Fréttablaðið - 26.03.2008, Blaðsíða 6
6 26. mars 2008 MIÐVIKUDAGUR
flugfelag.is
Ferðalag er góð
fermingargjöf
Pantaðu gjafabréf
í síma 570 3030
REYKJAVÍK
AKUREYRI
EGILSSTAÐIR
VESTMANNAEYJAR
ÍSAFJÖRÐUR
VOPNAFJÖRÐUR
ÞÓRSHÖFN
GRÍMSEY
F
í
t
o
n
/
S
Í
A
Aðalfundur VR
verður haldinn á Hilton Reykjavík Nordica
mánudaginn 31. mars nk. og hefst kl. 19:30.
Dagskrá:
Venjuleg aðalfundarstörf
Lagabreytingar
Virðing
Réttlæti
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
STJÓRNMÁL „Staða mála á gjaldeyrismörkuðum
er ekki komin á það stig að hún kalli á sérstakar
aðgerðir að hálfu ríkisstjórnarinnar,“ sagði Geir H.
Haarde forsætisráðherra að loknum ríkisstjórnar-
fundi í gær. Hann sagði ríkisstjórnina fylgjast vel
með þróun efnahagsmála á alþjóðlegum vettvangi
og áhrifa sem gætir hér á landi.
Geir sagði stýrivaxtahækkun Seðlabanka Íslands
um 1,25 prósentustig, upp í fimmtán prósent, ekki
hafa komið á óvart. „Það má líta á aðgerðir Seðla-
bankans sem sérstaka varnaraðgerð að hálfu bank-
ans vegna ástandsins sem nú ríkir. Það kemur
engum á óvart í sjálfu sér. Það eru skiptar skoðan-
ir um það efnahagslíkan sem Seðlabankinn vinnur
eftir en miðað við þær forsendur þá er þessi vaxta-
hækkun rökrétt ákvörðun,“ sagði Geir.
Ingibjörg Sólrún Gísladóttir utanríkisráðherra
sagði Seðlabankann senda sterk skilaboð með vaxta-
hækkuninni um að hann ætli sér að hemja verðbólgu
og vinna að stöðugleika í efnahagskerfinu. „Það er
ljóst að þessi ákvörðun Seðlabankans hefur virkað
að minnsta kosti miðað við fyrstu viðbrögð,“ sagði
Ingibjörg að loknum fundi, skömmu fyrir hádegi.
Viðbrögð á hlutabréfamarkaði voru jákvæð og var
hækkun úrvalsvísitölunnar sú mesta á einum degi
í sögunni, 6,16 prósent. Gengi íslensku krónunnar
styrktist um 2,85 prósent og var gengisvísitalan
152,5 stig í lok dags. „Þetta voru skýr skilaboð um
að Seðlabankinn ætli sér að halda niðri verðbólgu
og beita öllum ráðum til þess. Þetta er vissulega
umdeild og erfið ákvörðun en ég held að flestir geti
verið sammála um að þetta hafi verið eðlileg við-
brögð hjá Seðlabankanum,“ sagði Ingibjörg Sólrún.
Geir sagði mikilvægt fyrir fólk að átta sig á því
að fram undan gæti orðið samdráttur í efnahagslíf-
inu sem það fyndi fyrir. „Það má ekki gleyma því að
miðað við allar hagspár þá er að draga úr umsvifum
í efnahagslífinu,“ sagði Geir. Sagði hann suma spá
því að hagvöxtur gæti „hrapað“ úr fjórum prósent-
um í fyrra niður í eitt prósent á þessu ári. „Þá þarf
að gæta að því að slíkt gerist ekki með of snögg-
um hætti. Það eru margir hlutir að gerast samtím-
is í efnahagslífinu og við þurfum að gæta að skoða
málin, hvert fyrir sig, í réttu samhengi.“
magnush@frettabladid.is
Stýrivaxtahækkun
kom ekki á óvart
Geir H. Haarde forsætisráðherra sagði ríkisstjórnina fylgjast vel með gangi
efnahagsmála á alþjóðamörkuðum og áhrifa sem gætir vegna þeirra hér á
landi. Stýrivaxtahækkun Seðlabankans sterk skilaboð, sagði Ingibjörg Sólrún.
GEIR H. HAARDE OG INGIBJÖRG SÓLRÚN GÍSLADÓTTIR Geir og
Ingibjörg Sólrún svöruðu spurningum blaðamanna að loknum
ríkisstjórnarfundi í gær. Þau sögðu ríkisstjórnina fylgjast grannt
með stöðu efnahagsmála í heiminum og áhrifa hér á landi.
FRÉTTABLAÐIÐ/ARNÞÓR
TÍU BESTU DAGARNIR Á MARKAÐI
1. 25. mars 2008 6,2
2. 4. október 2001 6,1
3. 10. mars 1993 5,0
4. 25. janúar 2008 4,8
5. 28. apríl 1994 4,7
6. 11. janúar 1999 4,5
7. 28. apríl 1997 4,0
8. 19. september 2007 3,9
9. 16. nóvember 2005 3,8
10. 2. apríl 1993 3,7
Hækkun úrvalsvísitölu í prósentum
STÝRIVEXTIR HJÁ ÖÐRUM ÞJÓÐUM
Danmörk 4,50 %
Noregur 5,25 %
England 5,25 %
Finnland 4,75 %
Svíþjóð 2,00 %
Þýskaland 3,30 %
Bandaríkin 2,25 %
Ísland 15,00 %
PAKISTAN, AP Yousaf Raza Gilani
sór í gær embættiseið sem nýr
forsætisráðherra Pakistans. Gil-
ani var einn nánasti samverka-
maður Benazir Bhutto heitinnar,
sem var svarinn andstæðingur
Pervez Musharrafs forseta sem
tók eiðinn af Gilani.
Eftir að hinni formlegu eið-
stafs-athöfn í forsetahöllinni í
Islamabad lauk kölluðu flokks-
menn Gilanis „Lengi lifi Bhutto!“
Daginn áður hafði pakistanska
þingið kjörið Gilani til að fara
fyrir hinni nýju samsteypustjórn
Þjóðarflokks Bhutto-sinna og
flokks Nawaz Sharifs, annars
fyrrverandi forsætisráðherra
sem einnig kom úr útlegð í fyrra.
Flokkarnir tveir, sem áður voru í
stjórnarandstöðu, unnu stórsigur
í þingkosningum í síðasta
mánuði.
Gilani lét það verða sitt fyrsta
embættisverk að leysa úr stofu-
fangelsi tugi dómara sem
Musharraf forseti rak í nóvem-
ber síðastliðnum til að hindra að
þeir settu lagalegar hindranir
fyrir endurkjöri hans í forseta-
embættið. - aa
UMSKIPTI Musharraf Pakistanforseti og
nýi forsætisráðherrann Yusaf Raza Gilani
takast í hendur eftir eiðstafinn í gær.
FRÉTTABLAÐIÐ/AP
Nýr forsætisráðherra sver embættiseið í Pakistan:
Fyrsta verkið að frelsa dómara
Rússnesk rannsóknarlögregla:
Kanna á ný and-
lát blaðamanns
RÚSSLAND, AP Rússnesk yfirvöld
tilkynntu í gær að þau hefðu
hafið á ný rannsókn á óútskýrð-
um dauða rannsóknarblaðamanns-
ins Júrí Sjtsékotsíkín árið 2003.
Hann vann fyrir óháða dagblað-
ið Novaja Gazeta að rannsókn á
spillingu á háum stöðum.
Sjtsékotsíkín dó eftir snögg og
dularfull veikindi. Samkvæmt
krufningarskýrslu var banamein-
ið heiftarlegt ofnæmi. Talið er
að eitrað hafi verið fyrir honum,
hugsanlega með geislavirku efni.
Á annan tug blaðamanna hafa
verið myrtir í Rússlandi síðan
árið 2000, svo vitað sé. Morðingj-
arnir hafa sjaldnast fundist. - aa
Vilt þú mislæg gatnamót á
mótum Kringlumýrarbrautar
og Miklubrautar?
Já 77,28 %
Nei 22,2 %
SPURNING DAGSINS Í DAG:
Ætlar þú að fara á tónleikana
með Bob Dylan í lok maí?
Segðu þína skoðun á www.visir.is
NEYTENDUR „Það er mikil ástæða
fyrir fólk að vera á varðbergi og
við viljum fá allar ábendingar til
okkar,“ segir Jóhannes Gunnars-
son, formaður Neytendasamtak-
anna, um verðhækkanir síðustu
daga. Hann segir Neytendasam-
tökunum ekki hafa borist upplýs-
ingar um að verslanir nýti sér
gengisbreytingar eða hækki verð
á vörum sem þegar hafi verið
keyptar til landsins. Gísli Tryggva-
son, talsmaður neytenda, hefur
heldur ekki fengið slíkar
ábendingar.
„En það er að sjálfsögðu óásætt-
anlegt að verslanir séu í skjóli
þess sem nú er að gerast að hækka
verð áður en þær þurfa. Ástandið
verður nógu erfitt fyrir heimilin í
landinu þó að einstaka verslanir
fari ekki að maka krókinn og gera
ástandið enn verra,“ segir
Jóhannes.
„Það er eðlilegt að verslanir
hækki verð þegar þær flytja inn
vörur. Ég segi reyndar að verslanir
eigi að halda sömu krónutölu-
álagningu, þær eiga ekki að ná inn
meiru á því að vara hækki í
innkaupum, hvað þá að vera að
hækka eldri birgðir sem jafnvel er
búið að borga fyrir. Ég vil hvetja
alla neytendur sem verða varir við
slíkt að láta okkur vita.“ - þeb
Formaður Neytendasamtakanna um verðhækkanir vegna gengisbreytinga:
Neytendur séu á varðbergi
JÓHANNES GUNN-
ARSSON Formaður
Neytendasamtakanna
hvetur neytendur til
að vera á varðbergi
gagnvart því að versl-
anir nýti sér gengis-
lækkun krónunnar til
að hækka vöruverð.
KJÖRKASSINN