Fréttablaðið - 08.07.2008, Blaðsíða 19
[ ]
Hjólbörur eru kannski ekki það
fyrsta sem kemur upp í hugann
þegar verið er að skipuleggja
grillveisluna. Hjólbörur frá
ÍTR hafa engu að síður reynst
ágætis grill og eru vinsælar við
ýmis tækifæri.
„Hjólbörugrillin eru eiginlega
bara venjuleg grill sem ÍTR leigir
út. Þau hafa ekki verið mikið leigð
í sumar. Undanfarin ár hefur þetta
þó verið tekið svolítið,“ segir Kári
Garðarsson, verkefnisstjóri Sum-
ar gríns ÍTR.
„Hjólbörugrillin eru náttúru-
lega þægileg. Þú bombar bara
kolum í hjólbörurnar og kveikir í.
Það er hægt að grilla svolítið mikið
á þeim,“ upplýsir Kári. „Þetta eru
í rauninni bara venjulegar hjól-
börur eins og verkamenn nota.
Þær eru keyrðar á svæðið og fyllt-
ar af kolum. Þetta er eins auðvelt
og mögulegt er. Þegar búið er að
grilla eru kolin látin kólna og
sturtað úr hjólbörunum,“ segir
Kári.
Að sögn Kára hafa hjólböru-
grillin verið vinsæl í grillveislur
og aðra mannfögnuði en fyrirtæki
og stofnanir hafa aðallega leigt
þau. Einstaklingum stendur þó
einnig til boða að leigja þau þótt
lítið hafi borið af því hingað til.
„Ég held að útvarpsstöðin X-ið
hafi verið með grillveislur annað
slagið í fyrra eða hitteðfyrra og
fengið hjólbörugrillin leigð af því
tilefni,“ segir Kári.
Eins og fyrr sagði eru hjólböru-
grillin hluti af Sumargríni ÍTR,
sem eru leiktæki sem farið er með
á milli skólalóða í júní og júlí og
hugsuð sem þjónusta við borgar-
búa. „Frístundaheimilin, leikja-
námskeið og leikskólar nýta sér
leiktækin mikið. Grillin fylgja í
rauninni því starfi,“ segir Kári og
bætir hlæjandi við að þau séu þó
að sjálfsögðu ekki hluti af leik-
tækjunum. martaf@frettabladid.is
Hjólbörur í grillveisluna
FR
ÉTTA
B
LA
Ð
IÐ
/A
U
Ð
U
N
N
Kári Garðarsson segir
hjólbörugrillin þægileg í
notkun en þau hafa verið
eftirsótt í grillveislur og
aðra mannfögnuði.
Boltaleikir eru tilvaldir fyrir yngstu kynslóðina á sumrin
þegar veður er gott. Þá geta fullorðnir líka brugðið á leik.
Auglýsingasími
– Mest lesið