Fréttablaðið - 30.06.2008, Blaðsíða 28

30. JÚNÍ 2008 MÁNUDAGUR8 ● fréttablaðið ● híbýli - baðherbergi
Guðrún María Jónsdóttir
læknanemi ákvað að breyta
baðherberginu fyrir lítinn
pening þegar hún fékk íbúð
sína afhenta.
„Þegar við fengum íbúðina voru
þvottavél og þurrkari þar sem
vaskurinn er í dag. Á veggnum
á móti baðkarinu voru pípur og
annað sem var eiginlega fyrir
manni inni á baðherberginu.
Mér fannst þetta ekki vera að
virka og þrátt fyrir að þvottahús-
ið sé á neðstu hæðinni og íbúðin
á þeirri fjórðu fannst mér þetta
besta lausnin,“ útskýrir Guð-
rún María og bætir við: „Þegar
lagnirnar og pípurnar voru tekn-
ar voru mikil för í veggnum og
þurfti heil tvö kíló af rakaþéttu
sparsli. Það fór mikil vinna í að
sparsla og mála.“
Guðrún María vildi ekki fara
út í stórkostlegar breytingar og
hélt baðkarinu og klósettinu en
tók lagnirnar sem voru á veggn-
um fyrir framan baðkarið. Guð-
rún María lagði heldur ekki í að
skipta um gólfefni en það kemur
að því einn daginn.
„Ég keypti límstrésplötur í
Byko og pabbi smíðaði innrétt-
ingu úr þeim fyrir mig. Ég var í
prófum á þessum tíma en pabbi
og mamma hjálpuðu mér mikið.
Þau eiga stóran þátt í breyting-
unum á baðinu og eiga hrós skil-
ið. Vaskinn fékk ég hjá Agli Árna-
syni ásamt blöndunartækjunum á
útsölunni í janúar.
Ég var búin að vera með augun
opin frá því í nóvember og stökk
á öll tilboð sem ég rakst á í blöð-
unum og sá í sjónvarpinu. Spegla-
skápinn keypti ég svo í Ikea á
mjög góðu verði,“ segir Guðrún
María. Heildarverð breytinganna
hjá Guðrúnu Maríu er um fimm-
tíu og fimm þúsund krónur og
verður það að teljast ansi gott.
- mmr
Ódýr og góð breyting
Guðrún María er afar sátt við útkomuna
eftir breytingarnar. FRÉTTABLAÐIÐ/GVA
Handklæðahengið fæst í Ikea og er
sniðug lausn. FRÉTTABLAÐIÐ/VALLI
Vaskurinn og blöndunartækin eru frá
Agli Árnasyni. FRÉTTABLAÐIÐ/VALLI
Séð yfir baðherbergið eftir breytingarnar, sem Guðrún María er afar sátt við. FRÉTTABLAÐIÐ/VALLI
Þótt Íslendingar vilji enn
lágstemmdar flísar á bað-
herbergi sín eru straumar
og stefnur að breytast úti í
hinum stóra heimi.
„Í dag er óskaplega margt í
gangi og raunar engin ákveðin
tíska, en gráir tónar og kremað-
ir í ílöngum flísum og mismun-
andi stærðum njóta enn mestra
vinsælda,“ segir Kolbeinn Öss-
urarson hjá Álfaborg, spurður
um nýjustu flísatískuna fyrir
baðherbergin.
„Flísar fara stækkandi og
vinsælt nú að flísaleggja með
allt að 60x120 sentimetra flís-
um. Flísar með leðuráferð hafa
komið sterkar inn og úti eru
sterkir litir farnir að sjást á ný,
sem og rómantísk blóm, munst-
urbekkir og fleira,“ segir Kol-
beinn.
„Litaðar fúgur hafa ekki náð
vinsældum og við mælum allt-
af með grárri fúgu því fúga er
þeim eiginleikum gædd að taka
í sig óhreinindi. Látlaus fúga
leyfir flísum að njóta sín og í
dag er í tísku að láta enga fúgu
sjást með samliggjandi, þétt
lögðum flísum.“
Í Flísabúðinni er sömu sögu
að segja. „Naumhyggjan held-
ur sér með ljósum, einföldum
litum. Hins vegar eru sterkir
litir farnir að vera meira áber-
andi úti, en hér heima eru það
aðallega fyrirtæki, stofnanir og
verslanir sem eru orðin frakk-
ari í sterku litavali í gegnum
sína arkitekta. Á síðustu sýn-
ingum á Ítalíu og Spáni voru
litir dýpri en áður og það sem
var vinsælt fyrir hefur verið
útfært enn betur, meðal annars
með fleiri aukahlutum, bekkj-
um og listum,“ segir Þórður
Magnússon hjá Flísabúðinni.
„Versace kemur sterkur inn
aftur með nýrri línu sem er
ekki jafn glysgjörn og áður,
heldur meiri klassík. Gianni
Versace lét eftir sig sjóð fal-
legra munstra sem enn er verið
að útfæra. Spánverjar hafa líka
gjörbreytt staðnaðri hönnun og
eru komnir afar langt í gæðum,
tækni og hönnun. Breytinga er
því að vænta áður en langt um
líður í flísatískunni.“ - þlg
Breytinga að vænta
Svartar mósaíkflísar frá Porcelanosa
sem leggjast við hvítar flísar með
ólíkri lögun. Fást í Álfaborg.
FRÉTTABLAÐIÐ/VALLI
Gráar, misbreiðar flísar eins og nú eru svo vinsælar, frá Venis í Álfaborg.
FRÉTTABLAÐIÐ/VALLI
Hvítar fúgulausar flísar í stærðinni
30x90 sentrimetrar og svartar þrívídd-
arflísar sem sagaðar eru úr gólfflísum
í Álfaborg til að ná þessu sérstaka og
útstæða munstri. FRÉTTABLAÐIÐ/VALLI
Djúpir litir útfærðir í listum sem not-
aðir eru til skrauts með stærri flísum,
frá Roca í Flísabúðinni.
FRÉTTABLAÐIÐ/VILHELM
Rainbow-línan frá Roca er dæmi um
flísar í djarfari litum sem nú eru að
verða vinsælli á baðherbergi.
FRÉTTABLAÐIÐ/VILHELM