Fréttablaðið - 30.06.2008, Blaðsíða 36

30. JÚNÍ 2008 MÁNUDAGUR16 ● fréttablaðið ● híbýli - baðherbergi
Mr. Suicide-baðtappinn frá Alessi.
Saggi getur myndast í sturtuhengj-
um og baðmottum, rétt eins og flest-
um öðrum hlutum á baðherberginu.
Eftirfarandi ráð eru góð til að koma
í veg fyrir eða losna við saggann.
● Haldið sturtuhenginu eins og
nýju með því að festa það fyrir
framan eldra hengi á sama krók-
inn. Gamla hengið ver þannig
hið nýja gegn vatni og sápu-
froðu.
● Til að koma í veg fyrir að sturtu-
hengið krumpist, látið það þá í
vélina ásamt þvottaefni og mat-
arsóda til helminga og tveim-
ur stórum handklæðum. Setjið
bolla af ediki í skolunina, heng-
ið sturtu hengið upp strax eftir
þvottinn og látið það ekki í þurrk-
arann. ● Ef um plasthengi er að
ræða, látið þá nokkra dropa af
jarðolíu í skolunarvatnið. Þannig
helst það mjúkt og sveigjanlegt.
Viðhaldið mýktinni með því að
strjúka það stöku sinnum með
blöndu af volgu vatni og jarð-
olíu.
● Eyðið sagga með því að úða ný-
þvegið sturtuhengi með sótt-
hreinsunarefni.
● Þvoið baðmottur úr gúmmíi
eða vínil með því að setja þær
í þvottavél og handklæði með.
Frottéefnið skrúbbar mottuna og
allt kemur hreint til baka.
Nánari upplýsingar á www.
home.howstuffworks.com. - mþþ
Losnaðu við
saggann
Sturtuhengi geta safnað í sig myglu.
● MR. SUICIDE Þessi skondni
baðtappi kemur úr smiðju ítalska
hönnunarrisans Alessi sem fékk
hönnuði, arkitekta og teikni-
myndafólk af yngri kynslóðinni til
að skapa glaðlega heimilishluti
úr plasti, en með því gerði hann
ódýrt efni að eftirsóttum hönn-
unarhlutum fyrir safnara. Útkom-
an skilaði sér í fjölbreyttum met-
söluvarningi, eins og Mr. Suicide
eftir ítalska teiknimyndagerðar-
manninn Massimo Giacon sem
notar kaldhæðinn húmor sinn
við hönnun ýmissa baðherberg-
ishluta, eins og sápuskammtar-
ann Mr. Cold sem spýtir út sápu í
gegnum nefið. Mesta fjörið hefst
þegar tappinn er festur í niður-
fallið því þá flýtur skelkaður og
óhress Mr. Suicide í baðvatninu.
- þlg
Ef fólk er orðið þreytt á hinum venjulegu hvítu vöskum er tilval-
ið að skoða ítalska fiskabúrsvaskinn. Hann er meðal furðulegra
hluta sem finna má á baðherbergið. Vaskurinn er búinn til af ítalska
fyrirtækinu Italbrass og hannaður til þess að skapa líflega og þægi-
lega stemningu í baðherberginu. Fiskabúrsvaskurinn er ekki fyrir
hvern sem er því hann er í raun og veru fiskabúr með lifandi fisk-
um sem þarfnast umhirðu.
Vaskurinn er óneitanlega sérstakur útlits og líklegur til að vekja
áhugaverðar umræður hvar sem hann ber fyrir sjónir.
Vaskur eða fiskabúr?
A
R
G
U
S
/
0
8-
02
56
Hin nýuppgerða Sundlaug Kópavogs er öll hin glæsilegasta og leitun að öðru
eins. Hún er búin nýjustu tækni og öryggiskerfið er það besta sem völ er á.
Í Sundlaug Kópavogs er úr nógu að velja, jafnt fyrir unga sem aldna: Frábærar
úti- og innilaugar, huggulegir heitir pottar, þægileg vaðlaug, spennandi
rennibrautir og hvers kyns önnur aðstaða til góðrar hreyfingar, slökunar og
skemmtunar.
Er hægt að hugsa sér það dásamlegra?
GLÆSILEG
SUNDLAUG!
KOMDU Í SUND!
SUNDLAUG KÓPAVOGS