Fréttablaðið - 12.06.2008, Blaðsíða 8
8 12. júní 2008 FIMMTUDAGUR
1 Hver vann níu milljónir
króna í Víkingalottóinu 21.
maí?
2 Hvað heitir nýjasta breið-
skífa Bubba Morthens?
3 Hvað heitir svæðið þar sem
Íslendingar hyggjast leita að
olíu?
SJÁ SVÖR Á SÍÐU 58
LÖGREGLUMÁL Bókasafn Böðvars
heitins Kvaran, sem hundruðum
fágætra bóka og korta hefur verið
stolið úr, var ótryggt, að sögn
Hjörleifs Kvaran. Hann segir
vonir til að endurheimta bækurn-
ar fara dvínandi eftir því sem tím-
inn líður.
Eins og Fréttablaðið hefur greint
frá var það í lok síðasta sumars
sem þjófnaður á bókum úr safninu
var kærður til lögreglu. Aðstand-
endur Böðvars lögðu kæruna fram.
Rannsóknin reyndist umfangsmik-
il, flókin og tímafrek. Skrá var
gerð yfir hina stolnu muni, skýrsl-
ur teknar af fjölmörgum einstakl-
ingum og húsleit gerð. Samkvæmt
skránni hafði verið stolið 290
fágætum bókum og Íslandskortum
úr safninu á síðari hluta ársins
2006 og fyrri hluta síðasta árs.
Nú hefur komið í ljós að fleiri
bókum hefur verið stolið úr safn-
inu en talið var þegar málið var
kært til lögreglu. Um er að ræða
ljóðabækur, leikrit, bækur um
sögu lands og þjóðar og fleira. Listi
yfir þær bækur sem saknað er úr
þessum flokkum hefur einnig
verið afhentur lögreglu. Rannsókn
hennar var á lokastigi þegar hann
barst.
Meðal ritanna úr safninu sem
lögregla hefur leitað og leitar enn
eru afar fágæt og geysiverðmæt
verk. Fagfólk í bókmenntum sem
Fréttablaðið hefur rætt við vegna
málsins telur fullvíst að hægt væri
að selja fágætustu ritin á allt að
tvær milljónir króna stykkið. Má
þar nefna gripi eins og Ólafs sögu
Tryggvasonar, sem prentuð var í
Skálholti árið 1689, rit eftir Nicolo
og Antonio Zeno sem prentað var í
Feneyjum 1558 og Olaus Magnus,
sem prentuð voru í Róm 1555.
Ljóst er að verðmæti þýfisins
hleypur á tugum milljóna.
Að sögn Hjörleifs skiluðu nokk-
ur kort sér eftir að lögregla hóf
rannsókn málsins, en ekki þau
verðmætustu.
„Það er mjög leiðinlegt að svona
skyldi fara,“ segir Hjörleifur.
„Þetta var stórt og mikið og heill-
egt safn. Sumt af þessu eru þjóð-
argersemar sem maður hefði vilj-
að sjá varðveitast einhvers staðar
með góðum hætti.“ jss@frettabladid.is
Fleiri bókum var stolið úr bókasafni Böðvars heitins Kvarans en talið var í upphafi:
Stolnar þjóðargersemar voru ótryggðar
BÓKASAFN Hundruðum bóka hefur
verið stolið úr dánarbúi Böðvars Kvaran.
DÓMSMÁL Reynir Traustason,
ritstjóri DV, hefur verið dæmdur
til að greiða hálfa milljón króna í
sekt til ríkis-
sjóðs fyrir brot
á áfengislögum.
Brotin fólust í
birtingu
áfengisauglýs-
inga í Mannlífi,
sem Reynir
ritstýrði þá, svo
og í glæpa-
sagnasafninu
Gaddakylfunni.
Í Mannlífi var um auglýsingar í
formi kynninga að ræða, þar sem
umfjöllun um vínin var skeytt inn
í auglýsingarnar. Reynir býst við
að dómnum verði áfrýjað.
Sérstaklega sé hann ósáttur við
dóminn vegna Gaddakylfunnar,
enda sé hann ekki skráður
ábyrgðarmaður þess rits. - sh
Áfengisauglýsingar í Mannlífi:
Reynir braut
áfengislögin
REYNIR
TRAUSTASON
SPÁNN, AP Lögregla á Spáni
fjarlægði mótmælendur á
landamærunum við Frakkland í
gær, á þriðja degi mótmæla
vörubílstjóra þar í landi gegn
hækkunum á eldsneytisverði.
Fjórir vörubílar eyðilögðust í
eldi í gærmorgun. Bílstjóri sem
svaf í einum bílanna brenndist
alvarlega. Þá hafa tveir mótmæl-
endur látið lífið í aðgerðunum.
Spænska ríkisstjórnin hefur
samþykkt að lækka skatta og beita
öðrum aðgerðum fyrir bílstjóra, en
mótmælendur telja aðgerðirnar
ekki nægar. - þeb
Mótmæli á Spáni og Portúgal:
Lögregla leysti
upp mótmælin
SERBÍA, AP Einn þeirra fjögurra
manna, sem stríðsglæpadómstóll-
inn í Haag hefur lagt mesta
áherslu á að verði framseldir frá
Serbíu, var handtekinn í gær.
Stojan Zupljanin er Bosníu-
Serbi og var lögreglustjóri í
stríðinu árin 1992 til 1995. Hann
stjórnaði fangabúðum Serba í
norðanverðri Bosníu. Árið 1999
var hann ákærður fyrir þjóðar-
morð en þeim kærum var síðar
breytt í stríðsglæpi og glæpi gegn
mannkyni. - þeb
Meintur stríðsglæpamaður:
Eftirlýstur Serbi
handtekinn
BAUGSMÁL Útgáfu bókar tveggja
breskra rithöfunda um Jón Ásgeir
Jóhannesson, stjórnarformann
Baugs Group,
var frestað þar
til dómur féll í
Baugsmálinu í
Hæstarétti.
Þetta staðfestir
Jonathan
Edwards, annar
höfundanna.
Hann segir að
nú sé verið að
leggja lokahönd
á verkið
varðandi
dóminn, og
bókin væntanleg eftir „nokkrar
vikur eða mánuði“.
Upphaflega átti bókin að koma
úr 31. október 2007. Þá átti hún að
heita „Kynlíf, lygar og stórmark-
aðir“. Nafni hennar hefur verið
breytt, og mun hún heita „Ísmað-
urinn kemur“. - bj
Bókin um Baug væntanleg:
Biðu dóms
Hæstaréttar
ÍSMAÐUR Nafni
bókarinnar hefur
verið breytt.
FJARÐABYGGÐ „Þetta var góður og
árangursríkur dagur,“ segir Helga
Jónsdóttir, bæjarstýra Fjarða-
byggðar um þankaþing sem bæj-
arfélagið hélt á þriðjudaginn ásamt
Fjarðaáli og Síldarvinnslunni í
Neskaupstað í samvinnu við
Nýsköpunarmiðstöð Íslands.
Helga segir að jöfnum fjölda
heimamanna og aðkomufólks hafi
verið boðið til þankaþingsins en
alls tóku um sjötíu manns þátt í
þinginu.
Í fundarboði segir að markmið
þankaþingsins sé að undirbúa
framtíðarsýn Fjarðarbyggðar sem
miðstöð hátækni þar sem fólk býr
við atvinnuöryggi í fjölskyldu-
vænu, öruggu og alþjóðlegu
umhverfi. Þá er annað markmið
þingsins að hvetja til umfjöllunar
um möguleika sem felast í atvinnu-
hátta- og samfélagsbreytingum í
Fjarðabyggð.
„Við skynjum að hér býr geysi-
legt afl í samfélaginu,“ segir Helga
og bætir við að í bæjarfélaginu sé
öflugur nýr atvinnurekstur í bland
við eldri kraftmikil fyrirtæki. Þær
aðstæður bjóði upp á mörg tæki-
færi.
„Ástæðan fyrir þankaþinginu er
að okkur finnst mikilvægt að fleiri
komi að því að velta upp möguleik-
unum, að horft sé á það frá öðru
sjónarhorni hvar styrkurinn ligg-
ur og hvaða megináherslur við
ættum að leggja til næstu ára.“ Því
hafi þau beðið hóp fólks að taka
þátt í því með heimamönnum að
horfa fram í tímann.
„Allir voru reiðubúnir til að taka
þátt í þessu verkefni með okkur.
Við erum komin með ótrúlegan
fjölda hugmynda sem við ætlum
að vinna úr og höfum þá markvissa
sýn til áratuga þegar við erum að
ákveða hvernig við forgangsröð-
um í okkar þjónustu og verkefnum
almennt.“
Þá segir Helga ekki síður mikil-
vægt fyrir heimamenn að fá skýr
skilaboð um að þeir verði að gæta
þess að halda sérkennum staðanna.
„Við verðum líka að standa vörð
um þann styrk sem er í gömlu
byggðunum, í gömlum húsum,
byggðaformum og byggða-
mynstri.“
Hún segir skýrustu skilaboðin
frá þankaþinginu vera að þar sem
helstu styrkleikar bæjarfélagsins
liggi megi alls staðar bæta í. „Ég
held að öllum hafi fundist þetta
óhemju skemmtilegt og fólk naut
dagsins mjög vel.“ olav@frettabladid.is
Hugarflug á þanka-
þingi í Fjarðabyggð
Bæjarstýra Fjarðabyggðar segir fjölda hugmynda hafa komið fram á þanka-
þingi í bæjarfélaginu. Þinginu var ætlað að undirbúa framtíðarsýn bæjarfélags-
ins. Mikilvægt að margir komi að því að velta upp möguleikum Fjarðabyggðar.
VIÐ RANDULFFSSJÓHÚS Á ESKIFIRÐI Tryggvi Þór Haraldsson, Sveinn Hannesson,
Tómas Már Sigurðsson, Regína Ástvaldsdóttir, Helga Jónsdóttir, bæjarstýra Fjarða-
byggðar, Kristín A. Árnadóttir, Berglind Ásgeirsdóttir og Hildur Magnúsdóttir voru
meðal þátttakenda á þankaþinginu. MYND/INGIBJÖRG ÓLAFSDÓTTIR
VEISTU SVARIÐ?