Fréttablaðið - 12.06.2008, Blaðsíða 10

10 12. júní 2008 FIMMTUDAGUR
DÓMSMÁL Fjórir menn voru í gær
dæmdir í fangelsi fyrir innflutning
á 4,7 kílóum af amfetamíni og
tæpum 600 grömmum af kókaíni
sem bárust til landsins með hrað-
sendingu. Þyngstan dóm hlaut Ann-
þór Kristján Karlsson fyrir skipu-
lagningu og fjármögnun
smyglsins.
Efnin komu til landsins frá
Þýskalandi með hraðsendingu í
nóvember í fyrra. Fjórir voru
ákærðir í málinu; Annþór, Tómas
Kristjánsson og bræðurnir Ari og
Jóhannes Páll Gunnarssynir.
Ari og Jóhannes játuðu báðir að
hafa borið skilaboð á milli Annþórs
og Tómasar, en sögðust að öðru
leyti ekki hafa komið að skipulagn-
ingu innflutningsins. Þeir báru
báðir að Annþór hefði haft veg og
vanda af skipulagningunni, með
liðsinni Tómasar, sem starfaði hjá
hraðsendingarþjónustunni UPS.
Annþór og Tómas neituðu báðir
að tengjast málinu á nokkurn hátt.
Annþór sagðist hafa látið Ara hafa
aðgang að vefsvæði sínu sem hluta
af hrekk. Ari hefði ætlað að senda
bróður sínum tölvupóst í nafni Ann-
þórs til að hrekkja bróðurinn.
Tómas kvaðst ekki kannast við
nokkuð það sem honum var borið á
brýn.
Fjölskipaður héraðsdómur komst
að þeirri niðurstöðu að framburður
Annþórs og Tómasar væri að mestu
mjög ótrúverðugur og sumpart frá-
leitur. Framburður þeirra var því
ekki lagður til grundvallar niður-
stöðu málsins, heldur byggt á fram-
burði bræðranna Ara og Jóhannes-
ar, sem var afar samhljóða og
studdur af öðrum gögnum málsins.
Annþór var dæmdur fyrir að
fjármagna og skipuleggja smyglið
og hlaut fjögurra ára dóm. Hann
hefur hlotið tíu refsidóma frá árinu
1993 fyrir skjalafals, þjófnað,
nytjastuld, líkamsárás, húsbrot,
frelsissviptingu og fíkniefnabrot.
Tómas fékk tveggja og hálfs árs
dóm fyrir að hjálpa til við skipu-
lagninguna. Bræðurnir hlutu báðir
eins og hálfs árs dóm. Þeim var virt
til refsilækkunar að hafa játað brot
sín hreinskilnislega og að fram-
burður þeirra hefði skipt sköpum
til að unnt væri að upplýsa málið.
Tómas hefur ákveðið að áfrýja
dómnum en beðið verður þar til
eftir helgi með að ákveða hvort
dómnum yfir Annþóri verður
áfrýjað. stigur@frettabladid.is
Annþór í tukt-
hús í fjögur ár
Fjórir menn hlutu fangelsisdóma fyrir innflutning á
rúmum fimm kílóum af fíkniefnum til landsins með
hraðsendingu. Annþór Karlsson hlaut þyngstan dóm.
SMYGLARI Annþór Karlsson bar sig vel þegar hann mætti í aðalmeðferð málsins í
héraðsdómi fyrr í mánuðinum. Hann hefur undanfarið setið inni og afplánað annan
dóm. FRÉTTABLAÐIÐ/GVA
Annþór Kristján Karlsson
Neitaði sakargiftum
Dómur: Fjögur ár fyrir að fjár-
magna og skipuleggja smyglið
Tómas Kristjánsson
Neitaði sakargiftum
Dómur: Tvö og hálft ár fyrir
aðstoð við skipulagningu
Ari Gunnarsson
Játaði
Dómur: Eitt og hálft ár fyrir
aðstoð við skipulagningu
Jóhannes Páll Gunnarsson
Játaði
Dómur: Eitt og hálft ár fyrir
aðstoð við skipulagningu
DÆMDIR
AKUREYRI Arngrímur Jóhannsson
flugkappi mun dansa vals á listflug-
vél sinni yfir miðbæ Akureyrar
klukkan 16.30 í dag. Þetta akróbat-
íska áhættuatriði markar setningu
AIM festivals, alþjóðlegrar tónlist-
arhátíðar á Akureyri, sem stendur
fram til mánudagsins næsta.
Arngrímur er sérlegur verndari
hátíðarinnar, sem er nú haldin í
þriðja sinn. Valsinn var saminn sér-
staklega fyrir tilefnið og verður
útvarpað beint í síðdegisútvarpi
Rásar 2 fyrir áhorfendur og áheyr-
endur. Með þessu tiltæki tekst Arn-
grími að sameina þrjú helstu áhuga-
mál sín, sem eru flug, dans og
tónlist.
Margt verður á döfinni á Akur-
eyri í tengslum við hátíðina næstu
daga og lofa aðstandendur því að
bærinn muni iða af tónlist í fimm
daga samfleytt. Meðal þeirra sem
stíga á svið eru rússneski ofur-
bassinn Vladimir Miller, sem
syngur með sextíu manna Mót-
ettukór Hallgrímskirkju og hinn
ungi píanósnillingur Víkingur
Heiðar Ólafsson, sem í vor sigraði
í einleikarakeppni Juilliard-skól-
ans virta. Einnig kemur þýski
trompetleikarinn Sebastian Studn-
itzky fram ásamt landsliðinu í
djassi og ástralski djass-sextett-
inn Hoodangers hefur ferð sína
um landið á Akureyri. - kg
AIM festival, alþjóðleg tónlistarhátíð á Akueyri, hefst í dag:
Dansar vals á listflugvélinni
OFURHUGI Arngrímur Jóhannsson
flugkappi dansar vals á listflugvél yfir
miðbæ Akureyrar í dag. Með því sam-
einar hann þrjú helstu áhugamál sín,
sem eru flug, dans og tónlist.
LÖGREGLUMÁL Ungur ökumaður
var tekinn á ofsahraða aðfaranótt
miðvikudags. Hann er talinn hafa
ekið á 150-160 kílómetra hraða þar
sem leyfilegur hámarkshraði er 50
kílómetrar. Lögreglan veitti
manninum eftirför frá Vestur-
landsvegi, inn á Víkurveg og loks
inn í Grafarvog. Þar hljóp hann út
úr bílnum en var handtekinn.
Maðurinn var ekki með ökurétt-
indi og tók bílinn í leyfisleysi frá
verkstæðinu þar sem hann vinnur.
Hann var með þrjá farþega í
bílnum. - ges
Þrír farþegar og stolinn bíll:
Réttindalaus
ökuníðingur
Ekið var á ungan dreng á hjóli á
Ísafirði á þriðjudag. Hann var fluttur
á Fjórðungssjúkrahúsið á Ísafirði en
fékk að fara heim til sín samdægurs.
LÖGREGLUFRÉTTIR
Ekið á hjólreiðamann
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air 1,36 kg, þyngd í samanburði við:
Fartölvu . . . . . . . . . . . . . . . . . . . . . . . . . . . . . . . . . . . 2,50 kg
Erlent tímarit . . . . . . . . . . . . . . . . . . . . . . . . . . . . . . 1,64 kg
Handtösku . . . . . . . . . . . . . . . . . . . . . . . . . . . . . . . . 2,37 kg
F
í
t
o
n
/
S
Í
A
MacBook Air – örþunn, fislétt, líka fyrir Windows
Þegar þú snertir nýju MacBook Air breytist allt sem þú taldir þig vita um fartölvur
og verður aldrei eins aftur. MacBook Air á þig um leið og þú sérð hana.
Létt, örþunn, öflug.
Fágun. Upplifun. Óviðjafnanleg.
- lífið er leikur
YZF-R6
Borinn og barnfæddur
á kappakstursbrautinni
Mótormax Reykjavík - Kletthálsi 13 - Sími 563-4400
Mótormax Egilsstöðum - Sími 470-5080 / 470-5070
Mótormax Akureyri - Sími 460-6060
Ný Yamaha-verð á www.motormax.is
Verð nú
1.497.000 kr.
-70% lán til allt að 60 mán.
Auglýsingasími
– Mest lesið