Fréttablaðið - 31.03.2008, Side 26

31. MARS 2008 MÁNUDAGUR8 ● fréttablaðið ● híbýli - eldhús
Sigurbjörg Pétursdóttir
innanhúsarkitekt hugðist
skipta út gamalli eldhúsinn-
réttingu heima hjá sér en hætti
við það og náði að bjarga
þeirri gömlu fyrir horn.
„Ég var að kaupa mér íbúð og tók
hana algerlega í gegn. Reif allt
innan úr henni, braut niður veggi
og henti út gólfefnum. Ætlaði að
fá mér nýja innréttingu í eldhús-
ið en þá voru bara peningarnir
búnir svo ég ákvað að halda þeirri
gömlu. Maður verður að forgangs-
raða,“ segir Sigurbjörg.
Hún kveðst hafa breytt aðeins
uppröðuninni, fengið sér nýjar
höldur og flikkað upp á skápana
með nýrri málningu. „Efri skáparn-
ir öðrum megin eru með gleri og á
milli þeirra var viðarlitur. Ég lakk-
aði kringum glerið með hvítu og líka
kappana undir því. Svo setti ég nýjar
borðplötur og bjó mér til gott vinnu-
pláss, auk morgunverðarborðs,“
lýsir hún. Sigurbjörg kveðst einn-
ig hafa fengið sér nýjan vask og
blöndunartæki svo og rafmagns-
tæki frá Rönning.
Sigurbjörg notar háglanslakk
á eldhúsið og mælir með því. „Þá
er svo gott að þrífa,“ bendir hún á.
„Ég er ekki búin að ákveða hvort
ég fæ mér eitthvað á milli skáp-
anna. Kannski borgar sig að sleppa
því núna því einhvern tíma fæ ég
mér kannski nýja innréttingu. Ég
er samt alveg sátt við útkomuna
eins og hún er.“ - gun
● GRÆJAN Þessar Domo salt- og
piparkvarnir eru ótrúlega handhægar.
Þeim fylgir hleðslutæki og því þarf ekki að
hafa áhyggjur af því að skipta út
rafhlöðunni. Þrýsti maður svo á
lítinn hnapp á kvörnunum lýsa
þær að neðanverðu sem kemur
sér ótrúlega vel þegar verið er
að bragðbæta matinn. Kvarn-
irnar fást í Byggt og búið
og kosta 6.490 krónur
saman í pakka.
● RAUTT OG RÓMANTÍSKT
Þessi skál er hluti af Aida stelli
fyrir fjóra, sem inniheldur skálar,
þrískipta diska og ílanga diska.
Stellið fæst ýmist í rauðu, svörtu
og hvítu og fæst í Byggt og búið á
9.900 krónur.
● BÍTLAR OG
BÓHEMAR
Það er ekki fjarri
lagi að segja að
þessar skemmti-
legu mynstruðu
glasamottur minni
um margt á tísku Bítla, blóma-
barna og bóhema. Þær fást í
fjórum gerðum og eru fjög-
ur eintök af hverri tegund seld saman í pakka á
1.820 krónur. Fáanlegt í Búsáhöldum í Kringlunni.
Sigurbjörg er nýbúin að taka eldhúsið í notkun og kveðst eiga eftir að fá sér að
minnsta kosti klukku á vegg.
Öll tækin eru ný og þótt Sigurbjörg mæli ekki endilega með parketti á eldhúsgólf þá fékk hún sér hvíttaða eik frá Álfaborg enda
eldhúsið hluti af alrými. FRÉTTABLAÐIÐ/ANTON.
Opið er úr eldhúsinu inn í borðstofuna. Morgunverðarhornið tekur sig vel út.
Eldhúsinnréttingunni
bjargað fyrir horn
Undir merkjum Stelton eru ýmsar nýjung-
ar á markaðnum á þessu vori. Þar má nefna
baunina, rúnuðu hitakaffikönnuna sem í út-
liti minnir mjög á kaffibaun. Kannan er í
senn nytjahlutur og augnayndi og sam-
einar þannig þætti sem veita ánægju-
lega upplifun. Hún er með háglans-
áferð og fæst í þremur litum, rauðum,
svörtum og hvítum og haldið er svart á
öllum. Baunin er eftir verðlaunahönnuð-
inn Flemming Bo Hansen.
Brauðpoki sem hannaður er af Klaus
Rath er eins og sniðinn fylgifiskur hita-
könnunnar. Hann er úr vönduðu bómullar-
efni og útbúinn með loki sem hjálpar til við að halda brauðinu
fersku. Hann er 23 cm á hæð og þver-
málið er það sama. Hann gagnast
sem brauðkarfa, bæði í borðstof-
unni og sumarbústaðnum auk þess
sem hann hentar prýðilega í lautar-
ferðir. Margir litir eru
í boði og einnig
fást minni pokar.
Steltonvör-
urnar fást meðal
annars í Epal.
Baun og brauðpoki
Baunin er með mjúkar
línur og býður upp á
heitan sopa.
Klaus Rath á heiðurinn að brauðpokunum hér að neðan.
Brauðpokinn er í
senn nýstárlegt og
upprunalegt ílát.
● HÖNNUN Þessi glæsilegi hníf-
astandur frá japanska vörumerkinu
Kai er búinn segli, svo hnífarnar
festast meðfram hliðunum. Stand-
urinn kostar 31.900 krónur og Kai-
steikarhnífurinn 9.400 krónur. Hvort
tveggja fæst í Búsáhöldum í Kringlunni.
2