Fréttablaðið - 21.05.2008, Blaðsíða 62
30 21. maí 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
LÁRÉTT
2. vera til, 6. belti, 8. meðal, 9.
prjónavarningur, 11. tveir eins, 12.
orðrómur, 14. fótmál, 16. pot, 17.
knæpa, 18. lík, 20. klaki, 21. óvættur.
LÓÐRÉTT
1. blöðru, 3. gangþófi, 4. ölvun, 5.
kraftur, 7. lúberja, 10. stykki, 13. rölt,
15. aflast, 16. mælieining, 19. óður.
LAUSN
LÁRÉTT: 2. lifa, 6. ól, 8. lyf, 9. les, 11.
ll, 12. umtal, 14. skref, 16. ot, 17. krá,
18. hræ, 20. ís, 21. mara.
LÓÐRÉTT: 1. bólu, 3. il, 4. fyllerí, 5.
afl, 7. lemstra, 10. stk, 13. ark, 15.
fást, 16. ohm, 19. ær.
Íslenska sendinefndin á Euro-
vision er ekki fjölmenn í saman-
burði við flest önnur lönd. Sví-
arnir senda sem dæmi áttatíu
manns með sinni skvísu, en RÚV
bara eitthvað um fimmtán. Jónat-
an Garðarsson fer fyrir hópnum
af röggsemi og hefur lítið sofið
síðan hann kom út.
Ármann Skæringsson, kærasti
Friðriks Ómars, er að sjálfsögðu
með í för. Hann nemur mann-
fræði og kynjafræði, er flug-
þjónn á sumrin og er jafnvel að
spá í að skrifa lokaritgerð sem
leitast við að svara hinni áleitnu
spurningu: Af hverju fíla homm-
ar Eurovision svona vel? Hann
skilur ekkert í því sjálfur af
hverju miðaldra hommar eru
mikill meirihluti þeirra sem
fylgjast með keppninni af
áfergju.
„Það er reyndar hálfgert leyndó
hérna úti að ég sé kærasti Frið-
riks,“ segir hann og hlær. „Það er
nefnilega miklu sterkara út á við
að segja að hann sé á lausu. Ég
held mig til hlés.“ - glh
Kærasti Friðriks í felum í Belgrad
LEYNIKÆRASTINN OG MYNDBANDSSTJARNAN Flugþjónarnir Ármann Skæringsson og
Draupnir Rúnar Rúnarsson voru ferskir í Belgrad. FRÉTTABLAÐIÐ/GVA
„Ég er með „donut“ þessa stundina en á eftir að
láta reyna á það hvort ég lít út eins og fáviti með
mottu. Ég er náttúrlega sköllóttur og hvað er
verra en að vera sköllóttur með þykka mottu?“
segir Magni Ásgeirsson sem mun bregða sér í
gervi Freddie Mercury á Queen-tónleikum
ásamt kór Fjölbrautaskóla Suðurlands í kvöld.
„Ég ætla að prófa að vera með mottu á
generalprufunni, en ef ég kem þannig fram á
tónleikunum er ég hræddur um að mamma
afneiti mér. Ég hugsa líka að það myndi gera út
um kynlíf mitt til frambúðar, allavega eins og ég
vil hafa það,“ segir Magni hlæjandi.
En hvernig kom til að Magni var fenginn í
verkefnið? „Ég var spurður af vini mínum sem
er í hljómsveitinni sem spilar undir og sagði
bara ekkert mál. Þá áttaði ég mig ekki á því hvað
mörg af lögunum eru í hárri tóntegund. Það
þýddi auðvitað ekkert að biðja um að láta lækka
þau því kórinn var búinn að æfa þetta svo ég
þurfti bara að hætta þessu helvítis væli og
öskra,“ segir Magni.
„Þetta er fyrst og fremst verkefni hjá kór FSU
og það verður öllu tjaldað til í íþróttahúsinu,
bæði í ljósabúnaði og hljóðkerfi. Það er ekki
hægt að hafa það undirlagt til lengdar svo það
verða bara einir stórtónleikar, eins konar Queen
tribute,“ segir Magni og útskýrir að krakkarnir
fái allir einingar fyrir verkefnið.
„Það er nú alveg spurning hvort ég fæ þetta
ekki metið því mér lá svo á að verða frægur og
flytja til Reykjavíkur að ég kláraði ekki
stúdentinn. Spurning hvort ég fari ekki bara til
skólastjórans fyrir sjóvið og segist ekki taka
þátt í þessu nema ég fái uppáskrifaðar einingar
fyrir,“ segir Magni og hlær.
- ag
Magni prófar mottuna
MAGNI VERÐUR Í HLUTVERKI FREDDIE MERCURY Öll
bestu lög Queen verða flutt í íþróttahúsinu Iðu á Sel-
fossi í kvöld. FRÉTTABLAÐIÐ/ARNÞÓR
Menningarhátíð Grand Rokk er
nú í fullum undirbúningi en hún
hefst hinn 5. júní næstkomandi.
Björgúlfur Egilsson heldur utan
um hátíðina sem fer sístækkandi.
Málverka- og bókauppboð hafa
þar unnið sér fastan sess meðal
annarra viðburða. Nú munu stíga
á svið bæði karla- og kvennakórar
Grand Rokk en heyrst hefur að
Arnar nokkur Hjálmtýsson
komi til með að stjórna
karlakórnum. Miklar vænt-
ingar eru bundnar við
Arnar enda er hann úr
söngelskri fjölskyldu;
hann er bróðir
þeirra Sigrúnar
og Páls Óskars
Hjálmtýsbarna.
Einn stærsti viðburður hátíðarinnar
fyrrnefndu er leiksýning sem sett
er upp á efri hæð Grand Rokk.
Sýningin í ár er byggð
á leikverki Benónýs
Ægissonar þar sem
farið er ofan í saum-
ana á sambandi Jóns
Sigurðssonar forseta
og Ingibjargar, frænku
hans. Verkið er úr kistu
Benónýs og mun hafa
verið samið á námsár-
um hans í Danaveldi.
Væntanlega verður allt á suðu-
punkti innan raða Merzedes
Club í kvöld þegar úrslitaleikur
Meistaradeildarinnar fer fram
á milli Manchester United og
Chelsea. Egill „Gillzenegger“
Einarsson er rótharður United-
aðdáandi á meðan félagi
hans Garðar „Gazman“
Ómarsson styður
Chelsea. Vöðva-
búntin tvö munu
vafalítið eiga
erfitt með að
hafa hemil á
sér í öllum
spenningn-
um og
þarf lík-
lega lítið
til svo að
upp úr
sjóði.
FRÉTTIR AF FÓLKI
LÖGIN VIÐ VINNUNA
„Ég hlusta nú ekki alltaf á tón-
list í vinnunni, en þegar ég geri
það finn ég eitthvað sniðugt á
iPhone-símanum mínum. Und-
anfarið hef ég aðallega verið
að hlusta á nýju REM-plötuna,
Accelerate. Annars er það allt
frá djassi og upp í þungarokk.“
Torfi Þór Gunnarsson tölvunarfræðingur.
„Mér gengur alltaf betur og betur
með íslenskuna. Ég skil hana betur
en tala en finnst þetta allt vera að
koma,“ segir Aron Pálmi Ágústs-
son en hann svarar nú símtölum á
íslensku. Tæpt ár er liðið síðan að
hann kom heim til Íslands eftir
skelfilega fangavist í Texas og
honum hefur að eigin sögn gengið
vel að aðlagast breyttum aðstæð-
um og komast í takt við íslenskt
samfélag. „Ég hef verið á íslensku-
námskeiðum og það hefur svo
sannarlega hjálpað til. Auðvitað
tekur alltaf tíma að koma sér fyrir
og ná áttum en mér líður vel,“
segir Aron sem vinnur þessa dag-
ana hjá Svæðisskrifstofu málefna
fatlaðra á Reykjanesi og unir sér
vel í því starfi.
En Aron hefur síður en svo
gleymt fortíð sinni þrátt fyrir að
vera búinn að hefja nýtt líf á
Íslandi. Hann lét nýlega húðflúra
fangelsisglugga auk fanganúm-
ersins síns á upphandlegg sinn.
Húðflúrið er bæði stórt og mynd-
arlegt og ætti ekki að fara fram-
hjá neinum þegar Aron brettir upp
ermarnar. „Ég fékk mér þetta á
húðflúrstofu hérna í Reykjavík,“
segir Aron. Hann er auk þess
önnum kafinn við að skrifa bók
um Texas Youth Commision og
hafa fjölmargir alþjóðlegir útgef-
endur sýnt skrifum hans áhuga.
„Við vonumst til að geta gefið
þessa bók út á erlendum vett-
vangi. Fyrirtæki í London, Dan-
mörku og Svíþjóð hafa verið í sam-
bandi og vonandi skýrast þessi
mál á næstunni.“
En það eru ekki bara bókarskrif
sem eiga hug Arons allan því hann
hefur verið að fikra sig áfram á
tónlistarsviðinu. Hann grípur
aftur á móti ekki sjálfur í hljóð-
færi eða míkrófón því hann kann
best við sig utan sviðsljóssins í
starfi umboðsmanns. Aron er
þannig með bandarísku hipphopp-
sveitina 409FK á sínum snærum
og hefur þegar komið þeim á
samning hjá útgáfufyrirtæki í
Bandaríkjunum. „Auk þess hef ég
verið að kynna mér íslenskar
hipphopp-hljómsveitir og vonast
til að geta verið þeim innan hand-
ar. Tónlistin gefur mér mikið enda
alþjóðlegt tungumál.“
freyrgigja@frettabladid.is
ARON PÁLMI: GERIST UMBOÐSMAÐUR RAPPHLJÓMSVEITA
Með fanganúmerið og
rimlana á upphandleggnum
MYNDARLEGT HÚÐFLÚR Aron Pálmi fékk sér fangelsisglugga á upphandlegg, nafn sitt
og fanganúmer til minningar um skelfilega vist í Texas. FRÉTTABLAÐIÐ/VALGARÐUR
Auglýsingasími
– Mest lesið