snúi
fljótt aftur. - óþ
Gary Neville, Man. Utd.:
Er ekki hættur
FÓTBOLTI Endurkoma Kevins
Keegan til Newcastle hefur ekki
orðið sú vítamínsprauta sem
menn á þeim bænum voru að
vonast eftir og liðið er aðeins búið
að taka tvö stig af tólf möguleg-
um síðan hann tók við stjórnar-
taumunum á St. James‘s Park.
Keegan kvaðst sjálfur gera sér
fulla grein fyrir því erfiða
verkefni sem fram undan væri
hjá Newcastle.
„Við erum viðkvæmir. En ég
hef samt fulla trú á því að við
höfum nógu mikinn styrk og gæði
til þess að vera úrvalsdeildarfé-
lag á næstu leiktíð og eins og
málin standa í dag þá setjum við
stefnuna á 40 stiga markið,“ sagði
Keegan eftir svekkjandi 4-1 tap
gegn Aston Villa á Villa Park eftir
að hafa komist 0-1 yfir í leiknum
með marki frá Michael Owen.
„Það er ekki eins og maður geti
veifað töfrasprota og öll vanda-
mál séu þá að baki, en vissulega
er þetta mín vinna og mín
vandamál sem ég þarf að finna
lausn á,“ sagði Keegan. - óþ
Kevin Keegan, Newcastle:
Stefnum á 40
stiga markið
EKKI TÖFRAMAÐUR Kevin Keegan kvaðst
ekki geta veifað töfrasprota til þess að
breyta vandræðaástandinu hjá New-
castle. NORDIC PHOTOS/GETTY