Fréttablaðið - 31.03.2008, Page 47

MÁNUDAGUR 31. mars 2008
Ástralski þunglyndis-
rokkarinn og Ís lands-
vinurinn Nick Cave
getur nú kallað sig
doktor Nick Cave án
þess að ljúga neinu
því gamli háskólinn
hans í Melbourne
gerði hann nýverið
að heiðursdoktor við
skólann. Nick sótti
listnám í Monash-
háskólanum á árun-
um 1977 og 1978 en
hætti námi til að tak-
ast á við djöfullegt
rokk og ról með
hljómsveitinni The
Birthday Party. Í
heróínsukkinu miðju
hefur doktorsnafn-
bót væntanlega
verið kappanum
fjarlæg, en nú er
öldin sem betur fer
önnur og Nick alveg
hættur í ruglinu.
Nýjasta plata meist-
arans, Dig, Lazarus,
Dig!!!, hefur fengið
fantagóða dóma.
gunnarh@frettabladid.is
Doktor Nick Cave
DR. NICK CAVE
Þorsteinn Guðmundsson
leggur nú lokahönd á fyrsta
þátt Svalbarða sem sýndur
verður á föstudagskvöld.
„Ég er ekki í samkeppni við neinn,
nema kannski við það að fólk sitji
heima hjá sér og bori í nefið eða
leggi kapal,“ segir Þorsteinn
Guðmundsson um skemmtiþátt-
inn Svalbarða, sem birtist bráð-
lega á Skjá einum. Þættirnir verða
alls tíu í fyrstu umferð og fyrsti
þátturinn er á dagskrá föstudags-
kvöldið 4. apríl. Þorsteinn segir
langa hugmyndavinnu og mikil
handritsskrif liggja að baki. Þátt-
urinn er byggður upp á gestum
sem mæta til Þorsteins, leiknum
atriðum sem Þorsteinn og Ágústa
Eva Erlendsdóttir bera uppi með
aðstoð frá gestaleikurum og lif-
andi tónlist í flutningi hljómsveit-
arinnar Svalbarða. Í henni eru Sig-
urður Guðmundsson kenndur við
Hjálma og Valdimar Kolbeinn Sig-
urjónsson og Helgi Svavar Helga-
son, kenndir við Flís. Ágústa Eva
tekur einnig lagið með hljóm-
sveitinni.
„Þátturinn verður nýstárlegur
og mun eflaust koma mörgum
spánskt fyrir sjónir,“ segir Þor-
steinn. „Hann er ekki líkur neinu
og það hefur ekki verið neitt svona
í gangi lengi. Við Ágústa sýnum
nýjar hliðar á okkur í leiknu atrið-
unum og ég held að það verði
gaman hjá kerlingum og kverúl-
öntum. Það kæmi mér ekki á óvart
þótt bloggið myndi lifna á ný og
Barnaland loga.“
Þorsteinn vill ekki kannast við
áhrifavalda en viðurkennir að
hafa haft gaman af Dave Allen.
„Hann var reyndar ekki með gesti,
heldur sagði sögur og var með
sketsa. Svo var ég með Benny Hill
á heilanum í tvö ár.“
Fyrsti gestur Þorsteins verður
sjálfur Flosi Ólafsson. „Ég er
búinn að hringja í hann og fara
pílagrímsferð upp í Borgarfjörð
til að biðla til hans um að koma í
þáttinn. Ég vona að hann mæti!“
gunnarh@frettabladid.is
Gaman hjá kerling-
um og kverúlöntum
SÝNA Á SÉR NÝJAR HLIÐAR Þorsteinn
Guðmundsson og Ágústa Eva Erlends-
dóttir sjá um Svalbarða.
Platan All is Well með Bandaríkja-
manninum Sam Amidon er fjórða
útgáfa hins íslensks ættaða plötu-
fyrirtækis Bedroom Community.
Plötufyrirtækið er hugarfóstur
upptökustjórans og tónlistar-
mannsins Valgeirs Sigurðssonar,
oft kenndur við Gróðurhúsið, og
er plata Amidons enn ein rósin í
hnappagat útgáfunnar. Amidon
kemur frá sveitum Vermont-fylk-
is þar sem hann ólst upp við sterka
þjóðlagatónlistarhefð. Hefur
Amidon hlúð alúðlega að þessari
hefð sinni en á All is Well setur
hann gömul þjóðlög í sinn eigin
búning.
Þrátt fyrir að plötuheitið gefi
fyrirheit um annað þá eru
umfjöllunarefni plötunnar fjarri
því ljúf og falleg. Eins og þjóð-
lagavísna er von og vísa fjalla
lögin um mannskepnuna, breysk-
leika hennar, kenndir og tilfinn-
ingar. Sögumaðurinn sjálfur er oft
ýmist fullur af heift eða einsemd
og jafnvel biturð og reiði. Slíkt
endurspeglast vel til dæmis í lög-
unum Wild Bill Jones, þar sem
Amidon fer offorsi í öfundsýki
sem endar með tilgangslausu
morði, og Fall on My Knees, þar
sem Amidon óskar ungri stúlku
heldur ólukkulegum endalokum. Í
O Death biðlar Amidon síðan sjálf-
ur til dauðans og biður hann um að
þyrma sér. Honum verður samt
ekki að ósk sinni því í lokalagi
plötunnar, og jafnframt titillagi
hennar, kveður hann vini sína.
Samt sem áður er All is Well
með fallegri plötum sem þú átt
eftir að heyra á þessu ári. Von og
draumar koma nefnilega líka oft
við sögu en umfram allt eru það
guðdómlegar útsetningar Nico
Muhly á ellefu manna blásara- og
strengjasveit sem sveipa lög
Amidons hlýju og fegurð. Allt
gerir þetta að verkum að sögur
Amidon fá meiri dýpt. Amidon
hefur greinilega lagt allt í sölurn-
ar, er lurkum laminn (sbr. fram-
hlið plötukápunnar) og er vart
annað hægt en að hrífast með.
Steinþór Helgi Arnsteinsson
Er ekki allt í lagi?
TÓNLIST
All is Well
Sam Amidon
★★★★
Margbrotin plata þar sem eðli
mannskepnunnar sjálfrar er lýst
með sögum fortíðar en sjónarhorni
nútímans.