Fréttablaðið - 19.02.2008, Side 12

19. febrúar 2008 ÞRIÐJUDAGUR
nær og fjær
„ORÐRÉTT“ ■ Allt frá landnámi var kornöl veisludrykkur Íslend-
inga. Var ölið bruggað úr malti og kallað mungát
en innflutt öl kallað bjór. Malt, vatn og ger var
notað til ölgerðar auk þess sem ekki er ólíklegt að
trjábörkur eða einiber hafi verið sett í ölið. Á 12.
öld er farið að nota humla til ölgerðar,
til að bragðbæta og til að verja ölið
skemmdum. Ölgögn eða hitugögn
voru þau kölluð áhöldin til ölgerðar.
Nálægt lokum miðalda var hætt
að rækta bygg á Íslandi og dró
úr innlendri bjórgerð. Var bjór þá
aðeins drukkinn til hátíðarbrigða en
í nágrannalöndunum var hann hins
vegar víða daglegur drykkur. 12. janúar
árið 1900 var svo bannað að brugga
áfenga maltdrykki á Íslandi en 1. mars
1989 var bjórsala og neysla aftur leyfð.
Heimild: Vísindavefurinn
ÖLGERÐ Á ÍSLANDI:
ALGENGT FRAM AÐ LOKUM MIÐALDA
Hugmyndaríkar konur um
allt land fengu á dögunum
styrki frá félagsmálaráð-
herra til að þróa viðskipta-
hugmyndir sínar. Mark-
miðið er að konurnar geti
haslað sér völl sem sjálf-
stæðir atvinnurekendur.
Styrkirnir nema samtals tæpum
sextán milljónum króna og eru
liður í mótvægisaðgerðum ríkis-
stjórnarinnar vegna niðurskurðar
á þorskaflaheimildum. Þar af leiðir
að flestir styrkirnir voru veittir
konum á landsbyggðinni.
Umsóknir voru 115 en 28 verk-
efni hlutu styrki að fjárhæð frá 200
þúsund upp í eina og hálfa milljón
króna. Hæstu styrkina fá verkefn-
in Spákonuhof á Skagaströnd og
búningaleiga á Akureyri.
Ásta Hafberg S. á Fáskrúðsfirði
er meðal þeirra kvenna sem fengu
styrki. Hún hlaut 200 þúsund krón-
ur til að hefja framleiðslu, mark-
aðssetningu og sölu á skóþurrkun-
arofnum fyrir heimili en hún og
maður hennar, Bastian Hans Fritz
Stange, hönnuðu slíkan ofn og nota
á heimili sínu.
„Þetta kom til af því að við eigum
fjögur börn og þegar haustaði og
vetraði vorum við í stöðugum vand-
ræðum með blauta skó,“ segir Ásta.
Þau hjónin ákváðu því að reyna að
hanna og búa til ofn til að þerra
blauta barnaskóna á heimilinu.
Verkið reyndist ekki mikið mál
og þegar ofninn var kominn upp á
vegg á heimili þeirra vakti hann
mikla athygli gestkomenda. „Fólki
sem kom í heimsókn fannst þetta
rosalega sniðugt og vildi fá svona
heim til sín,“ segir Ásta.
Í framhaldinu sóttu þau um
styrki til að þróa hugmyndina en
þau hafa átt góða að á verkstæðinu
Vélgæði á Fáskrúðsfirði og Véla-
verkstæði Guðmundar Skúlasonar
í Neskaupstað. Fullkomin frum-
gerð af ofninum, sem Ásta og Basti-
an kalla Ísofn, er nú í vinnslu og
hyggjast þau senda hana til gæða-
prófana til að fá vöruna vottaða.
Vonast þau til að Ísofn komist í
almenna sölu í haust. En Ásta horfir
ekki bara til heimila því hún segir
ofninn vel eiga heima í skólum og
leikskólum. Auðvelt sé að laga
hönnunina að ólíku rými og setja
upp við snaga.
bjorn@frettabladid.is
Viðskiptavit kvenna virkjað
VIÐSKIPTAHUGMYNDIR 28 KVENNA SEM FÁ STYRK FRÁ FÉLAGSMÁLARÁÐUNEYTI
Nafn Heimili Verkefni Upphæð
Alda Davíðsdóttir 450 Patreksfjörður Sjóræningjahúsið – menningartengd ferðaþjónusta 500.000
Anne Manly Thomsen 781 Höfn í Hornafirði Heimavinnslan Jöklaís 300.000
Ásta Hafberg S. 750 Fáskrúðsfjörður Útivista/skóþurrkunarofnar (Ísofnar) 200.000
Bergrún Jóhanna Borgfjörð 720 Borgarfjörður eystri Álfheimar ferðaþjónusta Borgarfirði eystra 1.000.000
Dorothee Lubecki 801 Selfoss Lífrænar rabarbara– og berjasultur 300.000
Elín Rósa Bjarnadóttir 545 Blönduós Stofa Höllu og Eyvindar 1.000.000
Gauksmýri ehf. 531 Hvammstangi Hrafnaþing – sýning um íslenska hrafninn 1.000.000
Guðríður Ragnarsdóttir 111 Reykjavík Berjamór 300.000
Guðrún Egilsdóttir 601 Akureyri Rjómaísgerð og kaffihús 500.000
Hallfríður Finnborg Sigurðardóttir 510 Hólmavík Töfrastiklingar 1.000.000
Helga Ingimarsdóttir 545 Skagaströnd Úr hreiðri í sæng 300.000
Hildur Pálsdóttir 510 Hólmavík Álfasulta og Heljarskinn 300.000
Hildur Stefánsdóttir 681 Þórshöfn Landslagsarkitektastofan Larka 300.000
Hlédís Sveinsdóttir 365 Snæfellsbær Eigið fé ehf. 500.000
Hrafnhildur Hafdís Sverrisdóttir 620 Dalvík Kofinn skólagæsla – Fyrir káta krakka 300.000
Kristín Scheving 701 Egilsstaðir Hreindýraland, kvikmynda– og vídeólistahátíð 300.000
Kristín Sigvaldadóttir 601 Akureyri Búningaleiga og saumastofa 1.500.000
Nanna Höskuldsdóttir 680 Þórshöfn Þróun á framleiðslu og geymslu Kúffisk 790.000
Ólína Þorvarðardóttir 400 Ísafjörður Sögusetur um Spánverjavígin 300.000
Ólöf Þ. Hallgrímsdóttir 660 Mývatn Sælkeraverslun í sveitinni 500.000
Regína Ólína Þórarinsdóttir 531 Hvammstangi Rjúpnarækt ehf. 200.000
Sara María Björnsdóttir 233 Hafnir Útfararstofa fyrir konur sem á að heita Hvítar rósir 300.000
Saumastofan Íris – Skagaströnd 545 Skagaströnd Vöruþróun og markaðssetning Saumastofu 950.000
Sesselja Traustadóttir 105 Reykjavík Skipulag og stofnun umferðagarðs 300.000
Sigrún Ingvarsdóttir 641 Húsavík Útfararþjónusta Húsavíkur og nágrennis ehf. 550.000
SJ bókhaldsþjónusta 680 Þórshöfn Bókhaldsþjónusta 300.000
Spákonuarfur 545 Skagaströnd Spákonuhof á Skagaströnd 1.500.000
Villimey slef 460 Tálknafjörður Vöruþróun fyrir erlendan markað 500.000
Samtals 15.790.000
SITJA EKKI MEÐ HENDUR Í SKAUTI Basti-
an Stange og Ásta Hafberg eru langt
komin með að setja skóþurrkunarofninn
í almenna sölu. Ofninn nefna þau Ísofn
og ætti hann að rúmast í hvaða forstofu
sem er.
SKÓÞURRKARI ÁN SKÓA
SKÓÞURRKARI MEÐ SKÓM
ÓLÍNA ÞORVARÐARDÓTTIR Viðskipta-
hugmynd hennar er að koma á fót
sögusetri um Spánverjavígin á Ísafirði.
Tilgangurinn er að glæða ferðaþjónustu
og ýta undir frekari menningarsögulegar
rannsóknir á svæðinu.
ALDA DAVÍÐSDÓTTIR Hugmynd hennar
gengur út á sjóræningjasetur á Patreks-
firði. Á setrinu yrði sett upp sýning sem
gerir skil sjóránum við Íslandsstrendur.
Regína Ólína Þórarinsdóttir á
Hvammstanga fékk 200 þúsund
króna styrk fyrir viðskiptahugmynd
sem gengur út á að rækta rjúpur
fyrir jólamarkaðinn. Verkefnið er
á frumstigi og fyrsta skrefið er að
rannsaka möguleika á rjúpnarækt.
„Mér datt þetta í hug þegar
rjúpurnar voru að seljast á okurverði
í haust,“ segir Regína Ólína, sem
sjálf borðar ekki rjúpur. Hún hefur í
raun ekki hugmynd um hvort hægt
sé að ala rjúpur eins og til dæmis
kjúklinga og kalkúna en með 200
þúsund krónunar að vopni ætlar
hún að kanna málið og þróa við-
skiptahugmyndina, verði niðurstöð-
urnar jákvæðar.
Regína segir að í eina tíð hafi
verið nóg af rjúpum í grennd við
Hvammstanga en þeim hafi fækkað
þar eins og annars staðar. Því verði
að fá botn í hvort hægt sé að rækta
þær.
ER HÆGT AÐ RÆKTA RJÚPUR?
Ekkert brjálæði
„Nei, og það er ekkert
brjálæði að fara vel með
peninga.“
ÓLAFUR HAUKUR SÍMONARSON UM
HVORT ÞAÐ SÉ EKKI Á SKJÖN VIÐ
BOÐSKAPINN Í LAGI HANS ENIGA
MENIGA AÐ NOTA ÞAÐ Í BANKA-
AUGLÝSINGU.
Fréttablaðið, 18. febrúar.
Einsdæmi
„Mér er til efs að samningar
af þessu tagi hafi verið gerðir
áður.“
GRÉTAR ÞORSTEINSSON UM NÝJA
KJARASAMNINGA. LAUN ÞEIRRA
TEKJULÆGSTU HÆKKA LANGMEST.
Fréttablaðið, 18. febrúar.