Fréttablaðið - 30.06.2008, Blaðsíða 2

2 30. júní 2008 MÁNUDAGUR
FERÐAÞJÓNUSTA „Það er svo sem
engin nýlunda að hákarlaveiðar
séu stundaðar á Vopnafirði en
þetta er hins vegar nýlunda í
ferðaþjónustunni,“ segir Guðni
Ásgrímsson, hákarlaveiðimaður
og ferðafrömuður.
Síðasta sumar byrjaði hann að
bjóða upp á hákarlaveiðar fyrir
ferðamenn. Hann rekur fyrir-
tækið Mávahlíð sem einnig er
með gistiheimili. „Við veiðum
hákarla á línu og fólki er boðið að
koma með þegar við vitjum
þeirra en svo bjóðum við fólki
einnig upp á að renna fyrir
hákarl. Reyndar hefur enn eng-
inn veiðst á stöng í þessum ferð-
um en það hlýtur að koma að því.
Ég er að fara í fyrstu ferðina í
sumar með fjóra breska ferða-
menn það er kannski að hann bíti
á í þeirri ferð.“
Hann segir að Vopnfirðingar
hafi aðeins notið að litlu leyti
ágóðans af þenslunni sem fylgir
framkvæmdum við Kárahnjúka
og álverinu á Reyðarfirði. „Við
verðum því að byggja á því sem
fyrir er og það hefur alltaf verið
veiddur hákarl hér á Vopnafirði.
Ég er alinn upp við þetta en
faðir minn var hákarlaveiðimað-
ur. Og það er ekkert að draga úr
þessu en í fyrrasumar voru
veiddir hér fjórtán hákarlar.“
Hákarlarnir eru yfirleitt um
tveir til fimm metrar á lengd og
geta vegið frá hálfu og upp í eitt
tonn. „Yfirleitt fer adrenalínið á
fullt um kroppinn þegar við
tökum þá af línunni.“ segir Guðni.
jse@frettabladid.is
Veiða hákarl í fríinu
Á Vopnafirði er boðið upp á hákarlaveiðar fyrir ferðamenn. Hákarlarnir vega
frá hálfu og upp í eitt tonn. „Við verðum að byggja á því sem fyrir er,“ segir
Guðni Ásgrímsson sem býður upp á þessar ferðir.
ÞRJÁR KYNSLÓÐIR HÁKARLAVEIÐIMANNA Hér er Ásgrímur Kristjánsson, sonarsonur
hans og nafni og síðan lengst til hægri er Guðni sonur Ásgríms. Allir eru þeir hákarla-
veiðimenn með meiru enda er hefð fyrir slíkum veiðum á Vopnafirði að sögn Guðna.
MYND/MÁVAHLÍÐ
HÁKARL MEÐ KÓP Í KJAFTI Það má
finna ýmislegt innvortis í hákarlinum og
stundum þarf ekki einu sinni að gá svo
langt. MYND/MÁVAHLÍÐ
SAMGÖNGUR Það væri æskilegt að fjölga
forgangsakreinum fyrir strætisvagna í
borginni og kemur til greina að ríkið veiti
aukinn stuðning til þess, segir Kristján Möller
samgönguráðherra.
Í nýjum vegalögum sé einnig heimild til að
leggja hjólreiðastíga meðfram stofnbrautum og
þjóðvegum. Þetta sé í skoðun.
Gísli Marteinn Baldursson, formaður
umhverfis- og samgönguráðs Reykjavíkur,
gagnrýndi ríkisvaldið í Fréttablaðinu á
laugardag fyrir fátækleg framlög til vistvænna
samgangna í borginni. Ekkert kæmi frá því til
hjólreiðastíga né til forgangsakreina fyrir
strætó. Í stjórnarsáttmálanum er og talað um
að ríkið muni leggja „aukna áherslu“ á almenn-
ingssamgöngur og ráðast í „stórátak“ til úrbóta
á samgöngukerfi borgarinnar.
„Og það kemur líka til greina að á þessum
forgangsakreinum verði líka bílar þar sem
tveir eða fleiri ferðast saman,“
segir Kristján.
Samstarfsnefnd samgöngu-
ráðuneytis og sveitarfélaga á
höfuðborgarsvæðinu sé að fara
yfir þessi mál og sérstaklega sé
litið til fljótvirkra úrbóta svo
sem að leggja göngubrýr til að
fækka umferðarljósum.
Gísli sagði að ríkið styddi betur
við rútuferðir á landsbyggðinni
en við strætisvagna í borginni.
Ráðherra segir það rétt að sumar leiðir séu
niðurgreiddar á landsbyggðinni. En hann
bendir á að áttatíu prósent af olíugjaldi sé
endurgreitt til Strætós. Annars bíður Kristján
eftir tillögum samstarfsnefndarinnar um
hvernig megi auka vægi almenningssamgangna
á höfuðborgarsvæðinu. Farið verður nánar í
það með haustinu. - kóþ
Samgönguráðherra segir hjólreiðastíga og almenningssamgöngur fá æ meira vægi í ráðuneytinu:
Fleiri forgangsakreinar strætisvagna
KRISTJÁN
LÚÐVÍK
MÖLLER FORGANGSAKREIN STRÆTÓS Til greina kemur að hér
aki einnig einkabílar með tveimur eða fleiri farþegum.
FRÉTTABLAÐIÐ/ANTON
SPÁNN Íslendingur búsettur á
Spáni hefur verið kærður fyrir
hótanir og fyrir að hafa beint
byssu að konu. Dagblaðið Leader
sem gefið er út á Costa Blanca
greinir frá þessu.
Blaðið lýsir samskiptum
breskra hjóna við Íslendinginn.
Hjónin hafa leigt honum íbúð.
Þegar þau hafi ætlað að ganga á
eftir ógreiddum leigugjöldum
hafi hann brugðist hinn versti við.
Hann hafi hótað þeim líkams-
meiðingum og ranglega tilkynnt
lögreglu að þau væru með
ólögmæt skotvopn á heimili sínu.
Um þverbak hafi keyrt þegar
Íslendingurinn hafi beint byssu
að bresku konunni. - gh
Íslendingur á Spáni:
Kærður fyrir
ofbeldishótanir
NÁTTÚRA „Við göngum rösklega til
verks svo að engin ummerki verði
eftir stórtónleikana,“ segir Ólafur
F. Magnússon borgarstjóri eftir
tónleikana Náttúru í Laugardaln-
um í fyrrakvöld.
„Því miður varð nokkuð af rusli
eftir í dalnum en hjá því verður
ekki komist á þrjátíu þúsund
manna útihátíð,“ segir Ólafur.
„Það er mjög ánægjulegt að
hafa uppgötvað stað sem er frá
náttúrunnar hendi einstakur til
þess að halda hátíðir af þessu
tagi,“ segir Ólafur. „Eflaust gefast
tækifæri til þess að nota hann
aftur í framtíðinni en það verður
þó að gera sparlega og gæta þess
að ekki sé gengið á náttúru
dalsins.“ - ht
Borgarstjóri um stórtónleika:
Fleiri tónleika á
sama stað
RUSL Í LAUGARDALNUM Tónleikagestir
skildu eftir nokkuð af rusli eftir stórtón-
leika í Laugardalnum í fyrrakvöld sem
þó voru tileinkaðir náttúrunni.
SIMBABVE, AP Robert Mugabe sór í
gær eið sem forseti Simbabve í
kjölfar þess að yfirkjörstjórn
landsins lýsti hann sigurvegara
nýafstaðinna forsetakosninga.
Mugabe var eini frambjóðand-
inn, en Morgan Tsvangirai, leiðtogi
stjórnarandstöðunnar, hafði dregið
sig út út baráttunni vegna ofbeldis
stjórnarliða.
Samkvæmt opinberum tölum
var kjörsókn um 42 prósent.
Mugabe fékk um 85 prósent
atkvæða, en nokkuð var um ógild
atkvæði.
Þjóðarleiðtogar hafa fordæmt
kosninguna sem fram fór í skugga
ofbeldis stjórnarliða gegn stjórn-
arandstæðingum. Fregnir herma
að margir hafi verið neyddir á
kjörstaði.
Öryggisráð Sameinuðu þjóðanna
hefur harmað kosningarnar þar
sem „aðstæður til frjálsra og sann-
gjarnra kosninga hafi ekki verið til
staðar“. Ráðið gekk þó ekki svo
langt að lýsa kosninguna ógilda
vegna andstöðu Suður-Afríku.
Mugabe sækir í dag ráðstefnu
Afríkusambandsins þar sem meðal
annars verður fjallað um kosning-
arnar og mögulegar refsiaðgerðir
gegn stjórnvöldum í Simbabve.
Tsvangirai hefur sagt kosningarn-
ar marklausar. Hann hefur þó sagst
geta hugsað sér ríkisstjórnarsam-
starf við Mugabe þar sem Mugabe
hefði aðeins táknræna stöðu. - gh
Yfirkjörstjórn Simbabve hefur lýst Robert Mugabe sigurvegara forsetakosninga:
Mugabe sver embættiseið
Edda, er þessi kleina kannski
orðin svolítið steikt?
„Já, og súkkulaðihúðin felur það
ekki einu sinni lengur!“
Edda Rós Karlsdóttir, forstöðumaður
greiningardeildar Landsbankans, hvetur
ráðamenn til að sækja um aðild að ESB.
Hún líkir Íslandi við „súkkulaðikleinu í
hagkerfi þjóðanna“.
Varadekkið lenti á næsta bíl
Betur fór en á horfðist þegar varadekk
féll af fellihýsi á leið norður í land og
hafnaði á bifreið fyrir aftan með þeim
afleiðingum að dekk sprungu og
bifreiðin skemmdist. Þung umferð var
á móti og því hefði illa getað farið að
sögn lögreglu í Borgarnesi.
LÖGREGLUFRÉTTIR
Velti bíl og flúði af vettvangi
Ökumaður flúði af vettvangi eftir
að hafa velt bifreið á Suðurhólum
á Selfossi um tvöleytið í gærdag.
Ökumannsins var leitað í gær að sögn
lögreglu og tildrög voru ókunn.
MUGABE SVER EMBÆTTISEIÐ Desmond
Tutu, áhrifamikill erkibiskup í Höfða-
borg í Suður-Afríku, hefur biðlað til
Afríkusambandsins að viðurkenna ekki
ríkisstjórn Mugabes. FRÉTTABLAÐIÐ/AP
Sjö á slysadeild eftir bílveltu
Ökumaður og sex farþegar voru fluttir
á slysadeild eftir að ökumaðurinn
missti stjórn á bifreið sinni á Vestur-
landsvegi við Víkurveg síðdegis í gær.
Fólkið var ekki talið mikið slasað.
Mikil ölvun í miðborginni
Mikill erill var hjá lögreglu í miðborg
Reykjavíkur í fyrrinótt. Ölvun var
áberandi og talsvert um pústra og
líkamsárásir að sögn lögreglu. Sextán
voru handteknir, meðal annars fyrir
slagsmál og að hindra verk lögreglu.
LÖGREGLUFRÉTTIR
Fjórir ölvaðir undir stýri
Lögreglan á Suðurnesjum stöðvaði
þrjá ökumenn sem voru ölvaðir undir
stýri í gærdag. Þá stöðvaði lögreglan í
Borgarnesi einn ökumann sem einnig
ók undir áhrifum áfengis norðan við
Borgarnes í fyrrinótt.
Obama krafinn um skilríki
Þegar Barack Obama, forsetafram-
bjóðandi Demókrataflokksins, mætti
í líkamsræktarstöð í gær umvafinn
lífvörðum krafði afgreiðslustúlka hann
um nafn og skilríki. Framkvæmda-
stjóri stöðvarinnar segir að allir gestir
séu spurðir um skilríki, hver svo sem
eigi í hlut.
BANDARÍKIN
SPURNING DAGSINS