Fréttablaðið - 12.06.2008, Blaðsíða 2

2 12. júní 2008 FIMMTUDAGUR
Elín, þarf að sýna kráareig-
endum hvar Davíð keypti ölið?
„Já, hjá Kormáki vini mínum - um
miðjan dag.“
Skemmtistöðunum Ölstofu Kormáks og
Skjaldar og Vegamótum hefur verið gert
að loka fyrr um helgar. Elín Gunnlaugs-
dóttir, íbúi við Grettisgötu, er langþreytt á
næturgöltri kráargesta.
Er mataræðið
óreglulegt?
LGG+ er fyrirbyggjandi vörn!
Skyndibitafæði, sætindi, óreglulegar
máltíðir – allt þetta dregur úr innri
styrk, veldur þróttleysi, kemur
meltingunni úr lagi og stuðlar að
vanlíðan. Regluleg neysla LGG+
vinnur gegn þessum áhrifum og
flýtir fyrir því að jafnvægi náist
á ný. Dagleg neysla þess
tryggir fulla virkni.
H
V
Í T
A
H
Ú
S
IÐ
/
S
ÍA
VINNUMARKAÐSMÁL Grétar
Þorsteinsson, forseti Alþýðusam-
bands Íslands, tilkynnti á mið-
stjórnarfundi í
gær að hann
hygðist ekki
gefa kost á sér
til endurkjörs á
ársfundi ASÍ
sem haldinn
verður í lok
október.
Grétar var
fyrst kjörinn
forseti ASÍ árið
1996. Ingibjörg R. Guðmundsdótt-
ir, varaforseti ASÍ segist ekki hafa
tekið ákvörðun um hvort hún
sækist eftir stöðunni. Hún hefur
verið varaforseti frá árinu 1992,
fyrir utan árin 2000 til 2003.
„Vonandi eru áhugasamir fram-
bjóðendur í 110 þúsund manna
hreyfingu,“ segir Gylfi Arnbjörns-
son, framkvæmdastjóri ASÍ. - ovd
Nýr forseti ASÍ í haust:
Grétar gefur
ekki kost á sér
GRÉTAR
ÞORSTEINSSON
LÖGREGLUMÁL Hollenski karlmað-
urinn sem reyndi að smygla vel á
annað hundrað kílóum af hassi til
landsins með Norrænu í gær er á
sjötugsaldri, samkvæmt upplýs-
ingum Fréttablaðsins. Hassinu
hafði verið komið fyrir í húsbíl
sem maðurinn flutti með ferjunni.
Það var vandlega falið út um allan
bíl. Yfirvöldum tolls og löggæslu
var ekki kunnugt um að fíkniefna-
farmurinn væri á leið til landsins.
Hann fannst við hefðbundið eftir-
lit Tollgæslunnar á Seyðisfirði.
Um var að ræða samstarfsverk-
efni hennar, Tollgæslunnar í
Reykjavík og lögreglunnar á Seyð-
isfirði sem naut aðstoðar lögregl-
unnar á Akureyri. Maðurinn var í
gær úrskurðaður í Héraðsdómi
Austurlands í gæsluvarðhald til 9.
júlí næstkomandi. Flugvél Land-
helgisgæslunnar flutti hann og
fíkniefnin til Reykjavíkur í gær.
Hún lenti um miðjan dag á Reykja-
víkurflugvelli. Hollendingurinn
beið þess í gær að verða yfirheyrð-
ur. Síðan liggur leið hans á Litla-
Hraun. Maðurinn hefur áður
komið hingað til lands. Hann mun
ekki hafa gerst brotlegur við lög
hér, en hefur áður komið við sögu
í fíkniefnamálum í öðrum Evrópu-
löndum.
Þetta er ekki í fyrsta skipti sem
eldra fólk er notað til að koma
fíkniefnum milli landa. Minna má
á Þjóðverjann Claus Froehe sem
játaði að hafa smyglað til landsins
sjö kílóum af hassi í sjö ferðum
fyrir nokkrum árum. Hann var á
sjötugsaldri. Þá reyndi hollensk
„amma“ að koma 760 grömmum af
kókaíni inn í landið. Hún var þá 64
ára og lést vera heyrnarskert.
Fíkniefnin faldi hún í sérsaumaðri
hárkollu, en það dugði ekki til.
Hún var að koma í sína þriðju
smyglferð hingað til lands þegar
hún var gripin í Leifsstöð.
Ljóst þykir að Hollendingurinn
sem nú á í hlut hefur ekki ætlað
þetta mikla magn til eigin neyslu.
Jafnframt að hann hefur ekki haft
í hyggju að koma efnunum á mark-
að hér upp á eigin spýtur. Rann-
sókn lögreglu beinist því meðal
annars að því að finna samverka-
menn mannsins hér á landi. Málið
var í gær sent til framhaldsrann-
sóknar hjá lögreglustjóraembætt-
inu á höfuðborgarsvæðinu. Fíkni-
efnadeildin annast rannsóknina.
jss@frettabladid.is
Eftirlaunaþegi með
fullan húsbíl af hassi
Hollenski hasssmyglarinn, sem reyndi að koma vel á annað hundrað kílóum
af hassi inn í landið í gær, er á sjötugsaldri. Hann hefur áður komið hingað til
lands. Hann hefur komið við sögu í fíkniefnamálum í öðrum Evrópulöndum.
DÓMSMÁL Þrír karlmenn af erlendu
bergi brotnir hafa verið ákærðir
fyrir þjófnað og tilraunir til þjófn-
aðar úr hraðbönkum í Reykjavík.
Rúmenskur karlmaður á þrí-
tugsaldri hefur verið ákærður
fyrir að stela 670 þúsund krónum
úr hraðbönkum á höfuðborgar-
svæðinu með greiðslukortum sem
höfðu á segulrönd upplýsingar
sem stolið hafði verið af greiðslu-
kortum annars fólks. Þetta gerði
maðurinn með 29 færslum.
Þá reyndi hann að stela ríflega
2,5 milljónum til viðbótar með
sama hætti. Það tókst þó ekki
vegna ráðstafana þeirra banka-
stofnana sem reka viðkomandi
hraðbanka.
Maðurinn var gripinn um miðj-
an síðasta mánuð, ásamt landa
sínum og rúmenskri konu. Hann
er í farbanni til 19. júní.
Annar rúmenskur karlmaður, í
félagi við þýskan ríkisborgara, er
einnig ákærður fyrir þjófnað úr
hraðbönkum og tilraunir til slíks
athæfis. Þeir voru við iðju sína
hér um páskana. Annar þeirra er
ákærður fyrir að hafa stolið 820
þúsund krónum úr hraðbönkum.
Hann reyndi jafnframt að ná út
160 þúsund krónum sem ekki
tókst.
Í sameiningu tókst svo mönnun-
um tveimur að ná út 970 þúsund
krónum með því að nota tuttugu
kort með stolnum upplýsingum.
Þeir reyndu að stela 965 þúsund
krónum til viðbótar sem ekki
tókst.
Þá sitja tveir karlmenn og ein
kona í farbanni að kröfu lögreglu-
stjórans á Suðurnesjum. Fólkið
var stöðvað við komuna til lands-
ins. Það reyndist hafa í fórum
sínum sextíu kort með stolnum
upplýsingum. jss@frettabladid.is
Þrír erlendir karlmenn ákærðir fyrir þjófnað úr hraðbönkum:
Ákært fyrir milljónasvik
HRAÐBANKAR Þjófnaðir og tilraunir til
þjófnaða úr hraðbönkum hafa verið
alltíðir hér á landi að undanförnu.
UMHVERFISMÁL Höfðafélagið, félag
stofnað um kaup á hluta af jörðinni
Höfða við Mývatn, hyggst bjóða í
eignina á uppboði sem haldið verð-
ur í dag. Ásgeir Böðvarsson, for-
maður félagsins, telur að kaup-
verðið verði tugir milljóna króna.
Uppboðið er haldið til slita á sam-
eign þriggja eigenda.
„Við höfum náð að safna það
miklu fé að við munum freista þess
að kaupa Höfða. Það eru ýmsar
sögur uppi um hvað verður boðið
þarna og erfitt að átta sig á hvað er
raunhæft í þeim efnum“, segir
Ásgeir. „Það er búist við að verðið
verði frekar tugir milljóna en millj-
ónir.“
Um er að ræða íbúðarhús og um
tvo hektara lands sem hjónin Héð-
inn Valdimarsson og Guðrún Páls-
dóttir áttu og ræktuðu upp. Jörðin
hefur verið útivistarsvæði Mývetn-
inga í áratugi og hugmynd Höfða-
félagsins er að kaupa jörðina sem
síðar verði eign Skútustaðahrepps
en ekki í einkaeigu. Málinu er þó
ekki lokið með uppboðinu í dag.
Ásgeir segir að einn eigenda hafi
þinglýst að eigendur Kálfastrand-
ar, næsta bæjar sem Höfði var upp-
haflega byggður úr, eigi forkaups-
rétt þó að Héraðsdómur
Reykjavíkur hafi komist að ann-
arri niðurstöðu í vetur sem leið.
Lögmaður gerði verðmat á Höfða
fyrir nokkrum árum sem hljómaði
upp á 70 til 100 milljónir króna. Í
dag er það talið ofmat að sögn
Ásgeirs. - shá
Höfðafélagið hyggst bjóða í Höfða við Mývatn á uppboði í dag:
Jörðin metin á tugi milljóna
VIÐ MÝVATN Myndin er tekin á Höfðan-
um í Mývatni þar sem náttúrufegurð er
einstök. FRÉTTABLAÐIÐ/GVA
ÞÝSKALAND, AP Eftir að hafa rætt
það sem efst er á baugi í heims-
stjórnmálunum, á borð við
kjarnorkuáætlun Írana, við
Angelu Merkel, kanslara Þýska-
lands, var það sem George W.
Bush Bandaríkjaforseta var efst í
huga í gær þýskur spergill.
„Kvöldverðurinn í gær var
dásamlegur,“ tjáði Bush frétta-
mönnum úti í sólinni við gestabú-
stað þýsku ríkisstjórnarinnar í
Meseberg norður af Berlín. „Og
við ykkur frá þýsku pressunni,
sem hélduð að ég kynni ekki að
meta spergil, segi ég: Þið hafið
rangt fyrir ykkur,“ sagði hann og
bætti við: „Þýskur spergill er
stórkostlegur.“ - aa
Bush í Þýskalandi:
Ljúffengur sperg-
ill efst í huga
ÁNÆGÐUR Bush forseti leyndi ekki
ánægju sinni með viðurgjörninginn sem
hann fékk sem gestur Merkel kanslara.
FRÉTTABLAÐIÐ/AP
VIÐSKIPTI „Okkur er sama hvaða
vegabréf menn hafa sem fjár-
festa í bankanum,“ segir Sigurður
Einarsson, stjórnarformaður
Kaupþings. Fjárfestingafélag
bræðranna Meni og Moises
Gertner keypti í gær tveggja
prósenta hlut í Kaupþingi fyrir
tæpa 13,9 milljarða íslenskra
króna í utanþingsviðskiptum, á
genginu 750 krónur á hlut. Gengi
bréfa í bankanum hækkaði um 0,8
prósent í gær.
Bræðurnir standa báðir nálægt
fimmtugu og hafa um árabil verið
viðskiptavinir Kaupþings í
Bretlandi. Auður þeirra var í
fyrra metinn á um 55 milljarða
króna, samkvæmt breska blaðinu
Sunday Times. Með kaupunum
verða bræðurnir meðal tíu
stærstu hluthafa Kaupþings. - jab
Bræður kaupa í Kaupþingi:
Telja bankana
lágt verðlagða
Á REYKJAVÍKURFLUGVELLI Hollendingurinn var fluttur frá Seyðisfirði til Reykjavíkur
um miðjan dag í gær. Hann var úrskurðaður í gæsluvarðhald til 9. júlí.
MYND/SÍMON BIRGISSON
Á VETTVANGI Lögreglan sótti manninn í
flugskýli Landhelgisgæslunnar á Reykja-
víkurflugvelli.
UMHVERFISMÁL Ísbjörninn sem
felldur var í síðustu viku var
fleginn og rannsakaður í Loð-
skinni á Sauðárkróki í gær. Til
stendur að stoppa björninn upp
og varðveita á Náttúrufræðistofu
Norðvesturlands á Sauðárkróki.
Degi áður en dýrið var fellt sá
Karen Sól Káradóttir, níu ára
einhverf stúlka það. „Hún spurði:
mamma, er þetta ísbjörn?“ segir
Eva Hrund Pétursdóttir móðir
Karenar Sólar. Hún segist ekki
hafa snúið sér við til að sjá hvað
barnið var að benda og ekkert
hugsað meira út í þetta fyrr en
hún heyrði fréttirnar daginn eftir.
- ovd
Verður stoppaður upp:
Ísbjörninn
rannsakaður
Slys í slippnum
Karlmaður brenndist í andliti í vinnu-
slysi í Daníelsslipp við Reykjavíkur-
höfn um klukkan sex í gær. Neisti
komst í olíugufur í skipi sem unnið
var við með þeim afleiðingum að
sprenging varð. Maðurinn var fluttur á
slysadeild til aðhlynningar en meiðsl
hans eru ekki talin alvarleg.
Á tvöföldum hámarkshraða
Lögreglan á Vestfjörðum tók öku-
mann á 100 kílómetra hraða innan-
bæjar í Bolungarvík í gærmorgun. Þar
er 50 kílómetra hámarkshraði.
LÖGREGLUFRÉTTIR
SPURNING DAGSINS