Fréttablaðið - 30.06.2008, Blaðsíða 10

10 30. júní 2008 MÁNUDAGUR
RV
U
n
iq
u
e
0
60
80
2
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Hentugt við grillið
- einnota borðbúnaður á tilboðsverði
Á tilboði í júní 2008Einnota diskar, glös, bollar og hnífapör20% afsláttur
Art Cooley, einn af stofn-
endum Environmental
Defense Fund (EDF), einna
helstu umhverfissamtaka
Bandaríkjanna, er staddur
hér á landi í skoðunar- og
kynnisferð ásamt fleiri
meðlimum samtakanna.
Fréttablaðið ræddi við
Cooley um starfsemi
sjóðsins og tröllatrú hans á
kvótakerfinu.
„Við í Environmental defense-
sjóðnum (EDF) vorum frum-
kvöðlar að því leyti að við vorum
meðal fyrstu stofnana sem sett-
um vísindamenn, lögfræðinga og
hagfræðinga inn í sama herbergi,
í þeim tilgangi að finna lausnir
við ákveðnum vandamálum,“
segir Art Cooley, stofnmeðlimur
EDF.
Sjóðurinn var stofnaður í New
York árið 1967. Upphaflegur til-
gangur samtakanna var að knýja
fram bann við notkun meindýra-
eitursins DDT, sem rannsóknir
höfðu sýnt fram á að skaðaði
fuglalíf Bandaríkjanna verulega.
Samtökunum varð svo vel ágengt
með þetta verkefni sitt að fljót-
lega var tekin sú ákvörðun að
færa út kvíarnar svo um munaði.
Í tímans rás hefur sjóðurinn
orðið að veigamiklu afli í
umhverfisvernd, bæði í Banda-
ríkjunum og víðar um heim.
Skráðir meðlimir samtakanna
eru 500.000, og halda samtökin
úti skrifstofum víða, meðal ann-
ars í Kína og Rússlandi. Um þess-
ar mundir leggur sjóðurinn drög
að viðamiklu samstarfi við Ind-
land er varðar hlýnun jarðar og
tengd málefni. Ýmis tengd mál-
efni koma til kasta sjóðsins, til að
mynda verndun sjávarlífs og
almenn heilbrigðismál.
Samstarf við stórfyrirtæki
Cooley segir meðlimi sjóðsins
fljótlega hafa gert sér grein fyrir
því veigamikla hlutverki sem
efnahagsmál gegna í umhverfis-
vernd. „Ein af aðferðunum sem
við notum til að tryggja verndun
umhverfisins er að leita eftir
samvinnu við fyrirtæki og opin-
bera starfsmenn. Við höfum
unnið með risafyrirtækjum á
borð við Walmart, FedEx og
McDonalds og það hefur haft
afar jákvæðar afleiðingar í för
með sér. Það segir sig í raun sjálft
að ef stórfyrirtæki eins og WalM-
art ákveður að huga að því að
endurhugsa starfsemi sína, þó að
takmörkuðu leyti sé, þá munu
fjöldamörg fyrirtæki fylgja í
kjölfarið.“
Cooley dregur ekki dul á að
samstarf við slík stórfyrirtæki
aflar sjóðnum af og til óvinsælda
meðal annara umhverfissinna.
„Við reynum umfram allt að ein-
beita okkur að ákveðnum vanda-
málum sem við teljum brýnt að
leysa. Ef við ættum að vega kosti
og galla hvers einasta fyrirtækis
sem við störfum með kæmum við
engu í verk. Ef við erum að berj-
ast gegn gróðurhúsaáhrifum
reynum við að fá alla þá sem eru
í aðstöðu til að leiða með góðu
fordæmi til að vinna með okkur.
Einhver annar verður að taka
slaginn gegn misnotkun á vinnu-
afli og slíkum hlutum. Það er erf-
itt að ná fram skilvirkni ef reynt
er að breyta öllu í einu,“ segir
Cooley.
Hlýnun jarðar er að mati
Cooleys brýnasta verkefnið sem
EDF vinnur að um þessar mund-
ir. „Persónulega hef ég mestan
áhuga á náttúruvernd af flestu
tagi. Hlýnun jarðar hefur auðvit-
að áhrif á náttúruna og flest
annað og er þess vegna forgangs-
atriði hjá sjóðnum.“
Vill sjá kvótakerfi víða um heim
Cooley og samstarfsmönnum
hans var boðið að snæða hádegis-
verð með Ólafi Ragnari Gríms-
syni, forseta Íslands, í vikunni.
„Við áttum gott spjall um hina
ýmsu hluti, meðal annars fisk-
veiðar og kvótakerfi. EDF vann
ötullega að því að afnema lög
gegn kvótakerfi í Bandaríkjun-
um fyrir fjórum árum. Íslending-
ar hafa að sjálfsögðu verið braut-
ryðjendur í þessum málum og við
höfum áhuga á því að sjá kvóta-
kerfi í einhverri mynd festa
rætur víðsvegar í heiminum.“
Aðspurður segist Cooley ekki
hafa gert sér grein fyrir hversu
umdeilt kvótakerfið væri hér á
landi. „Það getur verið að kerfið
henti ekki öllum þjóðum, en það
hentar mörgum af hinum stærri
þjóðum vel. Það má ekki ryksuga
fiskstofnana upp. Þegar litið er
til lengri tíma fæst mestur fiskur
úr heilbrigðum stofni.“
Hlýnun jarðar mest aðkall-
andi umhverfisvandamálið
HRIFINN AF KVÓTAKERFINU Cooley segir kvótakerfið eiga vel við stærri þjóðir.
FRÉTTAVIÐTAL: Art Cooley umhverfisverndarsinni
BERLÍN, AP Angela Merkel,
kanslari Þýskalands, segir að
Rússar og Georgíumenn verði að
nálgast lausn á deilunni um
Abkasíu, hérað sem berst fyrir
sjálfstæði frá Georgíu, áður en
Georgía geti hugað af einhverri
alvöru að aðild að Atlantshafs-
bandalaginu.
Merkel sagði eftir fund með
Mikhail Saakashvili, forseta
Georgíu, að Georgía geti og muni
verða aðili að NATO en þurfi að
ná árangri í deilunni um Abkasíu
áður en til þess geti komið.
Merkel og aðrir Evrópuleiðtog-
ar hafa tekið dræmt í inngöngu
Georgíu í NATO með þeim rökum
að Georgía sé pólitískt óstöðugt
ríki. Rússar eru mjög andsnúnir
NATO-aðild landsins. - ghs
Kanslari Þýskalands:
Þrýst á Rússa og
Georgíumenn
LAUSN ABKASÍU-DEILU LYKILATRIÐI
Saakashvili og Merkel á blaðamanna-
fundi í Berlín. FRÉTTABLAÐIÐ/AP
REYKJAVÍK Efnaminni foreldrar
nota síður frístundakortin en þeir
sem hafa meira á milli handanna.
Þetta kemur fram í nýrri skýrslu
sem Íþróttabandalag Reykjavíkur
hefur látið gera. Frístundakortin
veita hverju barni 25 þúsund
króna styrk til frístundaiðkunar.
Samkvæmt henni nota um 42
prósent þeirra sem hafa lægri
heimilistekjur en 250 þúsund kort-
in og um 38 prósent þeirra sem
eru með 250 til 399 þúsund í heim-
ilistekjur. Í tekjuhæsta hópnum,
800 þúsund og meira, er notkunin
um 70 prósent og langmest í hópn-
um þar sem heimilistekjur eru á
bilinu 550 til 799 þúsund.
Gísli Árni Eggertsson, hjá
Íþrótta- og tómstundaráði Reykja-
víkur, segir þetta ekki eiga að
koma á óvart. Ekki hafi allir efni á
því að greiða það sem vantar upp á
þegar styrkurinn sem fylgir frí-
stundakortinu er fullnýttur.
Gísli segir verkefnið vera á
áætlun. „Fyrsta árið vorum við
nokkurn veginn með rétta tölu um
fjölda notaðra korta, en þá voru
12.800 börn skráð. Í ár reiknum
við með því að um 70 prósent
barna nýti sér kortið,“ segir hann.
Hvað tekjulægsta hópinn varð-
ar segir Gísli úrræði fyrir hann
vera í stöðugri skoðun. „Við vilj-
um tryggja það að börn hafi jöfn
tækifæri til frístundastarfsemi,
óháð búsetu, efnahag og félagsleg-
um þáttum.“ - kóp
Efnaminni foreldrar nota frístundakortin síður en hinir efnuðu:
Frístundakort á áætlun
Á ÁÆTLUN Gísli Árni segir frístundakort-
in hafa spurst vel út og mikil ánægja sé
með þau. FRÉTTABLAÐIÐ/RÓSA
VEÐUR „Ég get fullyrt að frjó-
kornin koma þó nokkuð fyrr í ár
en venjulega,“ segir Margrét
Hallsdóttir hjá Náttúrufræði-
stofnun Íslands. „Sumarið í
fyrra var meðal mestu frjó-
sumra en engu að síður mælist
frjótalan meiri í ár. Þetta stafar
af þurrviðri og hlýindum.“
Mikael Clausen, læknir á
göngudeild Landspítalans segir
bera á ofnæmiseinkennum
snemma í ár.
„Algengt er að fólk sem er
yfirleitt ekki slæmt fyrr en í lok
júlí sé þegar komið með ein-
kenni. Það er gríðarlega mikið
að gera hjá læknum núna út af
frjóinu.“ - ges
Frjókornin snemma í ár:
Óvenju mikið
af frjókornum
SINUELDAR, AP Ríkisstjóri Kaliforn-
íu, Arnold Schwartzenegger,
hefur óskað eftir neyðaraðstoð
frá Bandaríkjaforseta vegna
skógareldanna sem geysa í
Kaliforníu. Haft var eftir
Schwartzenegger að erfiðlega
gengi að ráða niðurlögum
eldanna.
Slökkviliðsmenn reyna nú að
stöðva nýja elda sem kunna að
kvikna í kjölfarið. Eldarnir, sem
kviknuðu út frá eldingu, hafa nú
þegar eyðilagt um 109 ferkíló-
metra landsvæði og sextán
heimili. Mikinn reyk leggur yfir
allt og er fólki ráðlagt að halda
sig innandyra að svo stöddu. - sm
Skógareldar í Kaliforníu:
Óskað eftir
neyðaraðstoð
Finnar funda með NATO
Finnski utanríkisráðherrann Alexand-
er Stubb hitti í síðustu viku Jaap de
Hoop Scheffer, framkvæmdastjóra
NATO. Þetta var fyrsti opinberi fund-
urinn milli utanríkisráðherra Finn-
lands og NATO í sex ár. Rætt var um
aðgerðir NATO í Kosovo og Afganistan
en Finnar taka við forystunni fyrir
hersveitum bandamanna í Kosovo í
ágúst, að sögn finnska ríkisútvarps-
ins. Ákveðið hefur verið að fundir af
þessu tagi verði haldnir tvisvar á ári í
framtíðinni.
FINNLAND
FRÉTTASKÝRING
KJARTAN GUÐMUNDSSON
kjartan@frettabladid.is
KAMPAKÁTIR Tveir Þjóðverjar bjuggu
sig á spænskri strönd undir viðureign
Þjóðverja og Spánverja í Evrópumeist-
arakeppninni í fótbolta.
FRÉTTABLAÐIÐ/AFP