Fréttablaðið - 30.06.2008, Blaðsíða 49
MÁNUDAGUR 30. júní 2008 17
„Ég fæddist árið 1962 í desember og var skírð 16. jan-
úar 1963 á afmælisdegi föður míns,“ segir Ingdís Líndal
Jensdóttir. Hún segir fólk yfirleitt hvá þegar hún segi
til nafns og oft er hún kölluð Vigdís eða Eydís. Nafn-
ið hennar er samsett úr nöfnum ömmubróður henn-
ar og konu hans en þau hétu Ingólfur og Herdís. Þau
voru barnlaus og faðir Ingdísar setti saman eitt nafn úr
fyrrihluta Ingólfsnafnsins og seinni hluta Herdísarnafns-
ins, Ingdís.
„Ég kvartaði nú einu sinni við föður minn út af nafn-
inu og þá sagði hann að ég væri bara heppin að vera
ekki strákur því þá hefði ég heitið Herólfur, úr fyrri
hluta Herdísarnafnsins og seinni hluta Ingólfsnafnsins.
Þá var nú betra að vera stelpa og heita Ingdís,“ segir
hún hlæjandi.
Nafnið hefur Ingdís borið ein Íslendinga alveg þang-
að til nú, en hún fékk litla nöfnu fyrir stuttu.
„Sonardóttir mín fæddist í apríl og var skírð Ing dís
Una, sunnudaginn 8. júní, á afmælisdegi föður síns.“
Ingdís Una fæðist inn í fjölskyldu með sérstökum nöfn-
um því mamma hennar heitir því sérstaka nafni Lárey.
Óvenjuleg nöfn virðast því hafa fylgt Ingdísi Líndal en
hún kann skemmtilega sögu af skrítnum nöfnum á
vinnustað sínum. Hún vann eitt sinn á flutningastöð og
viðskiptavinir hringdu gjarnan til að fá nöfn flutnings-
aðila annars staðar á landinu.
„Það hringdi eitt sinn maður og spurði hvað flutn-
ingsaðilinn í Vík héti. „Hann heitir Auðbert Vigfússon,“
svaraði ég. Maðurinn hváði við og spurði svo eftir flutn-
ingsaðilanum í Borgarnesi. Ég svaraði honum því, Ar-
ilíus Sigurðsson. „Hvers konar nöfn eru þetta eigin-
lega vina mín,“ sagði þá maðurinn og spurði mig að
nafni. „Ég heiti Ingdís Líndal,“ svaraði ég og þá þakk-
aði hann nú bara kærlega fyrir. Við hlógum mikið að
þessu í vinnunni og það er búið að hlæja oft að þess-
ari sögu síðan.“
NAFNIÐ MITT: INGDÍS LÍNDAL JENSDÓTTIR
Heppin að vera ekki strákur og heita Herólfur
FR
ÉTTA
B
LA
Ð
IÐ
/A
R
N
ÞÓ
R
NÁTTÚRAN Í NÁVÍGI Gengið verður
að Steinboga og inn að Gljúfrárjökli
fimmtudaginn 3. júlí.
MYND/KRISTJÁN ELDJÁRN HJARTARSON
Útivistarfólk sem leggur leið sína
norður næstu daga ætti að geta
fundið eitthvað við sitt hæfi á
Gönguviku Dalvíkurbyggðar.
Gönguvikan hófst í gær í Dal-
víkurbyggð. Fyrir gönguvikunni
stendur Dalvíkurbyggð í sam-
vinnu við Kristján Eldjárn Hjart-
arson frá Tjörn, en hann verður til
leiðsagnar í gönguferðunum.
Alls verða gengnar sjö göngu-
leiðir á sjö dögum og var sú fyrsta
gengin í gær, sunnudaginn 29. júní,
þegar Vikið var gengið. Sú leið er
um fimm tíma gönguferð. Í dag
verður gengið að Nykurtjörn og
þriðjudaginn 1. júlí verður gengið
upp að Skeiðsvatni. Daginn þar á
eftir verður gengið upp í Gloppu-
skál og fimmtudaginn 3. júlí verð-
ur gengið að Steinboga og inn að
Gljúfrárjökli. Á föstudaginn verð-
ur Hvarfshnjúkur genginn.
Laugardagurinn 5. júlí verður
síðasti dagur gönguvikunnar en
þá verður fimmtánda Þorvalds-
skokkið þreytt og einnig farið upp
í Garnir og á Sólarfjall undir leið-
sögn Bjarna Guðleifssonar. Nánar
má lesa um tímasetningar og dags-
skrá á vefsíðu Dalvíkurbyggðar,
www.dalvik.is.
Gengið víða
fyrir norðan
Hernámsdagurinn á Reyðarfirði
verður haldinn hátíðlegur á morg-
un, þriðjudaginn 1. júlí. Þá verður
hernámsins á Reyðarfirði minnst
með göngu frá verslunarmið-
stöðinni Molanum á Reyðarfirði
klukkan fimm. Óþekkti hermað-
urinn fer fyrir göngunni og segir
sögur ásamt sögumanni frá stríðs-
árunum.
Í sögu Reyðfirðinga segir um
hernámið: „Þrátt fyrir þessa at-
burði óraði Reyðfirðinga ekki
fyrir því að í heimabyggð þeirra
risi herstöð með margfalt fleiri
hermönnum en íbúarnir voru þá,
en annað kom á daginn.“ Nánari
upplýsingar um hátíðina má finna
á www.fjardabyggd.is.
Hernám á
Reyðarfirði
REYÐARFJÖRÐUR Hernámsdagurinn
verður haldinn hátíðlegur. MYND/GVA
> Þú fi nnur ítarlegar
upplýsingar á
www.tr.is
> Þjónustufulltrúar
svara þér í síma
560 4460
> Sendu okkur
fyrirspurn á
netfangið tr@tr.is
> Þjónustumiðstöð
á Laugavegi 114,
sími 560 4400
> Netsamtal – beint
samband í gegnum
www.tr.is
> Umboðsmenn TR
á landsbyggðinni
veita upplýsingar
Veldu þá leið sem hentar best – fyrir þig!
Frítekjumark atvinnutekna ellilífeyrisþega 67-70 ára hækkar í
1.200.000 kr. á ári (100 þús. á mánuði)
Frítekjumark atvinnutekna örorkulífeyrisþega hækkar einnig í
100.000 kr. á mánuði til áramóta 2008/2009
Frítekjumark lífeyrissjóðstekna örorkulífeyrisþega verður
300.000 kr. á ári (25 þús. á mánuði)
Aldurstengd örorkuuppbót hækkar hjá þeim sem ekki njóta
fullrar uppbótar
Hafðu samband
Bættur hagur lífeyrisþega er leiðarljósið við breytingar á lögum um almannatryggingar.
Fyrsti áfangi breytinganna kom til framkvæmda 1. apríl sl., annar áfangi tekur gildi 1. júlí
og þriðji áfangi 1. janúar 2009.
Frá og með 1. júlí:
Misjafnt er hversu miklar breytingar verða á kjörum hvers og eins enda eru aðstæður
lífeyrisþega mjög mismunandi.
Hvað berð ÞÚ úr býtum?