Fréttablaðið - 12.06.2008, Blaðsíða 18

18 12. júní 2008 FIMMTUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 402
.4482 -0,68% Velta: 18.190 milljónir
HLUTABRÉF Í ÚRVALSVÍSITÖLU: Atorka 6,52 -0,61% ... Bakkavör
30,80 -2,99% ... Eimskipafélagið 17,50 -12,72% ... Exista 8,85 -1,56%
... Glitnir 16,65 0,00% ... Icelandair Group 16,45 -6,27% ... Kaupþing
756,00 +0,80% ... Landsbankinn 23,20 -1,70% ... Marel 88,50 -1,45%
... SPRON 3,95 -4,36% ... Straumur-Burðarás 10,14 -1,46% ... Teymi
2,37 -12,55% ... Össur 92,30 -0,97%
MESTA HÆKKUN
KAUPÞING +0,80%
MESTA LÆKKUN
EIMSKIPAFÉLAGIÐ -12,72%
TEYMI -12,55%
ICELANDAIR -6,27%
Skráð atvinnuleysi í maí var 1,0
prósent og óbreytt frá fyrra mán-
uði. Í maí í fyrra var atvinnuleysið
1,1 prósent. Atvinnuleysi á höfuð-
borgarsvæðinu er 0,8 prósent og
1,4 prósent á landsbyggðinni, það
sama og í apríl á báðum svæðum
samkvæmt tölum Vinnumála-
stofnunar.
Atvinnuleysi meðal karla minnk-
ar milli mánaða, mælist nú 0,8 pró-
sent en var 0,9 prósent í apríl, og
er það einkum á landsbyggðinni
sem atvinnuleysið minnkar meðal
karla. Atvinnuleysi kvenna er 1,3
prósent líkt og í apríl. Það hefur
þó aukist töluvert meðal kvenna á
höfuðborgarsvæðinu en minnkað
lítillega á landsbyggðinni. - bþa
Atvinnuleysi
óbreytt í maíSkjót viðbrögð Seðlabankans
Seðlabanki Íslands brást skjótt við umfjöllun
Markaðarins í gær um kennsluefni Seðla-
banka. Í gærmorgun barst fréttatilkynning frá
bankanum þar sem bent er
á efni sem bankinn gefur
út, tengla á efni frá öðrum
seðlabönkum og nánari
upplýsingar um opnunartíma
myntsafns Seðlabankans. Fjall-
að er um tölvuleik sem er að
finna í myntsafni Seðlabanka
Íslands þar sem hægt er að setj-
ast í stól bankastjóra og spreyta
sig á því að beita stýritækjum
hans til að ná verðbólgumark-
miði bankans.
Andrés Önd og peningastefnan
Í umfjöllun Markaðarins, Andrés önd og pen-
ingastefnan, er farið yfir það hvernig seðla-
bankar heimsins hafa sett fram fræðsluefni í
hagfræði á einfaldan og skýran hátt. Tekin eru
fjölmörg dæmi um hvaða leiðir seðlabankar
hafa farið til að auka þekkingu almennings í
hagfræði. Lítið hefur farið fyrir fræðsluefni á
vefsíðu Seðlabankans en athyglisvert
er að sjá að starfsmenn Seðlabankans
hafa puttann á púlsinum.
Peningaskápurinn ...
„Við erum fórnarlömb lausafjár-
kreppunnar,“ segir Höskuldur
Ásgeirsson, forstjóri Nýsis, um
bága stöðu félagsins. Hann segir
sjö til tíu milljarða króna vanta til
að mæta endurfjármögnunarþörf
ársins. Spurður um getu Nýsis til
að greiða af lánum félagsins, segist
hann bjartsýnn. Landsbankinn
vinni að málefnum þess. Félagið sé
ekki á leiðinni á hausinn.
Samkvæmt heimildum Markað-
arins hefur komið til umræðu að
bankinn eignist hlut í Nýsi, en tveir
einstaklingar eiga félagið nú.
Nýsir er stór á íslenskum fast-
eignamarkaði og stendur til dæmis
í rekstri fasteigna fyrir hið opin-
bera. Auk þess á Nýsir helmings-
hlut í Portus á móti Landsbankan-
um sem reisir nýja tónlistar- og
ráðstefnuhúsið við Reykjavíkur-
höfn.
Stærstu lánadrottnar Nýsis
vildu ekkert tjá sig um fyrirtækið
í samtali við Markaðinn. -bþa/ikh
Nýsir fórnarlamb
lausafjárkrísunnar
FORSTJÓRINN Höskuldur Ásgeirsson
forstjóri Nýsis segir félagið standa vel,
en skorta skammtímafjármögnun.
„Ánægjulegt er að sjá að launa-
munur kynjanna er að minnka,
sérstaklega í ljósi þess að launa-
munurinn hefur verið að aukast
undanfarin ár,“ segir Guðni Rafn
Gunnarsson, varaformaður félags
viðskipta- og hagfræðinga.
Í árlegri launakönnun félagsins
kemur fram að leiðréttur launa-
munur kynjanna var 7,5 prósent
samanborið við 8,5 prósent árið
2007.
Laun kvenna hafa hækkað um
11 prósent en 2,4 prósent hjá körl-
um. Vinnuvika karla var að með-
altali 51,6 klukkustundir en
kvenna 47,5 klukkustundir. Mið-
gildi heildarlauna var 500 þúsund
hjá konum en 600 þúsund hjá
körlum. - bþa
Launamunurinn minnkar
Eimskip tilkynnti í gær um
afskriftir á dótturfélagi
sínu Innovate um tæpa níu
milljarða króna. Stjórnar-
formaður félagsins telur
þetta óeðlilegt og fullkom-
lega óásættanlegt.
Gengi hlutabréfa í Eimskipafélagi
Íslands (Eimskip) féll um tæp 13
prósent í gær eftir að félagið til-
kynnti um afskriftir á eignarhlut í
dótturfélagi sínu, Innovate Hold-
ing, í Bretlandi. Innovate sérhæfir
sig í hitastýrðum flutningum og
geymslum í Bretlandi. Bókfært
virði eignarhlutsins er 74,1 milljón
evra, jafnvirði nærri níu milljarða
króna, sem afskrifaður er að fullu
á öðrum ársfjórðungi. Uppgjör
annars ársfjórðungs félagsins
verður lagt fyrir 20. júní næstkom-
andi.
Sindri Sindrason, stjórnarfor-
maður Eimskips, segir að það sé
alveg ljóst að það hafi orðið einhver
stjórnunarleg mistök við kaupin á
Innovate. ,,Þetta er meira áfall en
menn telja eðlilegt að sjá. Það er
eðlilegt að það verði farið gaum-
gæfilega ofan í öll mál í kringum
yfirtökuna á Innovate. Stjórnin
telur þetta óeðlilegt og fullkomlega
óásættanlegt,“ segir Sindri.
,,Það er alveg ljóst að það hafa
verið erfiðir tímar síðastliðið ár en
það virðist engu að síður hafa orðið
alvarlegir brestir í viðskipta módeli
hjá Innovate sem menn hefðu átt að
vera búnir að reka augun í fyrr,“
segir Sindri.
Gylfi Sigfússon, forstjóri Eim-
skips, segir að unnið sé að hagræð-
ingu á öllum sviðum. Annar rekstur
sem snúi að flutningastarfsemi sé í
mjög góðum farvegi. ,,Við æltum
okkur að einbeita okkur að flutn-
ingastarfseminni,“ segir Gylfi.
Gylfi segir að aðrar fjárfestingar
Eimskips, að Innovate undanskildu,
séu ásættanlegar.
Halldór Kristmannsson, fram-
kvæmdastjóri samskiptasviðs Eim-
skips, segir að verið sé að skoða
ýmsar leiðir til að styrkja eiginfjár-
hlutfall félagsins. Nefnir hann í því
sambandi möguleika á hlutabréfa-
skráningu kæli- og frystigeymslu-
fyrirtækisins Versacold Atlas í
Kanada. Eimskip yrði samt sem
áður stór hluthafi í félaginu. Hall-
dór telur að eiginfjárhlutfall gæti
farið úr 16 prósentum í 30 með
hlutabréfaskráningu Versacold
Atlas. Það sé það hlutfall sem fjár-
festar myndu vilja sjá hjá félag-
inu.
Hlutabréf í Eimskip hafa fallið
um tæplega 50 prósent frá áramót-
um og markaðsverðmæti þess
lækkað um 30,4 milljarða króna.
annas@markadurinn.is
Mistök við Innovate-kaup
KARLARNIR Í BRÚNNI Gylfi Sigfússon forstjóri og Sindri Sindrason stjórnaformaður
Eimskipafélagsins telja að stjónunarleg mistök hafi orðið við kaupin á Innovate.
FRÉTTABLAÐIÐ/GVA