Fréttablaðið - 12.06.2008, Blaðsíða 38

12. JÚNÍ 2008 FIMMTUDAGUR2 ● fréttablaðið ● bílar
Bíladagar fara fram á Akureyri
dagana 14. til 17. júní.
Hinn árlegi viðburður Bíladagar
hefst á Akureyri næstkomandi
laugardag. Dagskráin er fjöl-
breytt að vanda og lofar sýn-
ingarstjórinn Gísli Rúnar Víðis-
son einhverju við allra hæfi. „Á
laugar daginn verður götuspyrna
á Tryggvabraut þar sem meðlimir
akstursíþrótta félaga etja kappi á
kraftmiklum bílum,“ bendir hann
á og bætir við að haldin verði svo-
kölluð drift-keppni á sunnudegi,
en ökumönnum gefst þá færi á að
sína listar sínar á keilubraut.
Ekki er þar með allt upptalið því
svokölluð Burnout-keppni verð-
ur haldin á Akureyraflugvelli á
mánudegi, þar sem dekkjum verð-
ur eytt eins og Gísli kemst að orði.
„Bílstjórarnir munu þá reykspóla
þar til dekkin eyðast upp og jafn-
vel springa,“ segir hann.
Viðamikil bílasýning verður svo
í Boganum á sjálfan þjóðhátíðar-
daginn, þar sem almenningi gefst
kostur á að skoða allt frá sportbíl-
um upp í flugvélar, en reiknað er
með að um 200 ökutæki verði til
sýnis í 10.000 fermetra húsnæði.
Loks má nefna að þeir sem vilja
geta reynt fyrir sér á sæþotum,
sem hægt verður að prufu-
keyra meðan á Bíla-
dögum stendur.
Þeir sem
vilja taka þátt
í keppnum á
Bíladögum geta
skráð sig á vef-
síðunni www.
ba.is eða hjá Gísla
í síma 862 6450. - mmr
Reykspólað þar til
dekkin eyðast upp
Stífbónaður Mustang GT sem verður þaninn um helgina. MYND/ALEX DARRI
Tveir vígalegir sem verða til sýnis á Bíladögunum. MYND/ALEX DARRI
Gísli Rúnar Víðisson
sýningarstjóri lofar
góðum Bíladögum
um helgina.
MYND/ALEX DARRI
Viðamikil bílasýning verður í
Boganum. Reiknað er með að
200 ökutæki verði til sýnis.
Mótorhjóla- og bílaáhugi hefur aukist mikið á Íslandi og honum
hefur fylgt vakning í bílasprautun. Hér er þó ekki átt við hefð-
bundna bílasprautun heldur svokallaða airbrush-tækni þar sem
farartæki eru skreytt með heilu listaverkunum. Von er á „air-
brush“-meistara hingað til lands að nafni Craig Fraser, en hann er
þekktur í Bandaríkjunum fyrir verk sín.
„Craig Fraser hefur verið í airbrush frá árinu 1984 og er hann
mikill listamaður. Á myspace-síðunni hans má sjá myndir af því
sem hann hefur verið að gera og þó þetta tengist mest mótor-
hjólum og bílum þá takmarkast þetta ekki við það. Það er hægt
að mála hvað sem er og hefur Fraser til dæmis málað hljóðfæri,
síma og fleira,“ segir Kristján E. Jónsson, markaðsstjóri hjá
Poulsen ehf. sem flytur inn tæki og hráefni fyrir airbrush. „Þetta
er í raun sama tækni og í airbrush-andlitsförðun nema að hér er
verið að mála á farartæki og aðra hluti,“ bætir hann við.
Craig Fraser býr að mikilli reynslu á sínu sviði og hefur ferð-
ast víða um heim til að kenna tæknina. „Hann hefur hannað
stensla til að mála eftir og við seljum þá. Þetta eru til dæmis
stafir, mynstur, hauskúpur, eldur og svo framvegis,“ segir Kristj-
án og útskýrir svo af hverju Craig Fraser ákvað að halda nám-
skeið á Íslandi. „Þetta byrjaði þannig að hjá okkur er starfsmað-
ur sem hefur mikinn áhuga á airbrush og hefur verið að smíða
mótorhjól. Við erum að selja bílamálningu á alla bíla þannig að
í framhaldi af því fluttum við inn lakk frá House of Color sem
er sérstaklega ætlað í airbrush. Þá fluttum við líka inn airbrush
penna og komumst þannig í tengsl við þennan mann.“ Síðar kom-
ust starfsmenn Poulsen að því að íslensk stúlka að nafni Ýrr
Baldursdóttir hafði sótt námskeið hjá Fraser í Bandaríkjunum og
átti hún síðan þátt í að koma á tengslum við hann.
„Tæplega þrjátíu manns hafa skráð sig á námskeiðið, allt frá
ungum krökkum upp í fullorðna menn. Kennarar í bílamálun í
Borgarholtsskóla verða til dæmis á námskeiðinu. Þetta er í raun
annar og skemmtilegur vinkill á bílamálun,“ segir Kristján og
bætir við að kominn sé biðlisti á námskeiðið. „Okkur langar að
halda annað námskeið og þar sem Ýrr er orðin mjög fær í þessu
og verður aðstoðarkona Frasers á námskeiðinu, þá er hugsanlegt
að hún hjálpi okkur með önnur námskeið í framhaldinu,“ segir
hann. - hs
Ný vídd í bílasprautun
Hér eru Craig Fraser og Ýrr Baldursdóttir saman að störfum en hún fór á nám-
skeið hjá meistaranum í Bandaríkjunum. MYND/ÝRR BALDURSDÓTTIR
● MITSUBISHI Á G8 Mitsubishi-samsteypan hefur tilkynnt að
hún muni sjá leiðtogum átta stærstu iðnríkja heims fyrir tíu MiEV-raf-
bílum á meðan á leiðtogafundinum G8 stendur, sem verður haldinn í
Hokkaido í Japan 7.-9. júlí næstkomandi. Hugmyndin á bak við fram-
takið er að kynna eiginleika bílsins, en hann er afar umhverfisvænn og
hagkvæmur. Þjóðarleiðtogarnir verða fluttir á milli staða í slíkum bílum,
sem verða einnig til sýnis á svæðinu og
reynsluakstur í boði. MiEV, sem
kemur á markað á næsta
ári, er liður í áformum
Mitsubishi um að
draga úr hlýnun
jarðar og úr þörf
mannsins fyrir
jarðefnaelds-
neyti.