Fréttablaðið - 21.05.2008, Blaðsíða 40
21. MAÍ 2008 MIÐVIKUDAGUR
Kraftvélar hafa ráðið til sín
sérfræðing á sviði vélbúnaðar
frá Topcon og búast forsvars-
menn fyrirtækisins við því að
allar gröfur verði komnar með
GPS-búnað innan nokkurra
ára.
Fyrirtækið Kraftvélar fékk ný-
lega til liðs við sig sérfræðing frá
Topcon, Michiel Jochims, sem býr
yfir mikilli reynslu af búnaði frá
Topcon.
„Við vildum styrkja þjónustu
okkar og þekkingu en Michiel
Jochims hefur unnið síðastliðin
tíu ár fyrir Topcon í Evrópu og þá
einna helst við vélstýringar, GPS
og vöruþróun. Hjá okkur mun
Jochims sinna bæði þjónustu og
sölumálum fyrir Topcon, en Kraft-
vélar búa einnig yfir stórri sölu-
og þjónustudeild sem sinnir þess-
um málum,“ segir Ólafur Baldurs-
son, framkvæmdastjóri sölusviðs
Kraftvéla.
Kraftvélar ehf. byrjaði að selja
Topcon-búnað í janúar 2007 en þá
tók fyrirtækið formlega við um-
boðinu. „Topcon hefur verið lengi
á íslenskum markaði og þekkja
okkar viðskiptavinir vel til þess-
arar vöru og þá einna helst í laser-
tækjum og vélstýribúnaði,“ segir
Ólafur og bætir við að Topcon
bjóði upp á allar þær lausnir sem
verkfræðistofur, mælingarmenn,
verktakar og landmælingafyrir-
tæki óski eftir og sé leiðandi aðili
í Evrópu með mælingarbúnað.
Búnaðurinn skiptist niður í fjóra
flokka, það er vélstýringar, laser-
tæki, GPS-búnað og talstöðvar.
„Vélstýringar og GPS eru orðin
mest vaxandi þáttur í starfsemi
Topcon á Íslandi enda er það þjón-
ustan sem okkar viðskiptavinir
leita að. Við erum einnig með sér-
hæft verkstæði vegna viðgerða
og þjónustu við búnaðinn,“ segir
Ólafur.
Fyrir rétt um ári hófu Komatsu
og Topcon samstarf á kynning-
um á vélstýribúnaði fyrir gröfur,
jarðýtur og veghefla. Ólafur segir
flest benda til þess að innan nokk-
urra ára verði allar gröfur komn-
ar með GPS-vélstýribúnað.
„Topcon hefur farið þá leið að
bjóða Topcon 2DXI tvívíddarkerfi
sem hægt er að uppfæra í 3DXI
þrívíddarkerfi án þess að þurfa að
skipta út neinum búnaði sem fyrir
var. Með þessu geta viðskiptavinir
okkar farið hálfa leið og byrjað á
dýptarmælakerfi sem hægt er að
uppfæra á einfaldan máta.“ - rat
Allar gröfur með GPS
Á þessari mynd má sjá hluta af þeim hópi manna sem sinnir þjónustu, sölu og
ásetningu Topcon-búnaðar. Frá hægri: Óskar vélfræðingur, Jón verkstjóri, Björn
vélfræðingur, Bjarni rafeindavirki, Markús þjónusturáðgjafi, Michiel Jochims Topcon-
sérfræðingur og Ólafur Baldursson, framkvæmdastjóri sölusviðs. FRÉTTABLAÐIÐ/VALLI
Árni Helgason ehf. á Akureyri er með þrjú Topcon GPS-kerfi en hérna sést Komatsu
PC350LC-8 vél sem er með slíkan búnað. MYND/KRAFTVÉLAR EHF.