Fréttablaðið - 30.06.2008, Blaðsíða 56

24 30. júní 2008 MÁNUDAGUR
sport@frettabladid.is
FÓTBOLTI Stjarnan, Þór/KA, Fylkir
og ÍA tryggðu sér sæti í átta liða
úrslitum VISA-bikars kvenna um
helgina.
Inga Birna Friðjónsdóttir
tryggði Stjörnunni 1-0 sigur á
Aftureldingu, Fylkir vann 5-0
stórsigur á Fjölni á útivelli og ÍA
vann 4-2 sigur á FH eftir fram-
lengingu í Kaplakrika.
Þór/KA vann 4-0 sigur á Sindra
fyrir norðan þar sem Rakel
Hönnudóttir skoraði þrennu og
Alexandra Tómasdóttir skoraði
eitt. Í átta liða úrslitunum eru
einnig fjögur efstu liðin á síðasta
tímabili sem öll sátu hjá í
þessarri umferð en það eru lið
Vals, KR, Breiðabliks og Kefla-
víkur. - óój
VISA-bikar kvenna í fótbolta:
Átta liða úrslit-
in eru klár
ÞRENNA Rakel Hönnudóttir setti þrjú
mörk gegn Sindra. FRÉTTABLAÐIÐ/XXX
FÓTBOLTI Norðurlandamót
stúlknalandsliða, 16 ára og yngri,
hefst í dag.
Íslensku stelpurnar mæta
Dönum klukkan 16:00 á Selfossi
en á sama tíma spila hin liðin í
íslenska riðlinum, Noregur og
Þýskaland, á Hvolsvelli.
Mótið hefst með leik Svíþjóðar
og Hollands klukkan 14,00 á
Garðsvelli en Frakkland og
Finnland mætast síðan klukkan
16.00 á Sparisjóðsvellinum í
Keflavík. - óój
NM á Íslandi hefst í dag:
Stelpurnar
mæta Dönum
ÍSLENSKU STELPURNAR Byrja gegn
Dönum. FRÉTTABLAÐIÐ/ARNÞÓR
>Skorar Björgólfur í sjötta leiknum í röð?
KR-ingurinn Björgólfur Takefusa hefur
verið á skotskónum síðustu vikur og
hefur nú skorað sjö mörk í síðustu
fjórum leikjum sínum í Landsbanka-
deildinni. Björgólfur skoraði auk
þess sigurmark KR gegn KB í 32
liða úrslitum bikar-
keppninnar og getur því
skorað í sjötta leiknum
í röð í kvöld þegar KR tekur á móti
ÍA á KR-vellinum. Þess má geta að
Björgólfur skoraði samtals 4 mörk í
19 deildar- og bikarleikjum í fyrra.
FÓTBOLTI Fylkismenn horfðu á
eftir 6,4 milljónum og lettneska
liðinu FK Riga í næstu umferð
Intertoto-keppninnar þegar þeir
töpuðu seinni leik liðanna 0-2 á
Laugardalsvellinum í gær. Fylkir
vann fyrri leikinn 2-1 í Lettlandi
og mátti því tapa 0-1 í gær.
Fylkismenn virkuðu áhugalaus-
ir en það var hins vegar allt annar
bragur á leik Riga liðsins. Þeir
voru grimmir frá fyrstu mínútu
og greinilega staðráðnir í að
hefna fyrir 1-2 tap í fyrri leikn-
um. Leikmenn Riga komust yfir
strax á 6. mínútu leiksins eftir
góða sókn sem lauk með föstu
skoti Kalonas Mindaugas, óverj-
andi fyrir Fjalar í marki Fylkis.
Eftir markið sóttu leikmenn Riga
stíft án þess þó að ná að skapa sér
alvöru færi. Hjá Fylki var lítið að
gerast í fyrri hálfleik, miðjuspil
var ekki til staðar, sóknarleikur-
inn tilviljanakenndur og liðið
fékk ekki eitt einasta færi.
Í seinni hálfleik var það sama í
gangi. Fylkismenn voru mjög
varkárir og reyndu lítið að sækja
en leikmenn Riga voru mun
hættulegri í öllum sínum leik.
Leikmenn Riga sóttu áfram
stíft og reyndu að bæta við öðru
marki. Það bar árangur á 73. mín-
útu þegar Mindgaugas renndi
boltanum snyrtilega framhjá
Fjal ari í Fylkismarkinu eftir
slæm mistök í vörn þeirra. Það
sem eftir lifði leiks fengu Fylkis-
menn tvær aukaspyrnur rétt utan
teigs sem þeim tókst ekki að nýta,
auk nokkurra hálffæra sem ekk-
ert varð úr.
Ólafur Ingi Stígsson fyrirliði
Fylkis var daufur í leikslok:
„Við erum hundfúlir. Menn
voru á hælunum strax frá byrjun
og voru of mikið að hugsa um að
verja sigurinn í fyrri leiknum og í
fótbolta gengur það aldrei upp.
Þeir skora snemma sem gefur
þeim mikinn kraft í leikinn og svo
var vindurinn erfiður í fyrri hálf-
leik. Ef við hefðum komist í gegn-
um fyrri hálfleikinn á núlli hefði
þetta allt litið öðruvísi út, en það
gekk ekki og svona fór þetta bara.
Í seinni hálfleik vorum við mjög
varkárir enda vissum við að eitt
mark hjá þeim þýddi að við
værum úr leik og þá urðum við
hræddari við að byggja upp sókn-
ir,“ sagði Ólafur Stígsson fyrirliði
Fylkis við Fréttablaðið. - Rvig
Fylkismenn misstu af 6,4 milljónum þegar þeir duttu út úr Intertoto-keppninni í Laugardalnum í gær:
Endastöð fyrir kraftlausa Fylkismenn
EIN AF FÁUM Jóhann Þórhallsson í færi í gær. FRÉTTABLAÐIÐ/ANTON
Víkingar eru aftur komnir inn í baráttuna um sæti í Lands-
bankadeild karla eftir tvo sigurleiki í röð. Það getað þeir
þakkað tvítugum strák sem liðið er með í láni frá KR. Brynj-
ar Orri Bjarnason hefur komið inn á sem varamaður í síð-
ustu tveimur leikjum og skorað sigurmarkið í þeim báðum.
Bæði mörkin komu á 85. mínútu leiksins eftir að hann var
búinn að vera í 20 mínútur inni á móti Þór og í 9 mínútur á
móti Stjörnunni. „Ég fékk ekki langan tíma og það er kannski
ótrúlegt að hafa náð þessu. Fyrra markið var algjört pot
en í seinna markinu þurfti maður að klára færið og þá
skoraði ég rétt fyrir utan markteig,” segir Brynjar,
en bjóst hann ekki við að vera í byrjunarliðinu
eftir að hafa skorað sigurmarkið gegn Þór? „Það
var svona bæði og. Þjálfarinn er búinn að vera
að tala við mann og skýra út stöðuna þannig
að ég vissi það alveg fyrirfram að ég myndi
líka byrja á bekknum gegn Stjörnunni,” segir
Brynjar og bætir við. „Ég hef bara verið að bíða
eftir tækifærinu og er að reyna að koma mér í
almennilegt form því ég var meiddur áður en ég kom til Víkings.
Ég vil meina það að það sé aðalástæðan fyrir því að ég hef ekki
fengið að spila meira,” segir Brynjar sem hefur verið að glíma
við ökklameiðsli frá 2005.
„Byrjunin var hálfgerður skandall af okkar hálfu og við vorum
ægilega lélegir. Við komum sterkir inn núna og erum komnir
í fulla baráttu um að komast upp,” segir Brynjar sem játar því
að mikilvægi marka hans hafi verið mikið. Hann er líka orðinn
vinsæll í stúkunni. „Stuðningsmennirnir eru búnir að gefa mér
viðurnefni og það er Super-Bob og þar nota þeir stafina í
fangamarkinu mínu,” segir Brynjar í léttum tón.
Brynjar er yngri bróðir landsliðsmannsins Theódórs
Elmars Bjarnasonar sem spilar nú með Lyn í norsku
úrvalsdeildinni. „Það væri draumurinn að komast
líka út en hann fjarlægðist nokkuð þegar maður
meiddist. Nú setur maður sér bara styttri mark-
mið,” segir Brynjar og það fyrsta er örugglega að
komast í byrjunarliðið fyrir næsta leik sem er á
móti Víkingum frá Ólafsvík.
VÍKINGURINN BRYNJAR ORRI BJARNASON: KOM INN Á OG SKORAÐI SIGURMARK Í ÖÐRUM LEIKNUM Í RÖÐ
Þeir eru farnir að kalla mig Super-Bob
FÓTBOLTI Eftir áralöng vonbrigði
og endalaus sár töp í stórmótum
síðustu áratuga eru Spánverjar
loksins komnir á toppinn og orðnir
Evrópumeistarar í knattspyrnu.
Spánn varð Evrópumeistari í
fyrsta sinn frá 1964 þegar liðið
vann 1-0 sigur á Þýskalandi í
úrslitaleik Evrópumótsins 2008
sem fram fór í Vínarborg í gær.
Þjóðverjar byrjuðu leikinn af
miklum krafti og það leit út fyrir
að þeir ætluðu að beita sömu leik-
aðferð og gegn Portúgal þegar
þeir komu á óvart með því að
pressa sóknarlið Portúgala fram-
arlega. Það gafst vel og fyrstu 20
mínútur úrslitaleiksins í gær var
eins og þetta ætlaði að ganga upp.
Þjóðverjar héldu hinsvegar ekki
út og þegar fyrri hálfleikurinn var
hálfnaður fóru Spánverjar að taka
öll völd á vellinum. Fernando Tor-
res var illviðráðanlegur á þessum
tíma og áður en hann kom Spáni í
1-0 á 33. mínútu þá átti hann lag-
legan skalla í stöng.
Torres sýnd snilli sína með
markinu sem var vel þess virði að
færa Spánverjum langþráðan Evr-
ópumeistaratitil. Hraði, mark-
heppni og grimmd þessa hrokkin-
hærða gulldrengs Liverpool
skilaði sér í því að hann komst í
boltann, á milli bakvarðarins og
markvarðarins og lyfti honum
síðan snyrtilega í markið.
Næst er að vinna HM
Spánverjar héldu áfram yfirburð-
um sínum í seinni hálfleik og hvað
eftir annað munaði litlu að
spænska spilið splundraði þýsku
vörninni.
Þjóðverjarnir áttu fá svör og
lentu hvað eftir annað í eltingaleik
þar sem Spánverjarnir létu bolt-
ann ganga með stuttum og snörp-
um sendingum. Annað mark kom
þó ekki en sigurinn var sanngjarn
og aldrei í verulegri hættu.
„Þarna var draumur er að ræt-
ast. Þetta er okkar fyrsti titill
saman og við vonumst til að hann
verði sá fyrsti af mörgum. Við
eigum ennþá eftir að vinna HM og
við höfum metnað til þess. Loksins
vann það lið sem spilaði besta fót-
boltann,” sagði Torres eftir leik.
„Við verðum bara að viðurkenna
að Spánverjar spiluðu frábærlega
í kvöld. Við erum vonsviknir en ég
verð að hrósa mínu liði fyrir frá-
bæra frammistöðu síðustu vikur,”
sagði Joachim Loew, þjálfari
Þýskalands.
Spænska vörnin er vissulega
traust en það er miðja liðsins sem
er að reynast andstæðingum
þeirra svo erfið.
Stutt sampsil, stanslaus stutt
hlaup og hreyfing og alltaf er bolt-
inn látinn vinna fyrir liðið. Fyrir
vikið eru þessir snjöllu miðju-
menn liðsins alltaf í fullkomnu
jafnvægi og með fullkomna stjórn
á boltanum þegar þeir stinga
honum í gegn á sinn frábæra fram-
herja.
Það eru ekki allir sem hafa efni
á því að spila án markakóngs
keppninnar í úrslitaleiknum en
það eiga heldur ekki allir sóknar-
parið Fernando Torres og David
Villa. Torres stóðst pressuna og
gott betur og átti frábæran leik.
Ný sigurkynslóð fædd
Spánverjar fengu ekki á sig mark
síðustu 348 mínúturnar í mótinu
og Iker Casillas hélt hreinu alla
útsláttarkeppnina. Það var því við
hæfi að hann tæki við Evrópubik-
arnum í leikslok.
Casillas er aðeins 27 ára gamall
og stærsti hluti liðsins er rétt að
byrja sinn feril þannig að þessi
snjalli markvörður ætti að geta
lyft fleiri bikurum á næstu árum.
Það er ljóst að Spánverjar þurfa
ekki að kvíða framtíðinni því ný
sigurkynslóð er fædd.
ooj@frettabladid.is
Torres tryggði Spánverjum titilinn
Spánverjar urðu Evrópumeistarar í fyrsta sinn í 44 ár í Vín í gær. Fernando Torres skoraði sigurmarkið í
fyrri hálfleik, Spánverjar voru miklu betri í úrslitaleiknum og vonast nú til að ný sigurkynslóð sé fædd.
SIGURMARKIÐ Fernando Torres lyftir hér
boltanum yfir Lehmann. NORDICPHOTOS/AFP
HETJAN Spánverjinn Fernando Torres með Evrópubikarinn. NORDICPHOTOS/AFP