Fréttablaðið - 19.05.2008, Blaðsíða 28
19. MAÍ 2008 MÁNUDAGUR8 ● fréttablaðið ● híbýli − stofa
Óþarfi er að bera birtuna inn í
trogi þegar hægt er að láta geisla
sólarinnar skína beint inn í stofu.
Fallegar rennihurðir úr gleri geta
verið góð lausn fyrir þá sem vilja njóta
sólarinnar þar sem þeir sitja í notaleg-
heitum heima í stofu. Ef heitt er í veðri
má líka opna út og hleypa náttúrunni
alveg inn með öllum sínum sérstöku
hljóðum og sumarlegri angan af alls
kyns gróðri.
Þótt Bakkabræður hafi þurft að bera
birtuna inn í koldimman torfbæinn sinn
í trogi hafa möguleikar fólks til þess að
leyfa sólinni að leika um híbýli sín auk-
ist til muna og alls konar lausnir til sem
getur verið skemmtilegt að skoða. - eö
Sólskin í stofunni
Það getur verið þægilegt að komast beint úr borðstofunni út í garð, til
dæmis þegar verið er að grilla.
Hægt er að fá náttúruna alveg inn í stofu með því að fylla hana af
ilmandi blómum og opna út. NORDIICPHOTOS/GETTY
Rennihurðir með gleri eru tilvaldar svalahurðir.Í morgunsólinni bragðast kaffið enn betur. Garðurinn getur vel verið hluti af heildarásýnd stofunnar.
Þeir sem búa við sjóinn geta fengið hafgoluna beint inn í híbýli sín.
Stefán Örn Magnússon, framkvæmda-
stjóri steinsmiðjunnar Reik, er með
stuðlaberg á stofuveggnum.
Steinninn sem prýðir stofuvegginn
heima hjá Stefáni er þriggja metra
langt stuðlaberg, sem er um fjörutíu
sentímetrar á breidd og stendur um
þrjá sentímetra út frá veggnum.
Stefán minnist þess að þetta hafi
verið stærsti stuðlabergssteinn sem
hann hafi sagað og segir sjaldgæft að
þeir séu jafn langir. Honum fannst því
synd að nýta ekki steininn, svo hann
sagaði út þann bút sem hangir á veggn-
um og restin var nýtt í afgreiðsluborð
á Þjóðminjasafninu. Hann er ánægð-
ur með útkomuna og lýsir henni sem
hálfgerðu listaverki.
Stefán notaði líka stein á baðher-
bergið, í sólbekki og eldhúsið á heim-
ilinu, þar sem steinborðplatan er sér-
sniðin. „Ég lét borðplötuna flæða út í
gluggann. Borðið er í l-formi en samt
alveg samskeytalaust og þar sem plat-
an endar, flæðir hún niður í gólfið.“
Vaskurinn á baðherberginu er gerð-
ur úr 95 prósent náttúrulegum kvart-
steini sem er vinsæll að sögn Stefáns.
Segja má að niðurfall vanti þar sem
vatnið hverfur inn í steininn og þaðan
í niðurfallið. Hönnun blöndunartækj-
anna er líka sérstök því vatnið flæð-
ir niður glerplötu og myndar falleg-
an foss og er gólfið flísalagt með einni
flís.
Heimilið ber iðju húsbóndans skýr
merki, en hann rekur steinsmiðj-
una Reik. „Við sérhæfum okkur í
borðplötum, sólbekkjum, flísum og
utanhússklæðningum úr innfluttum
náttúrusteini, aðallega graníti en einn-
ig öðrum steini. Við gerum líka leg-
steina. Allt er tölvustýrt hjá okkur og
allar máltökur eru í stafrænu formi.
Við erum með nýjustu tæknina í þessu
öllu saman.“ - kka
Óvenjulegt steinskraut
Steinlistaverkið setur óneitanlega svip sinn á stofuna.
Stefán Örn Magnússon framkvæmdarstjóri Reik er hönnuður steinverksins. FRÉTTABLAÐIÐ/ARNÞÓR
Borðplatan í eldhúsinu er samskeytalaus.