Fréttablaðið - 18.04.2008, Qupperneq 8

8 18. apríl 2008 FÖSTUDAGUR
1. Hvaða feðgin syngja nú Sól-
arsömbu eftir tuttugu ára hlé?
2. Á hvaða elliheimili voru í
leyfisleysi skráðar upplýsingar
um veikindi starfsmanna?
3. Hvað heitir höfuðborgin í
Simbabve?
SVÖRIN ERU Á SÍÐU 54
KJARAMÁL Flugmenn og flugfreyj-
ur hjá Icelandair hafa ákveðið að
undirbúa verkfallsboðun.
Trúnaðar ráð, samninganefnd og
kjörstjórn hittast hjá flugfreyj-
um í næstu viku til að fara yfir
hvenær áætlað verkfall á að vera
og hvernig atkvæðagreiðsla fer
fram vegna þess en verkfallsboð-
un var samþykkt á rúmlega 100
manna félagsfundi í fyrrakvöld.
Sigrún Jónsdóttir, formaður
Flugfreyjufélags Íslands, segir
að tilkynna þurfi atvinnurekanda
verkfallsboðun með sjö daga fyrir-
vara. Aldrei sé að vita hvenær
verkfall verði boðað. Samninga-
nefnd Icelandair hafi afboðað
samningafund á miðvikudags-
morgun þar sem útreikningar
hafi ekki verið tilbúnir. „Við
bíðum bara eftir að vera boðaðar
á annan fund,“ segir hún.
Flugmenn höfðu þegar ákveðið
að undirbúa verkfallsaðgerðir.
Innan SFR-stéttarfélags í
almannaþjónustu er nú rætt um
að semja til eins árs. Fjallað
verður um málið á fundi stjórnar
og allra formanna innan BSRB í
dag. Árni Stefán Jónsson, for-
maður SFR, segir að í þessu
árferði nú sé skynsamlegt að gera
samning til árs og láta efnahags-
óvissuna ganga yfir.
„Væntanlega væri gott fyrir
alla aðila að semja til eins árs.
Ríkisstjórn fær þá frið til að koma
þjóðarskútunni á réttan kjöl og
við værum að leggja fram okkar
skerf til þess að ríkisstjórnin
þyrfti ekki að hafa áhyggjur af
kjarasamningum.“
Í nýrri þjóðhagsspá fjármála-
ráðuneytisins er gert ráð fyrir
„hóflegri“ endurskoðun kjara-
samninga hjá ríkisstarfs mönnum.
Sigurður Guðmundsson sérfræð-
ingur segir að gert sé ráð fyrir
samningum á svipuðum nótum og
gerðir voru á almennum markaði
í vetur.
Árni Stefán segir að það sé
óskastaða fjármálaráðuneytisins
en ekki sé víst að ríkisstarfsmenn
sætti sig við það. „Þess vegna er
skynsamlegt að gera skammtíma-
samning og láta þessa óvissu
ganga yfir þannig að menn hafi
fast land undir fótum til að gera
langtímasamning.“
Ólafur Loftsson, formaður
Félags grunnskólakennara, segir
að þokist í samningaviðræðum
við sveitarfélögin. Umræður um
launaliði séu hafnar en „við erum
ekki komin á þann stað að við
séum farin að henda á milli okkar
tilboðum eða nokkru svoleiðis“.
Samningaviðræður eru í fullum
gangi milli flugumferðarstjóra
og SA. ghs@frettabladid.is
Flugfólk undir-
býr verkfall
Atvinnuflugmenn, flugfreyjur og flugþjónar undir-
búa verkfallsaðgerðir hjá Icelandair. Formenn BSRB
taka í dag ákvörðun um það hvort opinberir starfs-
menn vilji gera samning til eins árs.
FLUGVÉL ICELANDAIR Flugmenn, flugfreyjur og flugþjónar eru að undirbúa verk-
fallsaðgerðir. Þetta var samþykkt á fundi í fyrrakvöld. Tilkynna þarf atvinnurekanda
verkfallsboðun með sjö daga fyrirvara.
ÁGÆTU VIÐSKIPTAVINIR
ICELANDAIR
Við viljum þakka frábærar viðtökur
á tilboði Vildarklúbbs okkar.
20.000 sæti eru nú seld og því miður eru ekki
fleiri sæti í boði að þessu sinni.
Icelandair sendir reglulega út upplýsingar
um önnur tilboð og sérferðir í gegnum
Net- og Vildarklúbba okkar.
ÞÖKKUM
FRÁBÆRAR
VIÐTÖKUR
Vildarklúbbur
ÍS
L
E
N
S
K
A
S
IA
.IS
IC
E
41980
04
/08
WWW.VILDARKLUBBUR
.IS
RV Unique örtrefjaræstikerfið
- hagkvæmt, vistvænt og mannvænt
Nánari upplýsingar
veita sölumenn og ráðgjafar RV
Bodil Fur,
sölumaður hjá
RV Unique í Danmörku
UniFlex II H Fiber ræstivagn
RV
U
N
IQ
U
E
02
08
02
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
VIÐSKIPTI Átök endurspeglast ekki
í kaupum Kristins Þórs Geirs-
sonar, framkvæmdastjóra fjár-
mála- og rekstrarsviðs Glitnis, á
hlut í bankanum fyrir tæpan millj-
arð í byrjun vikunnar. „Hvorki í
stjórn, né hluthafahópi, þar eru
engin átök og skýr sameiginleg
markmið allra,“ segir Þorsteinn
Már Baldvinsson, stjórnar-
formaður bankans.
Þorsteinn kveðst um leið fagna
tækifærinu til að slá á sögusagnir
um að kaup Kristins á hlut í bank-
anum séu dæmi um áhættulaus
kaup forsvarsmanna banka sem
oft á tíðum séu hluti af launakjör-
um. „Kristinn keypti í bankanum
að eigin frumkvæði í gegnum
fyrirtæki sitt sem stendur vel fjár-
hagslega og leggur fram tryggingar.
Því er ekki um það að ræða að þetta
sé hluti af hans starfskjörum og
hann er ekki með neina sölutrygg-
ingu á þessum hlut. Hann hefur
bara trú á bankanum og sjálfum
sér og ákveður því að kaupa,“ segir
Þorsteinn Már og bendir á að
kaupin hafi farið fram á markaðs-
verði og uppfylli allar reglur.
Stjórnarformaður Glitnis kveðst
sjálfur þeirrar skoðunar að gott sé
að starfsfólk eigi hlut í fyrirtækinu
þar sem það starfar og hafi af því
hag að reksturinn gangi vel. „En sá
hagur þarf þá líka að byggjast á
raunverulegum árangri þannig að
hagur hluthafa og starfsmanna fari
saman. Í þessu hefur verið skekkja
hingað til,“ segir hann. - óká
ÞORSTEINN MÁR BALDVINSSON Stjórnar-
formaður Glitnis segir kaup fyrirtækis
Kristins Þórs á stórum hlut í Glitni
endurspegla trú Kristins á bankanum og
sjálfum sér.
Kaup framkvæmdastjóra fyrir milljarð í Glitni endurspegla ekki átök í bankanum:
Keypti í Glitni án öryggisnets
RÚMENÍA, AP Rúmeni nokkur var
sektaður fyrir að hafa hringt
6.442 sinnum í neyðarnúmerið
112 í þeim eina tilgangi að brúka
blótsyrði við þann sem svaraði.
Læknisskoðun leiddi í ljós að
hann var heill á geði en móðir
hans segir hann einrænan. Hún
sjái hann oft tala í símann, en viti
ekki við hvern hann sé að tala.
Evrópusambandið hefur
gagnrýnt Rúmeníu fyrir vankanta
á neyðarnúmerakerfi landsins.
Stjórnvöld í Rúmeníu segja að
meira en níutíu prósent allra
hringinga í númerið séu símaat
eða ástæðulausar hringingar.
- gb
Ungur Rúmeni sektaður:
Blótaði stöðugt
í Neyðarlínuna
VEISTU SVARIÐ?