Fréttablaðið - 09.06.2008, Page 48

24 9. júní 2008 MÁNUDAGUR
sport@frettabladid.is
> Helga og Sveinn Norðurlandameistarar
Helga Margrét Þorsteinsdóttir Breiðabliki og Sveinn Elías
Elíasson Fjölni urðu í gær Norðurlandameistar í sínum
aldursflokki í fjölþraut á NM í Finnlandi. Helga Margrét
sigraði í sjöþraut í flokki 17 ára og yngri á nýju stúlknameti
en hún hlaut 5267 stig og hafði þar þó nokkra yfirburði.
Sveinn Elías sigraði í tugþraut í flokki 18-19 ára og var
með samtals með 7086 stig. Einar
Daði Lárusson ÍR varð í 5. sæti en
hann hlaut samtals 6658 stig.
Þremenningarnir unnu öll
til silfurverðlauna í sínum
aldursflokki á Norðurlanda-
mótinu í fyrra þannig að þetta er
sannarlega frábær árangur.
Guðmundur Guðmundsson, þjálfari íslenska landsliðsins,
gat ekki leynt vonbrigðum í leikslok í gær eftir 34-26
tap Íslands gegn Makedóníu í gær.
„Íslensku leikmennirnir mættu ekki í leikinn af
nægilegri grimmd og Guðjón Valur Sigurðsson var í
raun eini leikmaðurinn í fyrri hálfleik sem var að leika af
eðlilegri getu,“ sagði Guðmundur sem vildi ekki skýla sér á
bak við ferðaþreytu leikmannanna.
„Það er alltaf hægt að segja að
menn hafi verið orðnir
þreyttir eftir að hafa verið
á ferðalagi í langan tíma en
ég tel að við hefðum samt
átt að gera betur í leiknum,“
sagði Guðmundur sem kvaðst ekki
óttast að íslensku leikmennirnir hefðu gert sig
seka um vanmat.
„Við vorum búnir að fara vel yfir það í
undirbúningi okkar fyrir leikinn að þetta yrði
gríðarlega erfitt verkefni fyrir okkur þannig að ég er viss um að
íslensku leikmennirnir hafi ekki verið með neitt vanmat í garð
Makedóníumanna. Mér fannst hins vegar sérstaklega slæmt hvað
við vorum að fara illa með mörg dauðafæri og hvað við létum
markmann þeirra verja mikið frá okkur. Staðreyndin er því sú að
við töpuðum með átta mark mun og hefðum í raun getað tapað
mun verr þar sem það voru allt of margir leikmenn í íslenska liðinu
að spila langt undir getu. Við eigum því erfitt og ögrandi
verkefni framundan,“ sagði Guðmundur sem er vitanlega
ekki tilbúinn að leggja árar í bát.
„Við þurfum að skoða okkur sjálfa og fara yfir það
sem fór úrskeiðis í leiknum og láta svo verkin tala í
Laugardalshöll,“ sagði Guðmundur sem kvað stuðn-
ing áhorfenda geta skipt sköpum í seinni leiknum.
„Stuðningur áhorfenda er okkur gríðarlega
mikilvægur í svona leik og við þurfum að fá góða
stemningu og fulla Laugardalshöll,“ sagði Guðmund-
ur að lokum.
GUÐMUNDUR GUÐMUNDSSON LANDSLIÐSÞJÁLFARI: VAR ÓSÁTTUR VIÐ LEIK ÍSLENSKA LIÐSINS Í GÆR
Þurfum að láta verkin tala í seinni leiknum
KÖRFUBOLTI Jón Arnór Stefánsson skoraði átta stig í 72-80
tapi Lottomatica Roma fyrir Montepaschi Siena í þriðja
úrslitaleik liðanna um ítalska meistaratitilinn. Lottomatica
þarf nú að vinna fjóra leiki í röð til þess að vinna titilinn.
Jón Arnór var í byrjunarliðinu og gaf tóninn í byrjun.
Strax eftir mínútu náði hann varnarfrákasti af harðfylgi
og keyrði upp í hraðaupphlaup, klikkaði reyndar á skot-
inu en Slóveninn Erazem Lorbek náði sóknarfrákast-
inu, skoraði og fékk villu að auki.
Hlutirnir féllu líka með Lottomatica í lok fyrsta
leikhluta, þeir fengu boltann eftir að dómari leiksins
breytti dómi sínum eftir að hafa skoðað sjónvarps-
upptöku og í kjölfarið settu þeir niður tvo þrista
og voru komnir 26-10 yfir eftir 1. leikhluta.
Lottomatica náði mest 20 stiga forskoti í
upphafi annars leikhluta og hlutirnir litu vel
út. Jón Arnór var á bekknum þar til að
tæpar sex mínútur voru eftir af
fyrri hálfleik en þjálfarinn var
búinn að nota mjög marga menn.
Leikmenn Montepaschi Siena
voru ekkert á því að gefast upp og
komu muninum niður í 9 stig. Jón
Arnór hafði verið tekinn út af aftur
en var settur strax inn á eftir þetta áhlaup
gestanna og munurinn var aftur kominn
í 12 stig í hálfleik, 38-26.
Jón Arnór byrjaði ekki inn á í seinni
hálfleik og Siena byrjaði leikinn strax á
því að setja niður tvo þrista og koma munin-
um niður í sex stig, 38-32, og voru síðan komnir yfir, 40-41.
Jón Arnór kom einbeittur inn á, átti flotta stoðsendingu í
þriggja stiga skot sem kom Lottomatica aftur yfir og fisk-
aði síðan ruðning á frábæran hátt.
Jón Arnór setti síðan niður þriggja stiga körfu í hraða-
upphlaupi í lok þriðja leikhluta. Karfan kom Lottomatica
aftur yfir, 46-45, fyrir lokaleikhlutann.
Sóknarleikur Lottomatica varð að einu stóru hnoði og
það var ekki nóg að Jón Arnór væri bara að láta boltann
ganga. Klaufalegar sendingar og alltof erfið skot kostuðu
það að liðið missti leikinn algjörlega frá sér. Siena-menn
gengu á lagið og settu niður hvert þriggja stiga skotið á
fætur öðru og allt í einu var staðan orðin 47-56 fyrir gest-
ina í Siena.
Jón Arnór fékk smá hvíld en var síðan fljótur að stela
boltanum og skora úr hraðaupplaupi eftir að hann kom inn
á aftur. Með því minnkaði hann muninn í 49-57 og Jón
Arnór var ekkert á því að gefast upp. Hann skoraði lagleg-
an þrist til að minnka muninn í 54-63. Nær komust þeir
samt ekki og ítölsku meistararnir eru komnir í frábær
mál, vantar aðeins einn sigur til þess að verja titilinn.
Jón Arnór gerði vissulega sitt, hann var með 8 stig, 3
fráköst og 2 stolna á bolta á 24 mínútum auk þess að spila
grimma vörn og taka að sér leiðtogahlutverk á vellinum.
„Þetta var allt í lagi hjá mér í dag. Ég hef ekki verið að
hitta neitt en hef samt verið mjög einbeittur í leikjunum.
Ég verð nú eiginlega að viðurkenna það að ég hef verið í
smá sálfræðikrísu og kannski of mikið að hugsa um þessi
skot. Þetta hefur aðeins eyðilagt fyrir mér því ég hef ekki
verið með nógu mikið sjálfstraust sóknarlega,“ sagði Jón
Arnór sem hitti úr 3 af 6 skotum. „Mér leið betur í kvöld og
setti niður tvo þrista. Ég er einbeittur og í þokkalega góðu
formi og þetta er allt að koma í sókninni,“ sagði Jón Arnór
að lokum. - óój
Lottomatica Roma er komið í slæma stöðu í baráttunni um ítalska meistaratitilinn eftir 72-80 tap gegn Montepaschi Siena í gær:
Draumabyrjun Roma breyttist í algjöra martröð
MIKILVÆGUR Jón Arnór Stefánsson fór fyrir sínum mönnum
og spilaði grimman varnarleik auk þess sem hann skoraði 8
stig, tók 3 fráköst og stal 2 boltum á þeim 24 mínútum sem
hann spilaði í gær. GRAZIANERI
FORMÚLA 1 Robert Kubica hjá
BMW Sauber vann sinn fyrsta
sigur í Formúlu 1 í Grand Prix
Kanada í gær.
Lewis Hamilton var kominn
með örugga forystu en gerði
dýrkeypt mistök þegar hann
keyrði aftan á Ferrari-bíl Kimis
Räikkönen á meðan Finninn beið
á rauðu ljósi við að komast út af
viðgerðarsvæðinu. - óþ
F1 Grand Prix í Kanada:
Dýrkeypt mis-
tök Hamiltons
FÓTBOLTI Lukas Podolski, sem
fæddist í Póllandi en er þýskur
ríkisborgari, skoraði bæði mörk
Þýskalands í 2-0 sigri gegn
Póllandi í gær.
Þjóðverjar voru vel að sigri
sínum komnir og sýndu hvers
þeir eru megnugir í leiknum.
Podolski skoraði fyrra mark sitt
af stuttu færi á 20. mínútu eftir
góðan undirbúning Miroslavs
Klose. Seinna markið kom svo
átján mínútum fyrir leikslok og
gulltryggði sigurinn. - óþ
Fyrstu umferð B-riðils lokið:
Podolski kláraði
Pólverjana
FÖGNUÐUR Þýska liðið fagnar fyrra
marki Lukasar Podolski í gær.
NORDIC PHOTOS/GETTY MAKEDÓNÍA-ÍSLAND
34-26 (18-13)
Mörk Íslands:
Guðjón Valur Sigurðsson 9, Ólafur
Stefánsson 6, Snorri Steinn Guðjóns-
son 3, Vignir Svavarsson 3, Róbert
Gunnarsson 1, Ásgeir Örn Hallgríms-
son 1, Sigfús Sigurðsson 1, Arnór
Atlason 1, Alexander Petterson 1.
HANDBOLTI Ísland tapaði 34-26 gegn
Makedóníu í fyrri leik liðanna í
undankeppni HM sem fram fer í
Króatíu, en leikið var í Skopje í
gær.
Íslendingar héldu í við Make-
dóníumenn framan af leik í gær
og litu alls ekki illa út. Allt tal fyrir
leikinn um að Makedóníumenn
myndu keyra hratt á íslenska liðið
var til lítils þar sem það voru
Íslendingar með Guðjón Val Sig-
urðsson fremstan í flokki sem
skoruðu úr hraðaupphlaupum.
Staðan var jöfn 8-8 þegar fyrri
hálfleikur var tæplega hálfnaður
og þá hafði Guðjón Valur skorað
sex af mörkum Íslands, en þá kom
slæmur kafli og Makedóníumenn
byggðu upp forskot með þremur
mörkum í röð. Forskot sem þeir
létu ekki af hendi eftir það.
Staðan var orðin 18-13 í hálfleik
og þá áhyggjuefni fyrir Ísland í
fyrsta lagi hversu lítið liðið skor-
aði utan af velli og í öðru lagi
hversu slakan varnarleik liðið lék
og markvarslan í kjölfarið af því
ekki góð.
Guðmundur Guðmundsson,
landsliðsþjálfari, leitaði logandi
ljósi að réttu blöndunni í varnar-
leik Íslands og prófaði ýmis fyrir-
brigði af varnarleik ásamt því að
prófa mismunandi blöndu af leik-
mönnum en ekkert virtist ganga
upp.
Í síðari hálfleik héldu Makedón-
íumenn sínu striki og bættu í ef
eitthvað var á meðan íslenska liðið
náði sér engan veginn á strik.
Markvörður Makedóníu gerði
okkar mönnum heldur ekki neinn
greiða og varði trekk í trekk frá
íslensku leikmönnunum úr gal-
opnum færum. Það má þó ekki
taka það af Birki Ívari Guðmunds-
syni að hann átti ágæta spretti í
síðari hálfleik en það var bara
ekki nóg því allt of margir leik-
menn íslenska liðsins virkuðu
þungir og ekki tilbúnir í verk-
efnið.
Lokatölur í Skopje urðu 34-26 og
ekki laust við að þau úrslit séu
gríðarleg vonbrigði fyrir íslenska
liðið, sem er nú væntanlega komið
með báða fætur fast við jörðina
eftir frábæran árangur í undan-
keppni Ólympíuleikanna í Póllandi
á dögunum. Það verður erfitt verk-
efni að vinna upp átta marka mun
í seinni leiknum og ljóst að áhorf-
endur gætu lagt hönd á plóginn
með því að fjölmenna í Laugar-
dalshöll sunnudaginn 15. júní og
styðja við bakið á íslenska liðinu.
omar@frettabladid.is
Ísland fékk stóran skell í Skopje
Íslenska landsliðið í handbolta náði sér aldrei almennilega á strik í fyrri leik sínum gegn Makedóníu í und-
an keppni HM í handbolta sem fram fór í Skopje í Makedóníu í gær. Lokatölur urðu 34-26 og ljóst að liðinu
bíður erfitt, ekki ómögulegt, verkefni í seinni leiknum sem fram fer í Laugardalshöll 15. júní næstkomandi.
FASTIR FYRIR Makedóníumenn mættu
einbeittir til leiks í Skopje í gær og réðu
ferðinni gegn Íslandi.
VANMAT? Íslenska liðið átti ekki góðan dag gegn Makedóníu í Skopje í gærkvöld og
náði sér aldrei á strik. Lokatölur urðu 34-26 og ljóst að Ísland á verðugt verkefni fyrir
höndum í seinni leiknum í Laugardalshöll. MYND/ALEKSANDAR DJOROVIC