Fréttablaðið - 08.07.2008, Blaðsíða 46
30 8. júlí 2008 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
VEISTU SVARIÐ
Svör við spurningum á síðu 8
1 Paul Ramses.
2 Á Akranesi.
3 Des Browne.
LÁRÉTT
2. bauti, 6. guð, 8. fornafn, 9. angan,
11. gelt, 12. slagorð, 14. urga, 16.
kúgun, 17. ennþá, 18. að, 20. tveir
eins, 21. sjúkdómur.
LÓÐRÉTT
1. fjúk, 3. kringum, 4. gróðrahyggja,
5. af, 7. sambandsríkis, 10. skraf, 13.
atvikast, 15. sál, 16. munda, 19. í röð.
LAUSN
LÁRÉTT:
2. buff, 6. ra, 8. mér, 9. ilm, 11. gá, 12.
frasi, 14. ískra, 16. ok, 17. enn, 18. til,
20. dd, 21. asmi.
LÓÐRÉTT:
1. drif, 3. um, 4. fégirnd, 5. frá, 7.
alríkis, 10. mas, 13. ske, 15. andi, 16.
ota, 19. lm.
Auglýsingasími
– Mest lesið
Sjónvarpsstjarnan Ragnhildur
Steinunn Jónsdóttir sneri á
sunnudag heim úr mikilli reisu.
Ragnhildur Steinunn var í
mánuð í Bandaríkjun-
um ásamt góðvinkonu
sinni Sigrúnu Ósk
Kristjánsdóttur,
ritstjóra Skessuhorns.
Þær dvöldu í tvær
vikur í Los Angeles en
heimsóttu líka Las
Vegas og New York.
Auk þess notuðu þær
ferðina og kíktu yfir til Nýju-Mexíkó
þar sem þær fylgdust með tökum
á Hollywood-mynd leikstjórans
Baltasars Kormáks.
Sigríður Dögg Auðunsdóttir verð-
launablaðamaður er mætt til starfa
á ný eftir fæðingarorlof og skrifar
um þessar stundir í Mannlíf þar
sem ræður ríkjum hennar fyrrver-
andi yfirmaður, Sigurjón Magnús
Egilsson. Þau eru
einmitt tvíeykið sem
stóð í eldlínunni á
Fréttablaðinu þegar
Jónínu Benedikts-
dóttur-mál og tölvu-
póstur hennar kom
upp og málarekstur
varð í kjölfarið
þannig að búast má
við látum. Sigríður
Dögg hyggst þó ekki staldra lengi
við og hættir störfum í haust hjá
Birtíngi en þaðan hvarf Valdimar
Birgisson, auglýsingastjóri og eigin-
maður, hennar fyrir nokkru.
Á götum Kópavogs hefur Prince
Rajcomar, leikmaður Breiða-
bliks í knattspyrnu, sést aka um á
splunkunýjum hvítum Range Rover.
Hafa menn velt fyrir sér hvort laun
knattspyrnumanna í Landsbanka-
deildinni séu orðin svo há
að menn geti leyft sér að
kaupa slíkt tryllitæki. Sú
mun ekki vera raunin
því bílinn á Gylfi
Gylfason, sölufull-
trúi hjá Remax Lind, og
góður vinur Prinsins.
Prince fær hann hins
vegar lánaðan stöku
sinnum þegar hann vill
fara út að leika, ef svo
má að orði komast.
-hdm/jbg/shs
FRÉTTIR AF FÓLKI
Það var dýrari gerðin af lysti-
snekkju sem lagði að Reykjavík-
urhöfn í gær. Um var að ræða
snekkjuna Lone Ranger Hamilton
sem er í eigu auðkýfingsins Peters
Lewis. Peter þessi er stjórnarfor-
maður í Progressive Corporation
sem er tryggingafélag sem sér-
hæfir sig í tryggingum ökutækja.
Fyrirtækið hefur aðsetur í Cleve-
land og var stofnað árið 1937 af
föður Peters, Joseph Lewis.
Snekkjan er stór í sniðum, það stór
að önnur snekkja var flutt með
henni.
Peter lagði af stað frá Narsarsuaq
á Grænlandi hinn 20. júní og stefndi
þá að því að eyða tveimur vikum í
siglingar við Grænland.
Peter er dyggur stuðnings maður
Demókrataflokksins í Bandaríkj-
unum og annarra vinstri afla. Þá
hefur hann einnig barist fyrir lög-
leiðingu marijúana árum saman.
Hann er stórvinur auðkýfingsins
George Soros. Báðir studdu þeir
samtökin America Coming
Together sem höfðu það að leiðar-
ljósi að hindra endurkjör George
W. Bush árið 2004. -shs
Kannabis-auðkýfingur á Íslandi
LONE RANGER HAMILTON Lystisnekkja Peters Lewis lá í Reykjavíkurhöfn í gærdag.
FRÉTTABLAÐIÐ/VALLI
„Súpan á Asíu er aðalmálið, ég
borða hana nokkrum sinnum í
viku og síðan er það föstudags-
pítsan hjá Geira 3d.“
Magnús Leifsson, grafískur hönnuður
„Ég hef lúmskt gaman af þessu
þó að það hafi oft verið erfitt og
ýmis spjót staðið á manni þá var
þetta eftir á að hyggja þokkalega
gaman,“ segir Davíð Þór Jóns-
son, þýðandi og skemmtikraftur.
Hann hefur verið ráðinn til að
taka að sér dómgæslu og semja
spurningar í Gettu betur – spurn-
ingakeppni framhaldsskólanna
sem verður að venju á dagskrá
Ríkissjónvarpsins næsta vetur.
Davíð Þór þekkir Gettu betur
mæta vel. Hann var spyrill á
árunum 1996, 1997 og 1998 og var
dómari árið 2007. Davíð Þór
kannast mæta vel við að miklar
kröfur eru gerðar til dómara
keppninnar. Hann segir það eðli-
legt miðað við hversu mikla vinnu
framhaldsskólanemar sem í lið-
unum eru leggi í þetta sé sjálf-
sagt að framkvæmd keppninnar
sé eins óaðfinnanleg og hægt er
af hálfu þeirra sem standa að
henni. „En, aðeins einn er óskeik-
ull og hann kemur ekki nálægt
Gettu betur. Óhjákvæmilegt er
annað en að upp komi mistök. Ég
held að það hafi ekki gerst enn í
sögu keppninnar að menn hafi
komist hjá því.“
Í fyrra var oft heitt undir Páli
Ásgeiri Ásgeirssyni sem að mati
kappsfullra menntskælinga var
ekki nógu nákvæmur. Davíð Þór
býr sig þessa dagana undir að
semja gríðarlegt magn spurn-
inga, segir það ekki eitthvað sem
menn geri á kvöldin og um helgar
viku fyrir keppni - þetta sé full
vinna. Auk þess vinnur Davíð nú
að BA-ritgerð sinni í guðfræði
við Háskóla Íslands. Þórhallur
Gunnarsson, dagskrárstjóri sjón-
varps, segir að enn sé ekki búið
að finna spyril en undanfarin ár
hefur Sigmar Guðmundsson,
aðstoðarritstjóri Kastljóssins,
verið sá. „Ég fagna því að fá
Davíð Þór, sem er reynslubolti,
til liðs við okkur. Og frábær sjón-
varpsmaður,“ segir Þórhallur
sem gerir ekki ráð fyrir breyt-
ingum á keppninni - enda hvers
vegna að breyta því sem virkar?
- shs
Davíð Þór aftur í Gettu betur
DAVÍÐ ÞÓR JÓNSSON Spyrill á ný í Gettu
betur og býr sig nú undir að semja
aragrúa spurninga. FRÉTTABLAÐIÐ/ANTON
„Hann er goðið. Þetta er gamall
draumur,“ segir Baltasar
Kormákur kvikmyndaleikstjóri.
Baltasar var að ganga frá því nú
fyrir fáeinum dögum að ráða sjálf-
an Sam Shepard til að leika stórt
hlutverk í kvikmynd sem hann
leikstýrir úti í Nýju-Mexíkó – á
verndarsvæði indíana. Um er að
ræða Hollywood-myndina Run for
her Live. Myndin kostar 80 millj-
ónir dollara og er þetta í fyrsta
skipti sem íslenskur leikstjóri
gerir mynd af þessari stærðar-
gráðu á erlendri grund.
Í aðalhlutverkum eru Dermot
Mulrony og þýska leikkonan Diane
Kruger en auk þeirra fara Vincent
Perez og Jordi Maalá með hlut-
verk í myndinni ásamt Shepard.
„Þetta er stórt hlutverk en ein-
angrað að því leyti að það er tekið
upp sér. Hann er að leika Jim
Harr isson, pólitíkus frá New-Mex-
ico, sem er tvöfaldur í roðinu. Mig
hefur lengi dreymt um að vinna
með honum. Bæði er hann frábær
leikari og mikið leikskáld. Hann
stendur fyrir svo margt,“ segir
Baltasar. Og ekki lítið hrós sem
hann fékk frá Shepard sem hrós-
aði handritinu sem Baltasar hefur
endurskrifað. „Þannig að það hlýt-
ur eitthvað að vera í þessu.“
Baltasar lýgur engu um það:
Sam Shepard er eitthvert virtasta
núlifandi leikskáld heimsins auk
þess sem afrekaskrá hans sem
leikari á hvíta tjaldinu er tilkomu-
mikil lesning: Frances, Homo
Faber, The Pledge, The Right Stuff
svo handahófskennd dæmi séu
nefnd.
Baltasar var nýverið hér á
landi, skrapp á Landsmót hesta-
manna meðan Bandaríkjamenn
héldu upp á 4. júlí, segist hafa
þurft að athuga með ræturnar
þótt hann láti vel af
sér í Nýju-Mexíkó.
„Þarna er mikill
hiti. Og ég að
breytast í súkkul-
aði sósu. En þetta
gengur rosalega
vel. Við erum tæp-
lega hálfnaðir í tökum
en fyrirhugað er að
þeim ljúki í
byrjun ágúst.
Ég er á leið-
inni aftur,“
segir Balt-
asar. Hann
nefnir einn-
ig mikinn
hvalreka á fjörur þeirra sem að
myndinni koma, en þar er um að
ræða manninn sem stjórnaði öllum
hasaratriðunum í Bourne-mynd-
unum þar sem Matt Damon var í
aðalhlutverki. „Já, munar um
minna. Darrin Prescott er „stunt
coordinator“. Bourne-myndirnar
eru flottustu „action“-myndir sem
gerðar hafa verið í Ameríku,“
segir Baltasar sem nú heldur utan
til að ljúka tökum. Og er ekki lítið
ánægður með það að vera að fara
að starfa með sjálfum Sam
Shepard. jakob@frettabladid.is
BALTASAR KORMÁKUR: GAMALL DRAUMUR RÆTIST
Sam Shepard í mynd Balta
SAM SHEPARD Gamla goðið hans Baltasars hefur fallist á að leika í
myndinni Run for her Live. NORDICPHOTOS/GETTY
BALTASAR KORMÁ-
KUR Ekki á hverjum
degi sem íslenskur
handritshöfund-
ur fær hrós frá
manni á borð við
Sam Shepard.