Fréttablaðið - 30.06.2008, Blaðsíða 16
16 30. júní 2008 MÁNUDAGUR
timamot@frettabladid.is
MICHAEL PHELPS SUNDKAPPI ER
23 ÁRA.
„Ég held að allt sé mögu-
legt, svo framarlega sem þú
einbeitir þér að því og legg-
ur mikla vinnu og tíma í
það. Það er hugurinn sem
stjórnar.“
Michael Phelps er margfald-
ur meistari í sundi. Á Ólymp-
íuleikunum í Aþenu árið 2004
vann hann 6 gullverðlaun.
Hann er núverandi heimsmet-
hafi í fjórum greinum í sundi.
Sápuóperan Leiðarljós
eða „Guiding Light“ er Ís-
lendingum að góðu kunn.
Vanessa Chamberlain,
Billy Lewis, Reva Shayne,
og Ross Marler eru þekkt
nöfn í hugum margra. Sam-
kvæmt Heimsmetabók
Guinnes er Leiðarljós sú
sápuópera sem hefur verið
lengst í framleiðslu og er
lífseigasti dramaþáttur sjón-
varpssögunnar. Fimmt-
án þúsundasti sjónvarps-
þátturinn af Leiðarljósi fór
í loftið 7. september árið
2006. Árið 2009 mun 72. þáttaröð af Leiðarljósi
hefjast.
Sápuóperan Leiðarljós gerist í Springfield í
Bandaríkjunum. Í þátt-
unum er fjallað um ástir,
hatur, átök og sættir á milli
fjölskyldna og vina. Höf-
undur Leiðarljóss er Irna
Phillips og byggir hún
þættina á eigin lífsreynslu.
Leiðarljós byrjaði sem út-
varpsþáttaröð árið 1937
áður en hún færðist yfir í
sjónvarpið 30. júní 1952.
Titillinn „Guiding Light“ á
nafn sitt að rekja til lampa
í lesstofu Dr. John Ruth-
ledge sem var ein af aðal-
persónunum í þáttaröðinni
þegar hún hóf göngu sína árið 1937. Leiðarljós er
einstaklega vinæl sápuópera og hefur unnið til
fjölda verðlauna á sínum langa ferli.
ÞETTA GERÐIST: 30. JÚNÍ 1952
Leiðarljós byrjar í sjónvarpi
MERKISATBURÐIR
1862 Eldgos hefst vestan Vatna-
jökuls. Það stendur yfir í
rúm tvö ár.
1874 Skólapiltar úr Lærða skól-
anum í Reykjavík halda
brennu á Melunum til að
láta í ljós andúð sína á
latneskum stíl.
1910 Laufey Valdimarsdóttir út-
skrifast úr Lærða skól-
anum, fyrst íslenskra
kvenna.
1968 Kristján Eldjárn er kjörinn
forseti Íslands.
1974 Kvenlögregluþjónar taka í
fyrsta sinn þátt í löggæslu,
en þennan dag var kosið
til Alþingis.
1990 Kvennahlaup ÍSÍ er haldið
í fyrsta sinn.
1994 Kvikmyndin Bíódagar eftir
Friðrik Þór Friðriksson er
frumsýnd í Stjörnubíói.
Húsfyllir var í nýuppgerðu samkomu-
húsi Flateyjar á Breiðafirði um miðjan
júní þegar þar var í fyrsta sinn opnuð
málverkasýning. Um var að ræða sýn-
ingu á verkum Jóns Bogasonar, rann-
sóknarmanns og frístundamálara.
Myndefnið tengist allt Flatey eða
sjónum á einhvern hátt. Myndirn-
ar eru frá löngu tímabili en Jón fékk
ungur áhuga á að mála. „Ég hef alltaf
haft gaman af að mála, þá sérstaklega
að teikna og ég teiknaði mikið, einna
helst botndýr,“ segir Jón. Hann hefur
áður sýnt verk sín en þetta er fyrsta
einkasýning hans.
Þegar Jón er spurður hvort hann
máli ennþá segist hann ekki gera mikið
af því. „Ég hef ekki verið að mála
mikið í vetur, ég hef verið hálflatur við
að mála síðustu árin,“ segir hann kím-
inn. Jón fæddist í Flatey á Breiðafirði
hinn 9. apríl árið 1923 og ólst hann þar
upp. Áhugi Jóns á náttúrunni kvikn-
aði snemma. „Þegar ég var ungur var
ég mikill grúskari og hafði gaman af
að fara niður í fjöru í Flatey og skoða
hluti eins og steina og marflær,“ segir
Jón. Samt kom honum aldrei til hugar
að læra neitt í því sambandi, eins og að
verða náttúrufræðingur.
Jón hefur fengist þó nokkuð við
myndlist um ævina og ekki kemur á
óvart að myndefnið tengist sjónum á
einhvern hátt. „Ég mála mest botndýr
og landslagsmyndir,“ segir Jón. Hann
stundaði nám við Myndlista- og hand-
íðaskólann veturinn 1946-47. „Þegar
ég kom suður fór ég í Myndlista- og
handíðaskólann í einn vetur og líkaði
vel,“ segir Jón.
Þekktasta málverk Jóns gerði hann
áður en hann hóf myndlistarnám. Það
ber nafnið Heimkoma víkingsins og
var ljósmynd af verkinu forsíðumynd
á afmælisriti Hafrannsóknarstofnun-
ar árið 1987. Jón fluttist til Reykjavík-
ur árið 1953 með Yngva bróður sínum
en settist fljótlega að í Kópavogi. „Ég
flutti suður að mig minnir af því at-
vinnutækifærin voru í bænum,“ segir
hann.
Jón hóf störf hjá Hafrannsóknar-
stofnun við rannsóknarstörf árið 1972
en þá hafði hann lengi starfað sjálf-
stætt að söfnun skeldýra og annarra
sjávarlífvera. Hann hefur meðal ann-
ars fundið nokkur hundruð dýrateg-
unda sem ekki voru þekktar áður við-
Ísland og nokkra tugi tegunda sem
aldrei höfðu fundist áður í heiminum,
aðallega skeldýr en einnig krabbadýr.
Heil ættkvísl skeldýra hefur verið
nefnd í höfuðið á honum og er latneska
heitið á henni Bogasonia. Jón fann
eina tegund sem talið var að væri út-
dauð. „Ég fann fyrir nokkrum árum
samlokur, ákveðna tegund skelja sem
hefur ekki verið vitað um í 250 millj-
ón ár vestur á Breiðafirði og það er
það merkilegasta sem ég hef fundið,“
segir Jón.
sigridurp@frettabladid.is
JÓN BOGASON: RANNSÓKNARMAÐUR OG FRÍSTUNDAMÁLARI OPNAR SÝNINGU
Áhugi á listum og náttúru
AFMÆLI
ÓSKAR
JÓNASSON
kvikmynda-
gerðar-
maður er
44 ára.
NJÖRÐUR P.
NJARÐVÍK
prófessor er
72 ára.
SIGUR-
BJÖRN
EINARSSON,
fyrrverandi
biskup, er
97 ára.
MIKE
TYSON
boxari er 42
ára.
Móðir okkar,
Jóhanna Halldóra
Elíasdóttir
frá Elliða í Staðarsveit, síðast til heimilis
að Öldugötu 44, Hafnarfirði,
andaðist á hjúkrunarheimilinu Víðihlíð í Grindavík
þriðjudaginn 24. júní. Útför hennar verður gerð frá
Hafnarfjarðarkirkju þriðjudaginn 1. júlí kl. 15.00.
Sigríður Elsa Óskarsdóttir
Jón Áskels Óskarsson
Valur Óskarsson
Guðríður Óskarsdóttir
Hrafnkell Óskarsson
Rut Óskarsdóttir
Ástkær eiginmaður minn, faðir,
tengdafaðir, afi og langafi,
Baldur S. Kristensen
sem lést laugardaginn 21. júní, verður jarðsunginn
frá Fossvogskirkju þriðjudaginn 1. júlí kl. 13.00.
Blóm og kransar vinsamlega afþakkaðir en þeim
sem vilja minnast hans er bent á félag aðstandenda
Alzheimersjúklinga.
Helga Kristinsdóttir
Kristinn Baldursson Hulda Guðný Ásmundsdóttir
Ingibjörg Baldursdóttir Finnur Magni Finnsson
afabörn og langafabörn.
Faðir minn og móðurbróðir,
Sigurður Guðbrandsson
matreiðslumaður, Norðurbrún 1,
Reykjavík,
sem lést miðvikudaginn 25. júní á St.
Jósefsspítala í Hafnarfirði, verður jarðsunginn frá
Hafnarfjarðarkirkju þriðjudaginn 1. júlí kl. 13.00.
Sigríður J. Sigurðardóttir
Ólafur Laufdal.
Steinsmiðja
• Viðarhöfða 1
• 110 Reykjavík
• 566 7878
• Netfang: rein@rein.is
• Vönduð vinna
REIN
Legsteinar
í miklu úrvali
FRÍSTUNDAMÁLARI
Jón Bogason, rann-
sóknarmaður og
frístundamálari, heldur
sýningu á verkum
sýnum í Flatey á
Breiðafirði. Sýningin
stendur út júlí.
M
YN
D
/B
ER
G
LIN
D