Fréttablaðið - 26.03.2008, Blaðsíða 24

[ ]Landakort er gott að hafa með í ferðalagið til að finna réttu leiðina. Ef kortið gleymist má spyrja til vegar eða breyta ferðinni í óvissuferð.
Ragnar Sverrisson, kaup-
maður á Akureyri, er einn af
frumkvöðlum göngufélagsins
Glerárdalshringurinn 24x24
sem starfrækt er á Akureyri.
Fyrir um fjórum árum voru Ragnar
og félagar hans að ganga á fjöll á
Eyjafjarðarsvæðinu og fannst
þeim mikið til þess svæðis koma.
Sama ár gekk Ragnar
Hvannadalshnúk og hitti göngugarp
mikinn sem hafði gengið
Glerárdalshringinn. Hann er um
50 km og á þessum fjallahring eru
24 fjallstoppar.
Þetta þótti Ragnari og félögum
mjög spennandi hugmynd og
upp frá þessu var félagið
Glerárdalshringurinn 24x24
stofnað og stefnt að því að ganga
hringinn á einum sólarhring. Þetta
vakti mikla lukku þrátt fyrir að
mörgum hafi fundist þetta
uppátæki fulldjarft hjá hópnum.
Hópurinn hefur nú farið einn
Glerárdalshring á ári. Yfir
vetrartímann eru einnig farnar
ferðir annan hvern sunnudag á
hina ýmsu staði. Í fyrra voru farnar
um þrjátíu minni ferðir fyrir utan
sjálfan hringinn. Félagið stendur
árlega fyrir sólstöðugöngu 21. júní
og er sú ganga í lengri kant inum. Í
ár verður farið frá Grenivík og
siglt út á Gjögur, sem er nyrsti
tangi landsins við Eyjafjörðinn.
Þaðan verður gengið á alla
fjallstindi frá Gjögri, að Kaldbaki
og endað niðri á Grenivík. Þetta er
um 30 km leið og hefur ekki verið
gengin áður. „Minni ferðir hjá
okkur eru um 10-15 klukkustundir,“
segir Ragnar. Þær göngur sem
farnar eru eru krefjandi og þótt
allir séu velkomnir í félagið þarf
fólk að hafa gott úthald.
Hópurinn er mjög vel búinn,
sérstaklega þegar farnar eru
ferðir að vetri til, og lætur ekki
veðrið stöðva sig. Innsti kjarni
félagsins er um 12-14 manns en
svo mætir fólk hvaðanæva að til
að taka þátt í hinum ýmsu göng-
um og stækkar hópurinn þá oft
mikið.
Í fyrra tóku um 75 manns þátt í
Glerárhringnum. Í ár verður farið
12. júlí og er spennan svo mikil að
á heimasíðu félagsins, www.gler-
ardalur.is, er niðurtalning fyrir
gönguna í dögum, klukkustundum
og mínútum. Heimasíðan er mjög
virk og er þar að finna myndir frá
hinum ýmsu göngum félagsins.
Ekkert félagsgjald er tekið né
kostar í ferðirnar, nema í Glerár-
dalshringinn sjálfan. Fólk kemur
með sinn eigin útbúnað og keyrir
sjálft í ferðirnar.
klara@frettabladid.is
Fjallagarpar norðursins
Gengið frá Laufási í Eyjafirði að Ystuvíkurfjalli. Gangan tók um átta klukkustundir. MYND/FRIÐFINNUR GÍSLI SKÚLASON
Þar sem nú fer að vora við Mið-
jarðarhafið er ekki úr vegi að
benda á að Úrval Útsýn er með
ferðir til Barcelona tvisvar í
viku til 16. maí.
Barcelona er af mörgum talin til
fegurstu borga Evrópu. Hún iðar
líka af lífi og þar er margt að sjá
sem tengist sögu og listum Spán-
verja. Til dæmis eru söfn helguð
hinum heimsþekktu listmálurum
Picasso og Miró skemmtileg og
skoðunarverð. Hinar sérstæðu
byggingar arkitektsins Gaudí
setja svip sinn á borgina og ber
þar hæst dómkirkjuna frægu La
Sagrada Familia.
Ramblan, göngugatan sem ligg-
ur frá höfninni inn í hjarta Barce-
lónu, er þekkt fyrir litríkt mannlíf
og margir leggja líka leið sína upp
á Montjuic-hæðina til að njóta
útsýnis yfir borgina.
Flugið á vegum Úrvals Útsýnar
er á föstudögum og mánudögum
og fararstjórar bjóða upp á skoð-
unarferðir þegar komið er á stað-
inn. - gun
List, menning og
litríkt mannlíf
Torg Barcelónu eru
sum hver mikilfengleg.
Til að efla ferðaþjónustu er
í ráði að byggja gestastofu á
Skriðuklaustri og hefja breyt-
ingar á Skaftafellsstofu.
Bygging gestastofu á Skriðu-
klaustri stendur fyrir dyrum með
haustinu, á vegum hins nýja Vatna-
jökulsþjóðgarðs. Samkeppni er í
gangi meðal arkitekta og þegar
vinningstillaga hefur verið valin
verður hafist handa við hönnun og
síðan framkvæmdir.
Breytingar á Skaftafellsstofu
eru að hefjast. Þar verður veit-
ingasala endurvakin og verður hún
höfð í austurenda hússins en sýn-
ingasalur í vesturendanum. Versl-
unin verður byggð upp á munum
sem tengjast þjóðgarðinum en
minna verður um matvörur en
áður þar sem matvöruverslun er í
Freysnesi. Þetta kemur fram í við-
tali við nýráðinn framkvæmda-
stjóra Vatnajökulsþjóðgarðs, Þórð
H. Ólafsson á www.hornafjordur.
is. - gun
Byggt, bætt
og breytt
Hér er Þorlákur Magnússon í Svínafelli
að vinna við bílastæðin í Skaftafelli.
MasterCard
Mundu
ferðaávísunina!
Montreal
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Auglýsingasími
– Mest lesið